Fréttablaðið - 14.05.2011, Side 18

18 14. maí 2011 LAUGARDAGUR
Þann 15. desember s.l. var undirritað samkomulag um
úrvinnslu skuldamála lítilla og
meðalstórra fyrirtækja. Aðilar
að samkomulaginu eru öll helstu
hagsmunasamtök atvinnulífsins
auk fjármálafyrirtækja, efna-
hags- og viðskiptaráðuneytis og
fjármálaráðuneytisins f.h. ríkis-
sjóðs. Markmið samkomulags-
ins, sem byggir á „Sameiginleg-
um reglum fjármálafyrirtækja
um fjárhagslega endurskipu-
lagningu fyrirtækja“, er að hraða
úrvinnslumálum yfirskuldsettra
fyrirtækja sem talin eru lífvæn-
leg og gengur það í daglegu tali
undir heitinu „Beina brautin“.
Í því felst að skuldir fyrirtækja
verði lagaðar að greiðslugetu
þeirra og eignum.
Hvað tefur?
Upp á síðkastið hafa ýmsir lýst
yfir óánægju í fjölmiðlum með
það hve fá fyrirtæki hafa farið
í gegnum Beinu brautina. Ekki
er hægt að blása á þær óánægju-
raddir og óhætt er að segja að
þeir sem að koma taki þær alvar-
lega. Flest þessara mála eru þó
þess eðlis að vanda þarf til verka
og tekur hvert og eitt mál mun
lengri tíma en flestir höfðu gert
ráð fyrir. Mikilvægt er að hafa í
huga að fyrirtæki kemur sínum
málum ekki á hreint án aðkomu
banka og banki kemur málum
fyrirtækja ekki í gegn nema
í samvinnu við forsvarsmenn
fyrirtækja. Það má alveg gagn-
rýna bankana fyrir að vinna of
hægt og eflaust er oft hægt að
vinna mál hraðar. Hins vegar
má líka gagnrýna forsvarsmenn
margra fyrirtækja fyrir að sækj-
ast ekki eftir þeim úrræðum sem
bjóðast því staðreyndin er sú að
alltof margir þeirra
eru enn að bíða eftir
„einhverju betra“.
Fyrirtæki með reynslu
Hinn 22. mars s.l. var
haldinn opinn fund-
ur um Beinu braut-
ina fyrir forsvars-
menn fyrirtækja á
vegum Viðskiptaráðs
Íslands. Á fundinum
ræddu m.a. forsvars-
menn þriggja fyrir-
tækja málin og sátu
svo fyrir svörum.
Allir áttu þeir það
sameiginlegt að hafa
farið í gegnum Beinu
brautina, hver í sínum
banka. Athyglisvert
var að heyra hvað
þeir höfðu að segja
þegar þeir lýstu sinni
reynslu. Það sem stendur upp úr
að okkar mati er annars vegar
það að þeim fannst öllum mjög
mikilvægt að vera í reglulegum
samskiptum við sinn banka. Hitt
atriðið sem var mjög athyglisvert
er það að allir hvöttu þeir for-
svarsmenn fyrirtækja til að fara í
sinn banka og ræða málin fyrir 1.
júní n.k. meðal annars með þeim
rökum að annars gætu þeir misst
af úrlausn sem hugsanlega hent-
ar best af öllum þeim úrlausnum
sem í boði eru.
Betri réttur er tryggður
Með því að leita til síns aðal-
viðskiptabanka fyrir 1. júní og
athuga hvort möguleiki sé á að
komast inn í Beinu brautina
tryggir fyrirtæki sér mögulega
auka valkost, þ.e. Beinu brautina
og allt það sem henni fylgir. Aug-
ljóslega þarf fyrirtæki að upp-
fylla öll hefðbundin skilyrði til
að komast þar inn. Verði
niðurstaða dómstóla
vegna erlendra lána hag-
stæðari en Beina brautin
þá gildir sú niðurstaða að
sjálfsögðu einnig eftir 1.
júní. Ef fyrirtæki lætur
hins vegar hjá líða að
leita til síns banka fyrir
1. júní missir það að
öllum líkindum af Beinu
brautinni og því sem
henni fylgir því alls ekki
er víst að hún verði í boði
eftir þann tíma. Mikil-
vægt er að hafa í huga
að jafnvel þótt erlend
lán fyrirtækja kunni að
verða dæmd ólögleg geta
einhver fyrirtæki átt
von á óhagstæðari niður-
stöðu sinna mála verði
slík lán endurreiknuð
m.v. íslenska vexti. Það
er því mjög mikilvægt fyrir þau
fyrirtæki sem uppfylla skilyrðin
að tryggja sér þau úrræði sem
fylgja Beinu brautinni því þar
getur hagstæðasta lausnin legið.
