Fréttablaðið - 30.04.2011, Page 94

30. apríl 2011 LAUGARDAGUR70
sport@frettabladid.is
SIGURÐUR INGIMUNDARSON skrifaði í gær undir tveggja ára samning um að þjálfa karlalið Keflavíkur. Þetta
verður í þriðja sinn sem Sigurður tekur við karlaliði Keflavíkur en þjálfaði liðið einnig frá 1997 til 2003 og frá 2004 til 2008.
Sigurður hefur gert Keflvíkinga fimm sinnum að Íslandsmeisturum, síðast árið 2008, en liðið varð Íslandsmeistari á hans
fyrsta tímabili með liðið bæði 1996-97 og 2004-2005.
Greiningar- og ráðgjafarstöðvar ríkisins
Grand Hóteli 12. og 13. maí 2011
Vorráðstefna
XXVI
Fimmtudagur 12. maí
Fundarstjóri: Ingólfur Einarsson, barnalæknir.
8:30-9:00 Skráning og afhending gagna.
9:00-9:10 Setning.
9:10-9:45 Meðferð persónuupplýsinga – hvað ber að varast?
Vigdís Eva Líndal, lögfræðingur hjá Persónuvernd.
9:45-10:20 Trúnaður við skjólstæðinga og barnavernd - hvað ræður för?
Hrefna Friðriksdóttir, dósent við lagadeild Háskóla Íslands.
10:50-11:25 Mannauður í þjónustu við fatlað fólk – þekking, þjálfun,
líðan.
Sólveig Steinsson, þroskaþjálfi hjá fjölskyldusviði Garðabæjar og
Kristrún Sigurjónsdóttir, þroskaþjálfi hjá Borgarbyggð.
11:25-12:00 Samskipti á vinnustað – hlutverk handleiðslu.
Þórkatla Aðalsteinsdóttir, sálfræðingur hjá Líf og sál.
13:00-15:00 Málstofur: Frá greiningu til íhlutunar.
Málstofa A: Sjá nánar á www.greining.is
Snemmtæk íhlutun – notkun færnimiðaðra matstækja
Kynntar verða leiðir til að þróa einstaklingsmiðaðar námskrár út frá
færnimiðuðum matstækjum fyrir börn á leikskólaaldri.
Málstofa B: Sjá nánar á www.greining.is
Að lesa úr niðurstöðum og nýta til gagns.
Kynntar verða leiðir til að vinna með niðurstöður greininga til
hagsbóta fyrir börn með þroskaraskanir á grunnskólaaldri.
15:20-16:00 Þroska- og hegðunarvandamál barna á skólaaldri – næstum
því „normal“.
Laufey Ýr Sigurðardóttir, barnalæknir hjá Greiningar- og
ráðgjafarstöð.
Föstudagur 13. maí
Fundarstjóri: Guðrún Þorsteinsdóttir, félagsráðgjafi.
9:00- 9:35 Fjölskyldur innflytjenda – samskipti í ljósi ólíkrar
menningar.
Hrefna Magnúsdóttir, þroskaþjálfi hjá Fjölmenningarsetri.
9:35-10:10 Hver er í fjölskyldunni – börnin mín, börnin þín og
hvað með fyrrverandi?
Valgerður Halldórsdóttir, félagsráðgjafi hjá Stjúptengsl.
10:40-11:20 Flækjustig í þjónustu við fatlað fólk og leiðsögn um
kerfið.
Halldór Gunnarsson, félagsráðgjafi hjá Borgarbyggð.
11:20-12:00 Valdefling foreldra – að berjast fyrir barnið sitt.
Ásta Kristrún Ólafsdóttir, sálfræðingur og foreldri.
13:00-15:00 Málstofur: Kynningar á rannsóknar- og þróunar-
verkefnum ásamt nýjungum í starfi á sviði fatlana
barna.
Málstofa A: Sjá nánar á www.greining.is
Málstofa B: Sjá nánar á www.greining.is
Kynningar á veggspjöldum í anddyri. Höfundar
verða á staðnum
15:30-15:45 Ráðstefnulok – horft til framtíðar.
Stefán J. Hreiðarsson, forstöðumaður Greiningar– og
ráðgjafarstöðvar.
