Fréttablaðið - 14.05.2011, Qupperneq 60

VÍS hefur sett sér metnaðarfull markmið um að taka forystu í notkun upplýsingatækni til að efla þjónustu
við viðskiptavini enn frekar. Með það að leiðarljósi höfum við ráðist í gagngerar breytingar á innviðum
upplýsingatækniumhverfis okkar.
Við teljum að lykillinn að framúrskarandi þjónustu sé að tryggja að viðskiptavinir og starfsmenn njóti alls
þess besta sem upplýsingatækni getur fært framsæknu þjónustufyrirtæki eins og VÍS.
Við viljum bæta öflugu fagfólki í framúrskarandi hóp starfsmanna sem vinnur að spennandi og
metnaðarfullum verkefnum við kjöraðstæður. Konur, jafnt sem karlar, eru hvattar til að sækja um störfin.
Deildarstjóri tækniþjónustu
Við leitum að sérfræðingi í rekstri tölvukerfa, sem leiðir hóp
fagmanna við rekstur og uppbyggingu upplýsingatæknikerfa
samkvæmt öryggisstaðlinum ISO 27001. Viðkomandi þarf að
vera reiðubúinn til að vinna að vottun starfseminnar
samkvæmt staðlinum og láta reksturinn standast rýni og
úttektir vottunaraðila. Reynsla af rekstri upplýsingatæknikerfa
samkvæmt formlegum verklagsreglum nauðsynleg.
Tækniþjónusta
Við leitum að sérfræðingi í SharePoint og öðrum
Microsoft Office skrifstofuhugbúnaði, sem þekkir einnig
vel til opins skrifstofuhugbúnaðar og kann að hagnýta
hann. Viðkomandi þarf að vera góður í að deila þekkingu
sinni með notendum, fræða og þjálfa.
AS forritari viðskiptakerfa
Við leitum að sérfræðingi í RPG forritun í AS umhverfinu
sem á auðvelt með að tileinka sér nýjungar í því.
Viðkomandi þarf að hafa mikla reynslu af
gagnagrunnsforritun, sér í lagi DB2.
Viðskiptagreind og vöruhús gagna
Við leitum að sérfræðingi í að byggja upp gagnavöruhús
og sækja gögn í fjölbreyttar gagnalindir. Viðkomandi þarf
að miðla upplýsingum til samstarfsmanna með verkfærum
viðskiptagreindar og hafa framúrskarandi hæfileika í að
tengja saman gögn til að svara lykilspurningum.
Upplýsingatækni
Áhugaverð og krefjandi störf hjá VÍS
Vátryggingafélag Íslands hf. | Ármúla 3 | 108 Reykjavík | Sími 560 5000 | vis.is