Að okkar mati er ekki eftir
neinu að bíða hjá forsvarsmönn-
um yfirskuldsettra fyrirtækja.
Komið í bankann og ræðið málin.
Það tapar enginn á því.
Ekki missa af Beinu brautinni
Úrvinnsla
skuldamála
Birgir
Runólfsson
deildarstjóri í lánaeftirliti
Íslandsbanka
Marteinn M.
Guðgeirsson
sérfræðingur
á útibúasviði
Íslandsbanka
Upp á síð-
kastið hafa
ýmsir lýst
yfir óánægju
í fjölmiðlum
með það hve
fá fyrirtæki
hafa farið
í gegnum
Beinu
brautina.
Samstarfsvettvang-
ur um norðurslóðir
Athygli íbúa og stjórnvalda á norðurskautssvæðinu beinist
í síauknum mæli að þeim ógnum
og tækifærum sem loftslags-
breytingar, auðlindanýting og
norðursiglingar munu bera með
sér í okkar heimshluta. Það er
líklega hvergi eins og augljóst og
hjá grönnum okkar hér í vestri
þar sem jöklar og hafís hopa
hraðar enn áður þekkist. Sam-
tímis eiga Grænlendingar sam-
starf við erlend stórfyrirtæki að
hefja olíuleit við strendur lands-
ins í von um að renna tryggari
stoðum undir sjálfstæði þjóðar-
innar. Það var því vel við hæfi að
Danir, Grænlendingar og Færey-
ingar, sem hafa leitt formennsku
Norðurskautsráðsins síðustu tvö
árin, skyldu enda formennsku-
tíð sína með því að boða til ráð-
herrafundar í Nuuk á Grænlandi.
Fundurinn og áhersla Íslands á
starfsemi Norðurskautsráðs-
ins gefur kærkomið tilefni til
að stinga niður penna og greina
frá helstu atriðum fundarins og
minna á mikilvægi ráðsins fyrir
framtíðarþróun svæðisins.
Norðurskautsráðið
Það er ekki fyrr en litið er í bak-
sýnisspegil sögunnar að við
gerum okkur fyllilega grein
fyrir því hversu fjarri við erum
tortryggni Kalda stríðsins sem
hélt norðrinu í pólitískum klaka-
böndum í áratugi. Þíðan sem
leiddi af leiðtogafundinum í
Reykjavík 1986 birtist meðal
annars í svokallaðri Murmansk-
ræðu Míkaíl Gorbatsjov þar sem
hann hvatti ríki norðursins til að
sameinast um verndun umhverf-
is og samfélaga á norðurslóðum
og bar að endingu ávöxt í stofn-
un Norðurskautsráðsins áratug
síðar, árið 1996.
Ráðið er samstarfsvettangur
norðurskautsríkja um mál-
efni norðurslóða með sérstakri
áherslu á umhverfivernd og sjálf-
bæra þróun. Norðurskautsrík-
in átta; Bandaríkin, Danmörk,
Finnland, Ísland, Kanada, Nor-
egur, Rússland og Svíþjóð eiga
ásamt fulltrúm sex helstu sam-
taka þeirra frumbyggja sem búa
á norðurheimskautssvæðinu sæti
í ráðinu. Ríki utan norðurslóða
eru ásamt ýmsum alþjóðstofnun-
um og félagasamtökum áheyrn-
araðilar að ráðinu og taka þátt
í vísindastarfi á vegum ráðsins.
Norðurskautsríkin skipta með
sér formennsku ráðsins á tveggja
ára fresti og fór Ísland með for-
mennskuna frá 2002 til 2004.
Sameiginleg formennska Dana,
Grænlendinga og Færeyinga
skilar nú formennskukeflinu til
Svía.
Veganestið frá Nuuk
Á fundinum í Nuuk 12. maí var
m.a. rætt um helstu niðurstöð-
ur af vísindastarfi ráðsins á síð-
ustu tveim árum. Nýleg vísinda-
skýrsla Norðurskautsráðsins um
breytingar á klakaböndum norð-
ursins; ís, snjó, sífrera og jöklum
gefur til kynna að þær séu hrað-
ari en flestar spár gerðu ráð
fyrir og að ísinn hopi hraðar á
þessum áratug en áratugnum þar
á undan. Stærsti áhrifavaldurinn
er hækkandi hitastig en síðustu
sex ár hafa verið þau heitustu
á norðurslóðum frá því að mæl-
ingar hófust. Breytingarnar setja
mark sitt á náttúru norðursins
eins og ný úttekt ráðsins undir-
strikar. Samkvæmt henni eru
loftslagsbreytingar að verða víð-
tækustu og mikilvægustu álags-
valdar á líffræðilega fjölbreytni
norðurheimskautsins.
