Fréttablaðið - 14.05.2011, Blaðsíða 2

14. maí 2011 LAUGARDAGUR2
„Sigurður, kraumar reiðin
innra með ykkur?“
„Neinei, no boiled feelings.“
Sigurður Ásgeir Árnason er söngvari Ultra
Mega Technobandsins Stefáns. Hljóm-
sveitin bað nýverið um að vera fjarlægð
af lista yfir samstarfshljómsveitir styrktar-
sjóðsins Kraums.
LÖGREGLUMÁL Lögregla telur sig
hafa fundið staðinn þar sem ungur
maður banaði barnsmóður sinni á
fimmtudag. Vettvangurinn er í
Heiðmörk og var rannsakaður af
lögreglu í gær.
Fullnaðarniðurstaða liggur ekki
fyrir úr rannsókn á banameini
konunnar, sem var fædd árið
1990, en vísbendingar eru um að
hún hafi verið kyrkt, samkvæmt
heimildum Fréttablaðsins.
Tveggja ára sonur parsins var
í bílnum þegar móðurinni var
banað. Eftir verknaðinn kom mað-
urinn líkinu fyrir í skotti bílsins
og ók því næst með drenginn heim
til foreldra sinna áður en hann
hélt á Landspítalann í Fossvogi og
vísaði starfsfólki þar á líkið.
Lögregla kom umsvifalaust á
spítalann, handtók manninn og
færði hann til yfirheyrslu. Hann
hefur játað verknaðinn.
Fram kom í gær að fólkið hefði
verið í sambúð en að stúlkan hefði
ætlað að slíta sambandinu og flytj-
ast út á land með son þeirra. Mað-
urinn hafi brugðist við með fyrr-
greindum afleðingum í ökuferð
þeirra í Heiðmörk. Talið er að
átökin hafi byrjað inni í bílnum en
færst svo út úr honum.
Maðurinn var leiddur fyrir dóm-
ara í Héraðsdómi Reykjaness eftir
hádegi í gær þar sem farið var
fram á tveggja vikna gæsluvarð-
hald yfir honum. Dómari féllst á
kröfuna.
Maðurinn mun jafnframt gang-
ast undir geðrannsókn. Samkvæmt
heimildum Fréttablaðsins á hann
við geðræn vandamál að stríða
og hefur verið undir læknishendi.
Fram kom í fréttum Stöðvar 2 í
gær að vegna veikindanna er óvíst
hvort maðurinn sé sakhæfur.
Rannsókn lögreglu er vel á veg
komin. - jss, sh
SPURNING DAGSINS
pizza
með beikoni, klettasalati og rjómaosti
Nýmalaður
pipar og ólífu
olía
fullkomna pi
zzuna
ATH!
ATH!
Farðu inn á gottimatinn.is til að fá alla uppskriftina
og hugmyndir að fleiri girnilegum réttum.
LEIDDUR FYRIR DÓMARA Héraðsdómur Reykjaness úrskurðaði manninn í tveggja
vikna gæsluvarðhald í gær. FRÉTTABLAÐIÐ/VALLI
Talinn hafa kyrkt
barnsmóður sína
Ungur maður sem játað hefur að hafa banað kærustu sinni hefur verið úrskurð-
aður í varðhald. Hann er talinn hafa kyrkt stúlkuna. Maðurinn hefur átt við geð-
ræn veikindi að stríða og verið undir læknishendi. Óvíst hvort hann er sakhæfur.
Á VETTVANGI Lögreglan girti af svæðið á lóð Landspítalans með skilrúmum af spítal-
anum. FRÉTTABLAÐIÐ/ANTON
DÓMSMÁL Tveir piltar um tvítugt
hafa verið ákærðir fyrir að fara
saman inn í gistiheimili á Akra-
nesi og láta þar greipar sópa.
Piltarnir stálu tölvu, ásamt skjá
og lyklaborði, smápeningum úr
skál, sex þúsund krónum í skipti-
mynt úr umslagi og nokkrum
aðildarkortum Farfugla. Áætlað
verðmæti þýfisins nemur um 89
þúsund krónum.
