Fréttablaðið - 30.04.2011, Qupperneq 20

20 30. apríl 2011 LAUGARDAGUR
Í síðustu viku á fundi borgar-stjórnar var samþykkt að slíta í
sundur starfsemi Íþrótta- og tóm-
stundasviðs Reykjavíkur, ÍTR.
Ástæðan er fyrirhugaður flutn-
ingur á starfsemi tómstunda í nýtt
sameinað ráð skóla- og frístunda-
mála. Ekki ætla ég að mæla gegn
breytingum á stjórnkerfinu sem
einfalda hugsanlega rekstur þess
og stjórnsýslu, svo ég tali nú ekki
um ef um skynsamlegar breytingar
er að ræða. En þegar breytingarnar
eru gerðar með þeim hætti sem hér
um ræðir get ég ekki orða bundist.
Hlutirnir keyrðir í gegn án nokk-
urrar faglegrar umræðu og á ein-
ungis fjórum sólarhringum eftir að
tillagan um að kljúfa ÍTR í herðar
niður hafði verið kynnt í fyrsta
skipti var búið að samþykkja til-
löguna í borgarráði og daginn eftir
í borgarstjórn.
Eftir sitja um 1.100 starfsmenn
sviðsins sem vita í raun ekkert
hvað til stendur og þurfa að bíða
í óvissu þangað til meirihlutinn
hefur áttað sig sjálfur á þeim breyt-
ingum sem fyrirhugaðar eru. Hvað
fylgir hverju, hvað á að vera hvar
og hverjir fara hvert.
Ekki ein einasta umræða eða
fagleg vinna átti sér stað í ÍTR að
frumkvæði meirihlutans um fyrir-
hugaðar breytingar og ekki minnsti
vottur af einhverjum áhuga á að
eiga eitthvert samráð, samræður
eða yfir höfuð gefa minnihlutanum
færi á að koma sínum sjónarmiðum
á framfæri. Ekkert.
Minnihlutinn óskaði eftir auka-
fundi til að ræða þessar fyrir-
huguðu breytingar og fengum við
fund einungis klukkustund áður en
afgreiða átti tillöguna í borgarráði.
Á þessum aukafundi var okkur tjáð
að málið væri allt á umræðustigi
og ekki stæði til að keyra breyting-
arnar í gegn í borgarráði.
En viti menn, tæpum tveimur
tímum síðar var búið að afgreiða
málið í borgarráði. Meirihlutinn
í ÍTR hafði ekki einu sinni haft
kjark til að koma fram af hrein-
skilni gagnvart minnihlutanum í
þessu máli og ræða stöðuna eins
og hún var og hvað til stæði.
Besti flokkurinn og Samfylk-
ing keyrðu því þessar breytingar í
gegn án allrar umræðu. Þetta fólk
sem sagði okkur fyrir síðustu kosn-
ingar að það væri riddarar nýrra
og bættra vinnubragða í stjórnmál-
um. Þetta hlýtur bara að hafa verið
partur af öllu gríninu. Því ömur-
legri vinnubrögðum hef ég ekki
kynnst á mínum ferli.
Ef einhver skemmdaverk hafa
verið framin þá eru það þær breyt-
ingar sem meirihlutinn fyrirhug-
ar á ÍTR. Það er verið að kljúfa í
herðar niður flaggskip Reykja-
víkurborgar, ÍTR, það svið sem í
hugum almennings skorar hæst í
öllum könnunum og er að skila frá-
bæru starfi og þjónustu til borga-
búa. Vörumerkið, ÍTR, sem er eitt
sterkasta „brand“ borgarinnar, á
að leggja niður og ástæðan er óljós.
Þetta er sorgleg málsmeðferð.
En sorglegust er auðvitað frammi-
staða fulltrúa Besta flokks og
Samfylkingar í ÍTR sem ekki
einu sinni lyftu litla fingri til að
verja hið góða starf sem starfsfólk
ÍTR hefur verið að vinna og er nú
komið í uppnám. ÍTR var einfald-
lega slátrað í skjóli nætur.
ÍTR slátrað!
Borgarmál
Geir
Sveinsson
varaborgarfulltrúi
Sjálfstæðisflokksins
AUKUM ATVINNU - BÆTUM KJÖRIN
Göngum saman 1. maí
Samtök launafólks
á almennum og
opinberum markaði
1. maí gangan í Reykjavík
Söfnumst saman á horni Snorrabrautar
og Laugavegar kl. 13.
Upphitun með vel völdum lögum
lúðrasveitanna.
Lagt af stað niður Laugaveg kl. 13:30.
Örræður fluttar meðan á göngunni stendur.
Lúðrasveit verkalýðsins og Lúðrasveitin
Svanur leiða gönguna niður á Austurvöll.
Útifundur á Austurvelli kl. 14:10 - 15:00.
Dagskrá útifundar á Austurvelli
Ávarp fundarstjóra: Ingvar Vigur Halldórsson, stjórnarma
ður í Eflingu
Ræða: Signý Jóhannesdóttir, varaforseti ASÍ
Hljómsveitin Dikta
Ræða: Garðar Hilmarsson, 2. varaformaður BSRB
Hljómsveitin Dikta
Ávarp: Heiða Karen Sæbergsdóttir, formaður Sambands í
slenskra framhaldsskólanema
Í lok fundar syngjum við saman Internationalen við un
dirleik Lúðrasveitar
verkalýðsins og Lúðrasveitarinnar Svanur.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
FÁÐU BEITTUSTU
BRANDARANA Í SÍMANN
m.visir.is
Fáðu Vísi í símann!
Meiri Vísir.
Meira sjónvarp, meira útvarp, meiri fréttir, meiri upplýsingar,
meiri umræða, meira líf, meiri íþróttir, meiri virkni, meira úrval.
Þú færð meira af öllu á Vísi.
Skopmyndir Halldórs Baldurssonar eru á Vísi