Þá voru kynntar fjölmargar
aðrar skýrslur t.d. um hegðun
olíu og spilliefna í köldum sjó,
áhrif sóts á bráðnun íss, súrnun
hafsins, úttekt á kvikasilfurs-
mengun á norðurslóðum og svo
mætti lengi telja. Þrátt fyrir
ólík viðfangsefni eru skilaboðin
til stjórnvalda á norðurslóð-
um ein og hin sömu, að norður-
skautsríkin þurfi að efla sam-
vinnu sín á milli til að sporna
við og aðlagast yfirstandandi
breytingum.
Þetta virðist hafa komist til
skila og ríkin hafa nú einhent
sér í að efla samstarf á vett-
vangi Norðurskautsráðsins.
Nuuk fundurinn var vel sóttur
en þetta mun vera í fyrsta skipti
sem utanríkisráðherra Banda-
ríkjanna sækir fund ráðsins og
eru það skýr skilaboð um aukinn
áhuga þeirra á málefnum norð-
urslóða. Þá markar það önnur og
ekki síður mikilvæg tímamót að í
tveim ráðherrastólum sátu frum-
byggjar, annars vegar Kuupik
Kleist, formaður landsstjórnar
Grænlands, og hinsvegar Leona
Aglukkaq, heilbrigðisráðherra
Kanada.
Tímamótafundur
Á ráðherrafundinum var undir-
ritað fyrsta lagalega bindandi
samkomulagið sem unnið hefur
verið á vettvangi Norðurskauts-
ráðsins. Með samningnum skuld-
binda norðurskautsríkin sig til að
vinna saman að leit og björgun
á norðurheimskautssvæðinu.
Þá var ákveðið að ráðast í gerð
samskonar samkomulags um
sameiginlegan viðbúnað og við-
brögð við bráðri olíumengun á
norðurslóðum. Samningagerð af
þessu tagi er mikið hagsmuna-
mál fyrir Ísland sem strandþjóð
á norðurslóðum, sem stendur
frammi fyrir stóraukinni ski-
paumferð og hugsanlegri olíu-
vinnslu í næsta nágrenni við
strendur landsins.
Við ræddum einnig um breyt-
ingar á innri starfsemi ráðsins.
Þar bar hæst umræðuna um
nýja áheyrnarfulltrúa og stofnun
fastaskrifstofu. Það er ánægju-
legt að ríkin náðu samkomulagi
um viðmiðunarreglur fyrir nýja
áheyrnarfulltrúa en Kína, ESB,
Japan, Suður Kórea og Ítalía hafa
sótt um stöðu áheyrnarfulltrúa
og standa vonir til þess að hægt
verði að ná niðurstöðu um þær
umsóknir fljótlega. Þá var ákveð-
ið að styrkja starfsemi ráðsins
með stofnun fastaskrifstofu sem
sett verður á laggirnar í Tromsö.
Fundurinn í Nuuk var tíma-
mótafundur og eru öll ríkin ein-
huga um að Norðurskautsráðið
verði aðalvettvangur stefnumót-
unar, samninga og beinharðra
aðgerða í málefnum norður-
heimskautssvæðisins. Því ber
að fagna. Það er staðföst skoðun
mín, sem endurspeglast í nýsam-
þykktri norðurslóðastefnu, að
Íslendingar eigi að efla þátttöku
sína í starfsemi ráðsins með
ráðum og dáð.
Öryggi á
norðurslóðum
Össur
Skarphéðinsson
utanríkisráðherra
Ráðið er samstarfsvettangur norður-
skautsríkja um málefni norðurslóða
með sérstakri áherslu á umhverfivernd
og sjálfbæra þróun.
4. júní í 10 nætur og 14. júní í 11 nætur
Costa del Sol
Heimsferðir, í samstarfi við Valitor, bjóða VISA
korthöfum frábært tilboð Costa del Sol. Um er að
ræða ferðir til Costa del Sol 4. og 14. júní. Um mjög
takmarkaðan fjölda flugsæta er að ræða í hvora ferð
og gisting er einnig takmörkuð. Flogið er í beinu
morgunflugi með Icelandair.
Sértilboðið er til handhafa VISA korthafa og er bundið
við að greitt sé með viðkomandi korti. Fjölbreytt
dagskrá í boði fylgd reyndra fararstjóra.
frá aðeins 99.840 kr.
Netverð á mann, m.v. tvo fullorðna og tvö börn í 10 nætur í
íbúð á Aguamarina ***.
Netverð kr. 118.480 á mann, m.v. gistingu í tvíbýli í 10 nætur í
studio íbúð á Aguamarina ***
Sértilboð 4. júní.
Takmarkaður fjöldi sæta og gistingar í boði!
Hér gildir að fyrstur kemur, fyrstur fær!
Sértilboð til korthafa VISA!
Sumarævintýri á
Beint morgunflug
með Icelandair
Sérstakur
15.000 afsl.
á mann!