Fréttablaðið - 09.04.2011, Page 96

9. apríl 2011 LAUGARDAGUR64
Sexmenningarnir í Vinum
Sjonna ætla að blása til
dansleiks á Spot í Kópavogi
í kvöld. Þetta verða fyrstu
og einu tónleikar Euro-
vision-faranna fyrir Þýska-
landsferðina.
Eurovision-drengirnir Hreim-
ur Örn, Pálmi Sigurhjartarson,
Matthías Matthíasson, Benedikt
Brynleifsson, Gunnar Ólason
og Vignir Snær eru allir önnum
kafnir menn og verða því að nýta
hverja einustu stund til að æfa
sig. Sjálf Icesave-helgin verður
undirlögð af æfingum.
„Við erum allir hver á sínu
horni landsins og verðum því
bara að æfa í törnum eins og um
helgina. Síðan tökum við síðustu
vikuna áður en við förum út og
æfum eins og skepnur, því þó að
þetta sé bara eitt lag er í mörg
horn að líta,“ segir Hreimur Örn
í samtali við Fréttablaðið.
Drengirnir voru bókaðir á
árshátíð á laugardaginn og
ákváðu í kjölfarið að hita sig
aðeins upp fyrir Düsseldorf þar
sem Eurovision fer fram um miðj-
an maí. „Jógvan og Róbert Þór,
bassaleikari, verða með okkur
þannig að þetta er næstum því
hljómsveitin Rokk sem Sjonni
stofnaði á sínum tíma. Við erum
auðvitað með alvöru prógramm
og gætum hæglega leikið í fjóra
til fimm tíma.“
Undirbúningur fyrir ferðina til
Düsseldorf er í fullum gangi en í
vikunni fékk Hreimur einhverjar
þær bestu fréttir sem hann hefur
fengið lengi. „Jónatan [Garðars-
son] er búinn að hræða okkur
mikið undanfarna daga og hefur
látið það koma algjörlega skýrt
fram að við hefðum engan tíma
til að spila átján holur af golfi.
En svo, eftir samningaviðræður
og nokkuð þóf, fannst loks tími.
Við fáum fjóran og hálfan tíma
til að leika golf þriðjudaginn 3.
maí og það eru nokkrir vellir sem
koma til greina,“ segir kampa-
kátur Hreimur Örn Heimisson,
liðsmaður Vina Sjonna, íslensku
Eurovision-faranna. Hreimur
og Matthías eru forfallnir golf-
fíklar og höfðu gengið með þann
draum í maganum að geta spil-
að golf í Düsseldorf. Sá draum-
ur virðist nú vera að rætast og
segir Hreimur að þeir verði eins
og barðir hundar að leik loknum.
„Við munum gera allt sem okkur
verður sagt að gera.“
freyrgigja@frettabladid.is
Vinir Sjonna með
dansleik í kvöld
SUNGIÐ SAMAN Á SPOT Vinir Sjonna, Eurovision-farar Íslands, verða á Spot í
Kópavogi í kvöld en þetta er fyrsti og eini dansleikurinn sem sveitin kemur fram á
fyrir ferðina til Þýskalands. FRÉTTABLAÐIÐ/DANÍEL
Óskarsverðlaunahafinn Natalie Portman fer með hlutverk í gaman-
myndinni Your Highness sem leikstýrt er af David Gordon Green,
þeim sama og leikstýrði Pineapple Express.
Í nýlegu viðtali viðurkennir Portman að hún hafi sérstakt dálæti á
„stoner“ kvikmyndum, sem hægt væri að þýða sem hasshausa-myndir.
„Ég reykti gras á háskólaárum mínum en ég hef ekki reykt í mörg ár
núna. Ég er líklega orðin of gömul. Ég vildi óska að ég væri enn svöl en
í raun er ég eins og gömul kona og er oftast komin í háttinn um klukk-
an tíu öll kvöld,“ sagði leikkonan í viðtali við Entertainment Weekly.
Reykti gras
Kim Cattrall, sem er þekktust fyrir að leika
Samönthu Jones í Sex and the City, viður-
kennir að hlutverkið hafi virkað fráhrind-
andi á karlpeninginn í raunveruleikanum.
Samantha kallaði ekki allt ömmu sína í þátt-
unum þegar kom að samskiptum kynjanna
og daðraði jafnt við sér eldri og yngri
menn. En í hversdagsleikanum er staðan
allt önnur, karlmenn eru logandi hræddir
við leikkonuna.
Cattrall ræddi málið í spjallþætti Ellenar
DeGeneres og sagði að hún hefði gert sér
þetta mjög erfitt fyrir. „Og ekki skánaði
ástandið þegar ég skrifaði bók um full-
nægingu kvenna. Karlmenn eru nefnilega
þannig gerðir að þeim þarf að líða eins og
þeir séu alvitrir, sérstaklega á þessu sviði.“
Svo skemmtilega vill til að Kim er þar að
vísa í bókina Satisfaction: The Art of
Female Orgasm sem hún skrifaði með
fyrrverandi eiginmanni sínum, Mark
Levinson.
Og stefnumótavandamálið gæti
orðið enn erfiðara þegar karlarn-
ir sjá hennar nýjustu mynd; Meet
Monica Velour. Þar leikur Kim nefnilega
roskna klámmyndastjörnu sem fer að
fækka fötum á ný til að ná endum saman
og verður að lokum ástfangin af sautján
ára pilti. „Þetta er falleg saga um konu
á fimmtugsaldri sem hittir ungan strák
og þau þróa með sér samband.“
Karlar hræðast Kim Cattrall
ERFITT Kim
Cattrall segir
að karlmenn
séu hræddir við
sig og kennir
annars vegar
Samönthu um
málið og hins
vegar bókinni
um fullnægingu
kvenna sem hún
skrifaði.
Allt sem þú þarft
STÆRSTA
PÁSKA-
EGGJALEIT
LANDSINS
Það er aðeins ein sneið af frábærri
dagskrá á 10 ára afmælishátíð
Fréttablaðsins 16. apríl í Perlunni.
Fylgstu með!