Fréttablaðið - 30.04.2011, Side 30

30. apríl 2011 LAUGARDAGUR30
Þ
ú ert gullfalleg,“
hvíslaði Vilhjálmur
prins að tilvonandi
brúði sinni um leið og
hann leit hana augum
í Westminster Abbey
í Lundúnum í gær. Þetta staðfesti
varalesari fréttastofunnar Reuters.
Brúðhjónin ungu þóttu standa sig
vel á þessum hátíðlega degi en það
var einna helst fallegur brúðarkjóll
og geislandi fegurð prinsessunnar
sem vakti athygli.
Kjóllinn er merktur yfirhönn-
uði Alexander McQueen tískuhúss-
ins, Söruh Burton, og í samráði við
brúðina hannaði hún kjól sem sam-
einar hefðbundið breskt handbragð
og nútímalega hönnun. Rómantískt
efra stykkið, þakið blúndum, fór vel
við sítt og fallandi pilsið. Látlaust
slör með litlum saumuðum blómum
neðst var punkturinn yfir i-ið.
„Mér fannst kjóllinn æðislegur.,
látlaus og fór henni einstaklega vel,
en það var líka gaman að sjá að hún
ákvað að fara sína eigin leið og ekki
herma eftir Díönu prinsessu,“ segir
Karl Berndsen útlitssérfræðingur.
„Mér fannst samt að hún hefði getað
verið með meiri greiðslu í þessu
mikla hári sínu. Bæði hárið og
förðunin voru einum of hversdags-
leg fyrir minn smekk.“ bætir hann
við. Þúsundir Breta flykktust svo að
Buckinghamhöll til að fylgjast með
brúðhjónunum kyssast á svölunum
á þessum hátíðardegi.
FRAMHALD Á SÍÐU 32
Katrín hin fagra af Cambridge
Heimsbyggðin fylgdist spennt með er Vilhjálmur Bretaprins gekk að eiga Kate Middleton, sem nú hefur fengið nafnið Katrín
hertogaynja af Cambridge. Álfrún Pálsdóttir fylgdist af athygli með konunglega brúðkaupinu í Bretlandi.
KJÓLASVIPUR
Brúðarkjól Katrínar þykir svipa
mjög til brúðarkjóls Grace Kelly,
sem hún klæddist er hún gekk
að eiga Rainier Mónakóprins árið
1956. Í þá daga vakti brúðarkjóll
Kelly mikla athygli og þótti nútíma-
legur enda varð leikkonan mikil
tískufyrirmynd í kjölfarið.
Báðir kjólarnir eru með blúndu í
berustykkinu og ermunum. Einnig
var slörið, með blúndubrydding-
unum neðst, í svipuðum stíl hjá
prinsessunum. Kjóll Kelly var hann-
aður af verðlaunafatahönnuðinum
Helen Rose og lögðu 30 sauma-
konur nótt við dag í sex vikur við
saumaskapinn.
BRÚÐARVÖNDURINN Vand-
lega samansettur úr liljum,
sem tákna lukku, híasintum
(eilíf ást) og bergfléttu – fyrir
vináttuna og kærleikann.
SLÖRIÐ Gert úr
silkitjulli með
ísaumuðum
blómakanti.
KÓRÓNAN - hún
er gerð af Cartier
árið 1936. Elísabet
drottning fékk hana í
18 ára afmælisgjöf.
DEMANTAEYRNA-
LOKKAR Hannaðir
af Robinson Pelham
og í laginu eins og
eikarlauf.
LANGUR OG FAGUR Um leið og prinsessan tilvonandi steig út úr bílnum tóku áhorfendur andköf enda brúðurin stórglæsileg. Systir
brúðarinnar og brúðarmeyjan, Pippa Middleton, stóð síðan í ströngu við að halda slóðanum í skefjum á meðan hertogaynjan veifaði
fólkinu. NÝGIFT Brúðhjónin gengu út úr kirkjunni lukkuleg á svipinn en þau hafa nú fengið nöfnin Vilhjálmur hertogi og Katrín hertoga-
ynja af Cambrigde. Vilhjálmur var klæddur fagurrauðum heiðursbúningi breska flughersins. SÆTAR MEYJAR Litlu brúðarmeyjarnar og
uppáklæddu drengirnir voru ógnarspennt er þau gengu inn í kirkjuna. NORDICPHOTOS/AFP
KJÓLLINN Hannaður af Söruh Burton
og teymi hennar hjá Alexander
McQueen-tískuhúsinu. Hefðbundið
breskt handverk í saumaskapnum í
bland við nútímalegt snið.