Þá er annar piltanna ákærður
fyrir að hafa haft smáræði af
kannabisblönduðu tóbaki heima
hjá sér. Gerð er krafa af hálfu
Farfuglaheimilis Akraness að
piltarnir endurgreiði það sem
þeir tóku ófrjálsri hendi. - jss
Tveir piltar ákærðir:
Stálu aðildar-
kortum Farfugla
PAKISTAN, AP Tveir hryðjuverka-
menn sprengdu sjálfa sig í loft
upp utan við herskóla í borginni
Shabqadar í Pakistan í gær. Alls
létust 80 manns í árásinni auk
þess sem 120 slösuðust.
Pakistanskir talibanar hafa
lýst yfir ábyrgð á ódæðinu
en það var framið í hefndar-
skyni vegna morðsins á Osama
bin Laden. Talibanarnir hafa
varað við því að frekari árása
sé að vænta á Bandaríkjamenn í
Pakistan.
Um 900 hermenn voru á leið út
úr skólanum þegar sprengingin
varð. Þeir höfðu nýlokið sex
mánaða þjálfunarbúðum og voru
á leið til síns heima. - mþl
Vildu hefna bin Ladens:
80 létust í
hryðjuverka-
árás í Pakistan
ÞÝSKALAND Þýska lögreglan gerði
í gær húsleit í um 1.000 vændis-
húsum og á stöðum þar sem
vændi er stundað. Um var að
ræða herferð gegn glæpaklíkum
sem selja konur frá Vestur-
Afríku mansali. Svipaðar
aðgerðir voru gerðar í febrúar
síðastliðnum.
Aðgerðirnar í gær, sem voru í
samvinnu við lögreglusamtökin
Europol, voru gerðar í þrettán af
sambandsríkjunum sextán.
Vændi er löglegt í Þýskalandi
en talið er að margar kvennanna
hafi verið neyddar út í það. - ibs
Herferð gegn mansali:
Húsleit í 1.000
vændishúsum
WASHINGTON, AP Bandaríski þing-
maðurinn umdeildi Ron Paul
lýsti því yfir
í gær að hann
hygðist taka
þátt í forvali
Repúblikana-
flokksins á for-
setaefni fyrir
kosningarnar
2012.
Hann bætist
þar með í hóp
Newt Ging-
rich, fyrrverandi forseta full-
trúadeildar Bandaríkjaþings, og
Gary Johnson, fyrrverandi ríkis-
stjóra í Nýju Mexíkó, sem þegar
hafa lýst yfir framboði.
Búist er við því að nokkur
fjöldi frambjóðenda bætist í
hópinn á næstu vikum en Mitt
Romney, fyrrverandi ríkisstjóri
í Massachusetts, þykir sigur-
stranglegastur fyrir fram. - mþl
Forsetakosningarnar 2012:
Frambjóðendur
komnir á kreik
DÓMSMÁL Hæstiréttur hefur stað-
fest dóm Héraðsdóm Vesturlands
yfir manni sem dæmdur var í
tveggja ára fangelsi fyrir kyn-
ferðisbrot. Maðurinn var sakfelld-
ur fyrir að hafa haft samræði við
sautján ára stúlku gegn vilja henn-
ar. Karlmaðurinn notfærði sér
ástand stúlkunnar, sem gat ekki
spornað við samræðinu sökum ölv-
unar. Brotið var til þess fallið að
valda stúlkunni sálrænum erfið-
leikum til lengri tíma. Manninum
var gert að greiða henni 800 þús-
und krónur í bætur. - jss
Hæstiréttur staðfestir dóm:
Tvö ár fyrir
kynferðisbrot
RON PAUL
SAMGÖNGUR Keflavíkurflugvelli
var lokað klukkan átta í gærkvöldi
vegna manneklu við flugumferð-
arstjórn. Flugumferðarstjórar
hafa staðið í kjaradeilu við Isavia,
rekstrarfélag flugvallarins, og
hafa lagt á yfirvinnubann. Vegna
veikinda í gær sáu flugumferðar-
stjórar sér því ekki fært að halda
flugvellinum opnum. Hann átti að
opna að nýju klukkan sjö í morgun.
