Fréttablaðið - 14.05.2011, Qupperneq 98

14. maí 2011 LAUGARDAGUR54 54
menning@frettabladid.is
Þrjú olíumálverk og krítarteikn-
ingar eftir danska málarann Carl-
Henning Pedersen (1913 til 2007)
voru afhent Listasafni Íslands að
gjöf í gær.
Pedersen var í hópi fremstu
myndlistarmanna Dana á síðari
hluta 20. aldar, fulltrúi danskr-
ar framúrstefnu og lykilmaður í
Cobra-hreyfingunni.
Hann var vinur Svavars Guðna-
sonar myndlistarmanns og kom
fyrir hans tilstilli til Íslands 1948
og því hefur verið haldið fram að
Íslandsdvölin hafi haft áhrif á list
hans.
Sidsel Ramson, seinni eiginkona
og ekkja Pedersens gaf Listasafni
Íslands þrjú olíumálverk; Blå Fugl
i Univers, frá 1991, Fugl med vio-
lette vinger frá 1963, Gul Fugl
frá 1964; sem og fjórar olíukrít-
arteikningar ársettar 1949. Verk-
in voru afhent safninu í gær við
athöfn að viðstöddum sendiherra
Danmerkur Søren Haslund. Þau
verða til sýnis í Listasafni Íslands
nú um helgina.
Listasafn Íslands fær
þrjú málverk að gjöf
VERKIN AFHENT Olíuverk og krítarteikningar sem ekkja Carl-Henning Pedersen gaf
Listasafni Íslands voru afhent í gær. FRÉTTABLAÐIÐ/STEFÁN
Magnús Pálsson klarinettuleikari
heldur framhaldstónleika sína frá
Tónskóla Sigursveins D. Kristins-
sonar á morgun.
Píanóleikari á tónleikunum er
Júlíana Rún Indriðadóttir. Auk
þess munu þær Þuríður Helga
Ingvarsdóttir fiðluleikari og Arn-
björg Arnardóttir píanóleikari
leika með Magnúsi. Síðast en ekki
síst mun hljómsveitin Varsjár-
bandalagið koma fram.
Magnús hóf tónlistarnám í Tón-
skóla Sigursveins árið 2004 og var
Jón Aðalsteinn Þorgeirsson kenn-
ari hans. Magnús hefur leikið með
Lúðrasveit Reykjavíkur, Sinfóníu-
hljómsveit áhugamanna og í Ung-
sveit Sinfóníuhljómsveitar Íslands
frá upphafi.
Magnús leikur í hljómsveitinni
Varsjárbandalaginu sem leikur-
tónlist utan hins klassíska sviðs.
Tónleikarnir verða á morgun,
sunnudag, í sal Tónskólans Engja-
teigi 1 og hefjast kl. 17. Aðgangur
að tónleikunum er frjáls.
Klarínettutónleikar í
Tónskóla Sigursveins
MAGNÚS PÁLSSON Heldur burtfarar-
tónleika í klarínettuleik í dag.
Sýningunni Áföngum í Listasafni
Íslands, þar sem má kynnast
verkum í eigu safnsins, lýkur um
helgina. Höggmyndin Sonur eftir
Ólöfu Pálsdóttur er meðal verka á
sýningunni en 56 ár eru síðan hún
hlaut gullverðlaun Hinnar konung-
legu dönsku listaakademíu fyrir
verkið. Styttan hefur verið í eigu
Listasafns Íslands í áratugi en
hefur ekki verið sýnd síðan Lista-
safn Íslands flutti úr Þjóðminja-
safninu. Meðal annarra listaverka
Ólafar Pálsdóttur í opinberri eigu
eru Tónlistarmaðurinn fyrir fram-
an Háskólabíó, sem er af sellóleik-
aranum Erling Blöndal Bengts-
son, stúlkumyndirnar Soffía sem
stendur í garðinum hjá Kvenna-
skóla Íslands og Greta í Verslun-
arskóla Íslands og Útigangshestur
í Norræna húsinu.
Áföngum lýkur um helgina
ÓLÖF PÁLSDÓTTIR OG STYTTAN
DRENGUR
Gildir til 19. maí á meðan birgðir endast.
GRÍPANDI GLÆPASAGA
J Y J / F R É T TA B L A ÐI Ð P B B / F R É T TAT Í M IN N
S G / M O R G U N B L A ÐI Ð
2. PRENTUN
KOMIN
Lestu um frekari ævintýri Einars
blaðamanns í Morgunengli,
nýjustu bók Árna Þórarinssonar
KODDU LÝKUR Myndlistarsýningunni Koddu lýkur næstkomandi sunnudag. Á sýningunni
rýna listamenn í góðærið á Íslandi og hrunið sem fylgdi. Sýningin olli nokkru fjaðrafoki vegna
leyfislausrar notkunar á bókinni Flora Islandica eftir Eggert Pétursson, sem taldi brotið á sæmdar-
rétti sínum. Sýningin er í Nýlistasafninu við Skúlagötu og Alliance-húsinu við Grandagarð.