Fréttablaðið - 09.04.2011, Side 10
9. apríl 2011 LAUGARDAGUR10
Fyrirtæki á höfuðborgarsvæðinu óskar eftir vönum bókara í hálfs-
dags vinnu sem fyrst. Þarf að vera vanur/vön DK bókhaldskerfi í
rekstrar- og verkbókhaldi.
Umsóknir sendist á netfangið tsh@centrum.is fyrir 15. apríl nk.
BÓKARI
Eftirspurn eftir raforku úr endurnýjanlegum orku-
gjöfum hefur aukist verulega. Landsvirkjun hefur staðið
fyrir umfangsmikilli greiningarvinnu á þýðingu þessara
breytinga fyrir fyrirtækið og eigendur þess.
Niðurstöðurnar sýna áhugaverð tækifæri sem meðal
annars fela í sér uppbyggingu fjölbreytts iðnaðar, sölu á
grænum þætti raforkunnar og tengsl við nýja markaði.
Ef rétt er unnið úr tækifærunum getur orkugeirinn á Íslandi
haft sambærilega þýðingu og olíuiðnaðurinn í Noregi.
Landsvirkjun býður til kynningar og opinnar umræðu
um þau tækifæri sem fyrirtækið stendur frammi fyrir,
auk kynningar á árangri ársins 2010.
Arður í orku framtíðar
Allir velkomnir.
Skráning á: landsvirkjun.is/skraning
Landsvirkjun er í eigu þjóðarinnar.
Á R S F U N D U R L A N D S V I R K J U N A R 2 0 1 1
15. apríl 2011
kl. 14-16 á Grand Hótel Reykjavík
D A G S K R Á
Steingrímur J. Sigfússon, fjármálaráðherra
Opnunarávarp
Stjórnarformaður Landsvirkjunar
Ávarp
Hörður Arnarson, forstjóri
Ísland árið 2025: Fjölbreyttur iðnaður,
sæstrengur og grænar tekjur
Rafnar Lárusson, framkvæmdastjóri fjármálasviðs
Ársreikningur og lykiltölur úr rekstri Landsvirkjunar 2010
Fundarstjóri
Ragna Árnadóttir, skrifstofustjóri
Háaleitisbraut 68 - 103 Reykjavík - Sími: 515 90 00 - landsvirkjun@lv.is
PORTÚGAL, AP Fjármálafróðir emb-
ættismenn Evrópusambandsins
munu sitja næstu vikurnar við að
reikna út hve mikið fé portúgalska
ríkið þarf í aðstoð frá ESB til að
geta staðið við skuldbindingar
sínar næstu mánuði og misseri.
Olli Rehn, peningamálastjóri
framkvæmdastjórnar ESB, sagð-
ist í gær telja að Portúgalar muni
þurfa 80 milljarða evra, eða rétt
rúmlega 13.000 milljarða króna,
en tók fram að þetta væri algjört
bráðabirgðamat. Endanleg upp-
hæð verði ekki ljós fyrr en að lokn-
um nokkurra vikna rannsóknum.
Samningur ætti þó að verða til-
búinn til undirritunar um miðjan
maí, rétt í tæka tíð fyrir gjalddaga
stórra lána í júní.
Nú í vikunni fór Portúgal fram
á aðstoð frá Evrópusambandinu
og Alþjóðagjaldeyrissjóðnum.
Það kom í hlut Jose Socrates, sem
gegnir embætti forsætisráðherra
landsins þangað til nýtt þing hefur
verið kosið, að biðja um aðstoðina,
en hann sagði af sér í síðasta mán-
uði eftir að þjóðþing landsins hafn-
aði áformum hans um aðhaldsað-
gerðir í ríkisfjármálum.
Portúgal er þriðja evruríkið sem
fer þessa leið, en áður hafa bæði
Grikkland og Írland neyðst til að
leita á náðir Evrópusambandsins
til að bjarga sér út úr óviðráðan-
legri kreppu.
Fjármálaráðherrar Evrópu-
sambandsríkjanna, sem hittust
í Ungverjalandi í gær, segja að
jafnframt aðstoðinni verði Portú-
gölum sett ströng skilyrði um
aðhald í ríkisfjármálum, sem eiga
að tryggja að landið geti greitt af
lánum sínum næstu þrjú árin. Þau
skilyrði verða enn strangari en
þær aðhaldsaðgerðir, sem portú-
galska þingið hafnaði, þannig að
nú bíða evrópskra og portúgalskra
ráðamanna erfiðar samningavið-
ræður.