Siðfræði og samstarf
25ára Skráning á www.greining.is eða í síma 510 8400.Þátttökugjald: 15.000 kr. fyrir fagfólk og 9.000 kr. fyrir aðstandendur og háskólanema á þessu fræðasviði.
Skráningu lýkur 5. maí.
Stærsti faglegi vettvangur
þeirra sem tengjast börnum með
þroskafrávik
H
2
h
ö
n
n
u
n
N1 deild karla
FH - Akureyri 28 - 26 (15 - 14)
Mörk FH (skot): Ásbjörn Friðriksson 8/2
(10/2), Baldvin Þorsteinsson 6 (8), Ólafur
A. Guðmundsson 6 (11), Ólafur Gústafsson
3 (5), Halldór Guðjónsson 2 (2), Atli Rúnar
Steinþórsson 2 (2), Örn Ingi Bjarkason 1 (5), Ari
M. Þorgeirsson (2).
Varin skot: Daníel Freyr Andrésson 21/1 (47/3,
45%).
Hraðaupphlaup: 5 (Baldvin 5).
Fiskuð víti: 2 (Örn Ingi 1, Ari M. 1).
Utan vallar: 6 mínútur.
Mörk Akureyrar (skot): Oddur Gretarsson 12/2
(14/2), Guðmundur Hólmar Helgason 4 (9),
Bjarni Fritzson 4 (10/1), Guðlaugur Arnarsson
2 (2), Heimir Örn Árnason 2 (9), Hreinn Þór
Hauksson 1 (2), Daníel Einarsson 1 (2), Jón
Heiðar Sigurðsson (1), Hörður Fannar Sigþ.(1).
Varin skot: Sveinbjörn Péturss. 14 (42/2, 33%).
Hraðaupphlaup: 8 (Bjarni 2, Oddur 2, Hreinn
Þór 1, Guðmundur Hólmar 1, Guðlaugur 1,
Heimir Örn 1).
Fiskuð víti: 3 (Hörður Fannar 2, Heimir
Örn 1). Utan vallar: 10 mínútur.
Lengjubikar kvenna í fótb.
Þór/KA-Stjarnan 1-3 (1-0)
Arna Sif Ásgrímsdóttir kom Þór/KA í 1-0 í
leiknum en Soffía Arnþrúður Gunnarsdóttir
jafnaði metin. Ashley Bares og Inga Birna
Friðjónsdóttir bættu síðan við mörkum og
tryggðu Stjörnunni sæti í úrslitaleiknum í annað
skiptið á þremur árum.
Sænski kvennafótboltinn
Djurgården-Dalsjöfors 4-1(1-0)
Dóra María Lárusdóttir skoraði fyrsta markið
og lagði upp það síðasta. Dóra María var tekin
út af á 80. mínútu eða strax eftir fjórða markið.
Guðbjörg Gunnarsdóttir og Katrín Jónsdóttir
léku hins vegar báðar allan leikinn en þær hafa
allar þrjár verið í byrjunarliði Djurgården í fyrstu
fjórum umferðunum.
Þýski handboltinn
Ahlen-Hamm-TuS N-Lübbecke 27-28 (10-15)
Þórir Ólafsson skoraði tíu mörk fyrir TuS
N-Lübbecke. Þórir skoraði sex af tíu mörkum
sínum á vítalínunni en þetta var mjög
mikilvægur sigur í fallbaráttunni. Einar
Hólmgeirsson skoraði ekki í leiknum.
ÚRSLITIN Í GÆR
HANDBOLTI FH hefur 2-0 forystu í
úrslitaeinvíginu gegn Akureyri um
Íslandsmeistaratitilinn í handbolta
eftir sigur í kaflaskiptum og
dramatískum leik í Kaplakrika í
gær, 28-26. Óhætt er að segja að
leikurinn hafi verið sérkennilegur
þar sem að liðin skiptust á að
stjórna leiknum og raða inn
mörkunum. Hvorugu liðinu
tókst þó að stinga af og reyndust
lokamínúturnar því æsispennandi.
Akureyringurinn Heimir Örn
Árnason fékk tækifæri til að
jafna leikinn þegar 20 sekúndur
voru eftir en hann brenndi af í
dauðafæri á línunni. Daníel Freyr
Andrésson, markvörður FH,
hafði átt frábæran leik sem hafði
sjálfsagt sitt að segja. FH skoraði
síðasta markið á lokasekúndunni
og tryggði sér þar með tveggja
marka sigur.