Einungis neyðarflug var heim-
ilað á tímabilinu og urðu nokkrar
raskanir á áætlunarflugi vegna
þessa. Búist var við því í gær að
eins til tveggja klukkustunda
seinkun yrði á öllu flugi Icelandair
snemma í dag.
„Vinnudeila Isavia og flugum-
ferðarstjóra er Icelandair óvið-
komandi, en hún veldur okkur og
viðskiptavinum okkar óþægindum
og fjárhagstjóni,“ segir Guðjón
Arngrímsson, upplýsingafulltrúi
Icelandair.
Samtök ferðaþjónustunnar lýstu
í gær yfir miklum áhyggjum af
þeirri röskun sem orðið hefur á
flugstarfsemi vegna yfirvinnu-
bannsins. Í tilkynningu frá sam-
tökunum sagði að ferðaþjónusta
væri mjög viðkvæm fyrir slík-
um truflunum, þær væru slæm-
ar fyrir ímynd og orðspor Íslands
sem ferðamannalands. - mþl
Samtök ferðaþjónustunnar segja truflanir á flugi skaðlegar fyrir ímynd landsins:
Yfirvinnubann raskaði millilandaflugi
DÓMSMÁL Þorsteinn Hjaltested,
landeigandi á Vatnsenda, ætlar
að stefna Kópavogsbæ vegna van-
efnda á eignarnámssamningi. Þor-
steinn staðfestir að sú upphæð sem
hann ætli að krefja bæinn um sé
nærri 14 milljörðum króna.
Þorsteinn segir að stefnan verði
þingfest bráðlega, en vill ekki upp-
lýsa nákvæmlega með hvaða hætti
hann telji Kópavogsbæ hafa brot-
ið samninginn. „Þeir hafa ekki
afhent það sem um var talað,“
segir Þorsteinn.
Eignarnámssamningurinn var
gerður árið 2006, eftir að samn-
ingaviðræður um sölu á land-
inu höfðu engu skilað. Mats-
nefnd eignarnámsbóta fullyrðir í
úrskurði sínum frá árinu 2007 að
verðmæti sáttagerðar í málinu sé
á bilinu 6,5 til 8 milljarðar króna.
Bærinn fékk samkvæmt sam-
komulaginu 863 hektara af Vatns-
endalandinu. Fyrir það átti Þor-
steinn að fá ríflega tvo milljarða
króna, auk þess að fá 300 lóðir
undir sérbýli á 35 hekturum sem
ekki voru teknir eignarnámi. Þá
átti Þorsteinn að fá ríflega tíunda
hluta af íbúðum og atvinnuhúsnæði
sem úthluta átti á svæðinu. - bj
Stefnir Kópavogsbæ vegna vanefnda á eignarnámssamningi vegna Vatnsenda:
Krefst á annan tug milljarða
UPPBYGGING Kópavogsbær hefur tekið
nær allt land við Vatnsenda eignarnámi
undir íbúðabyggð. FRÉTTABLAÐIÐ/PJETUR
Jóhanna vill opna á bréfin
Forsætisráðherra segir forseta Íslands
ekki hafa neitt val þegar komi að því
að afhenda fjölmiðlum afrit af bréfum
hans til forsætisráðherra vegna
setningar siðareglna fyrir forseta-
embættið. Forsetinn hefur neitað
að afhenda bréfin. Þetta kom fram í
fréttum Stöðvar 2 í gær.
STJÓRNSÝSLA
FRÉTTABLAÐIÐ/VALLI
LEIFSSTÖÐ Kvöldfluginu frá London í
gærkvöldi var beint á Akureyrarflugvöll
vegna yfirvinnubannsins. Voru farþegar
fluttir í rútum til Reykjavíkur.