Ekki er þó víst að stjórnvöld-
um Grikklands, Írlands og nú
Portúgals takist að standa við þau
ströngu skilyrði, sem þeim hafa
verið sett. Mikil reiði hefur verið
meðal almennings, sem hefur
átt erfitt með að sætta sig við að
aðhaldsaðgerðirnar bitni á þeim
sem síst skyldi.
Þannig fengu Grikkir í gær
áminningu frá Seðlabanka Evr-
ópu um að standa við tímaáætlun
um þær aðgerðir, sem þeir hafa
skuldbundið sig til að hrinda í
framkvæmd.
„Við minntum grísk stjórnvöld
á það að mikilvægt sé að halda
sig við markmið um fjárlagahalla
næstu árin,“ sagði Jean Claude
Juncker, fjármálaráðherra Lúx-
emborgar, sem jafnframt er aðal-
talsmaður evruríkjanna.
gudsteinn@frettabladid.is
Portúgal þarf
80 milljarða
Portúgölum verða sett skilyrði um strangar aðhalds-
aðgerðir. Grikkir fengu áminningu frá Evrópusam-
bandinu um að standa við þau skilyrði sem þeim
voru sett um aðhald í ríkisfjármálum.
NAFNARNIR JEAN-CLAUDE JUNCKER OG JEAN-CLAUDE TRICHET Fjármálaráðherra
Lúxemborgar og bankastjóri Seðlabanka Evrópu á fundinum í Ungverjalandi.
FRÉTTABLAÐIÐ/AP
Lesendur okkar
eru á öllum aldri
– og við þjónum
þeim öllum
Allt sem þú þarft
1 Hvað heitir safnstjóri Hins ís-
lenzka reðasafns?
2 Hvað fær Hreyfingin marga
þingmenn samkvæmt nýjustu skoð-
anakönnun Fréttablaðsins?
3 Hvaða ár var íþróttahúsið við
Strandgötu í Hafnarfirði reist?
SVÖR
1. Sigurður Hjartarson. 2. Engan. 3. 1970.
ALÞINGI Næstum 500 þúsund króna
munur er á lægstu grunnlaunum
sérfræðinga í Stjórnarráðinu og
hæstu heildarlaunum sérfræðinga.
Almennt er mikill munur á grunn-
launum og heildarlaunum starfs-
manna Stjórnarráðsins.
Gunnar Bragi Sveinsson Fram-
sóknarflokki spurðist nýverið fyrir
um launamálin. Í svari fjármála-
ráðherra eru laun fjögurra flokka
starfsmanna tilgreind; skrifstofu-
stjóra, deildarstjóra, sérfræðinga
og stjórnarráðsfulltrúa.
Fulltrúarnir hafa lægstu grunn-
launin, tæplega 245 þúsund krónur
en hæstu heildarlaun stjórnarráðs-
fulltrúa eru rúmlega 585 þúsund.
Lægstu grunnlaun sérfræðinga
eru tæplega 280 þúsund krónur
en hæstu heildarlaun 770 þúsund.
Deildarstjórar hafa lægst 295 þús-
und í grunnlaun en hæst verða
heildarlaun þeirra 635 þúsund.
Lægstu grunnlaun skrifstofustjóra
eru 535 þúsund en hæstu heildar-
laun þeirra 715 þúsund.
Nokkur munur er á hæstu og
lægstu grunnlaunum hvers starfs-
mannaflokks fyrir sig. Minnstur
hjá stjórnarráðsfulltrúum; 100 þús-
und krónur en mestur hjá sérfræð-
ingum; 350 þúsund krónur. Flestir
starfsmenn Stjórnarráðsins falla í
flokkinn sérfræðingar samkvæmt
svarinu; alls 228. - bþs
Mikill munur er á grunnlaunum og heildarlaunum starfsmanna Stjórnarráðsins:
Vel smurt ofan á grunnlaunin
STJÓRNARRÁÐIÐ Töluverður munur er
á lægstu grunnlaunum sérfræðinga og
hæstu heildarlaunum þeirra.
REYKJAVÍK Borgarráð Reykja-
víkurborgar hefur samþykkt að
bjóða út verk fyrir yfir 200 millj-
ónir króna á næstunni. Gert er
ráð fyrir að framkvæmdirnar
skapi tímabundin störf sem jafn-
gilda fimmtán ársverkum.
Um er að ræða framkvæmdir
við lóðir grunnskóla sem áætl-
að er að kosti um 100 milljón-
ir króna og lóðir leikskóla sem
kosta munu um 35 milljónir
króna. Þá verður 70 milljónum
króna varið til framkvæmda sem
bæta eiga umferðaröryggi. - bj
200 milljóna verk í útboð:
Bæta skólalóðir
og gönguleiðir
VEISTU SVARIÐ?