Atli Hilmarsson var þjálfari
KA þegar að liðið lenti 2-0 undir
í úrslitaeinvíginu gegn Val árið
2002 en vann á endanum titilinn
eftir fræga rimmu. Hann þarf
nú að framreiða aðra eins töfra
og Oddur Gretarsson, langbesti
leikmaður Akureyrar í gær, hefur
trú á að það sé hægt.
„Af hverju ekki? Við ætlum að
mæta á æfingu á morgun, enn með
hugann við það að við getum orðið
Íslandsmeistarar. Við ætlum að
byrja á því að vinna á sunnudag-
inn,“ sagði Oddur sem skoraði tólf
mörk úr fjórtán skotum í gær.
FH-ingar byrjuðu vel í gær og
komust yfir en þá tóku Akureyr-
ingar við sér og jöfnuðu metin.
Þetta var í raun saga leiksins og
þannig gekk þetta allt til leiksloka.
Varnarleikurinn var ekki til fyrir-
myndar en markvarslan var ágæt,
sérstaklega hjá heimamönnum þar
sem Daníel Freyr Andrésson fór á
kostum. Þjálfari hans, Einar Andri
Einarsson, hrósaði honum eftir
leikinn.
„Hann hefur komið mjög sterk-
ur inn eftir áramót og hann á hrós
skilið. Hann hefur lagt mikið á sig
og er að uppskera eftir það. Ég er
virkilega stoltur af honum,“ sagði
Einar Andri.
FH-ingar byrjuðu einnig betur
í seinni hálfleik en Akureyring-
ar geta þakkað Oddi Gretarssyni
fyrir að hafa hangið inn í leiknum
því hann skoraði fimm af fyrstu
sjö mörkum Norðlendinga í síð-
ari hálfleik. En einn maður getur
ekki axlað alla ábyrgðina og FH-
ingar færðu sér það í nyt.
Svo virtist sem þeir væru end-
anlega að klára leikinn er FH
var fjórum mörkum yfir þegar
tíu mínútur voru eftir. En, enn
og aftur, snerist leikurinn við og
Akureyri jafnaði metin. Loka-
mínúturnar voru því æsispenn-
andi og á endanum var það ein-
skær óheppni sem fór langt með
að ráða úrslitunum.
„Þetta var svo sem ekki falleg-
ur handbolti enda lokaúrslit og
mikil harka í báðum þessum leikj-
um,“ sagði Ólafur Guðmundsson
sem skoraði tvö mikilvæg mörk
fyrir FH á lokakaflanum í gær.
„Við spiluðum vel á breiddina og
ég held að það hafi fleytt okkur
langt í dag. Við fengum sterka
leikmenn inn af bekknum og það
var afar dýrmætt fyrir okkur.“
Hann viðurkennir að FH-ing-
ar áttu svo sem ekki von á því að
komast strax 2-0 yfir í rimmunni.
„Við fórum samt í báða leikina til
að vinna. Við þurfum að byggja
ofan á þetta og nú þurfum við að
byrja upp á nýtt í næsta leik. Sá
leikur byrjar líka í stöðunni 0-0.“
Ólafur veit einnig á hverju
hann á von á Akureyri á morgun.
„Akureyringar eru þekktir fyrir
að gefast aldrei upp og það munu
þeir ekki gera. Við munum þurfa
að hafa mikið fyrir sigrinum en
við ætlum okkur að klára þetta og
ná titlinum.“
eirikur@frettabladid.is
Atli þarf aftur að vinna þrjá sigra
FH er komið í 2-0 í úrslitaeinvíginu um Íslandsmeistaratitilinn í handbolta gegn Akureyri. Deildarmeistar-
arnir eru komnir út í horn og þurfa að vinna næstu þrjá leiki til að koma titlinum til Akureyrar.
ÚTLITIÐ ER EKKI BJART Oddur Gretarsson skoraði tólf mörk fyrir Akureyrarliðið í gær
en það dugði þó ekki til og Örn Ingi Bjarkason og félagar í FH eru komnir í 2-0 og
vantar aðeins einn sigur til viðbótar til þess að tryggja sér Íslandsmeistaratitilinn.
FRÉTTABLAÐIÐ/VILHELM