Fréttablaðið - 03.09.2011, Page 38

3. september 2011 LAUGARDAGUR38
Umsóknarfrestur til að sækja um veiðileyfi í forúthlutun fyrir
veiðisumarið 2012 er til 20. september nk. Fyrirkomulag forút-
hlutunar verður með svipuðu sniði og sl. sumar og í samræmi við
samþykktar úthlutunarreglur þar um. Í forúthlutun geta allir sótt
um veiðileyfi, félagsmenn sem utanfélagsmenn og fyrirtæki.
Hægt er að skila inn skriflegum umsóknum til skrifstofu SVFR,
Háaleitisbraut 68 eða með tölvupósti til halli@svfr.is.
Umsóknarfrestur er til 20. september 2011.
Eftirfarandi ársvæði og tímabil eru til forúthlutunar:
LEIRVOGSÁ 8. júlí – 11. ágúst
NORÐURÁ I 21. júní – 8. ágúst
NORÐURÁ II 6. júlí – 8. ágúst
HÍTARÁ I 8. júlí – 5. ágúst
LAXÁ Í AÐALDAL – NESSVÆÐIÐ 1. júlí – 20. september
LANGÁ Á MÝRUM 3. júlí – 24. ágúst
LAXÁ Í LAXÁRDAL 31. maí – 31.ágúst
LAXÁ Í MÝVATNSSVEIT 31. maí – 31.ágúst
STRAUMAR 23. júní – 4. ágúst
LAXÁ Í DÖLUM 18. júlí – 23. ágúst
Athygli skal vakin á því að allt tímabilið er til úthlutunar á urriðasvæðunum í
Laxárdal og Mývatnssveit, en þau leyfi sem eftir standa fara í félagsúthlutun í
janúar næstkomandi. Félagsmenn eru hvattir til að sækja um, þótt allt tímabilið
sé í forúthlutun munu þeir njóta félagsaðildar sinnar við úthlutun.
Að lokinni úthlutun þarf að greiða staðfestingargjald (25%) af verði veiðileyfa.
Verðskrá liggur fyrir hjá SVFR.
Í forúthlutun gildir sama verð fyrir alla og því er ekki um afslátt til félagsmanna
að ræða. Félagsmenn þurfa ekki að nota A-umsókn sína í forúthlutun. Stanga-
veiðifélag Reykjavíkur hvetur félagsmenn til að sækja um veiðidaga á forúthlut-
unartíma. Jafnframt er forsvarsmönnum veiðihópa bent á að senda inn
fyrirspurnir og umsóknir en mikil eftirspurn er eftir veiðidögum hjá félaginu á
forúthlutunartíma. Þess má geta að í fyrsta sinn er gefin út söluskrá fyrir umrædd
veiðileyfi, og fæst hún á rafrænu formi á heimasíðu Stangaveiðifélags
Reykjavíkur á www.svfr.is

www.svfr.is
Forúthlutun
veiðileyfa fyrir
sumarið 2012
Hinn margverðlaunaði þáttur Sjálfstætt fólk
í umsjón Jóns Ársæls Þórðarsonar hefur sitt
tíunda starfsár 5. september næstkomandi. Þá
verða stöllurnar Skoppa og Skrítla með nýja þáttaröð,
Enn út um hvippinn og hvappinn, fyrir börnin eftir
áramót og Sveppi sér um að stytta þeim stundir á
morgnana.
Sýningar á Ísþjóðinni hófust í vikunni á RÚV, en
í þáttunum leitar Ragnhildur Steinunn Jónsdóttir
uppi unga Íslendinga sem skarað hafa fram úr á
sínum sviðum og tekur þá tali.
Þá heldur Þórhallur Gunnarsson áfram með umræðu-
þættina Hvert stefnir Ísland, sem hann sá einnig um
síðasta vetur og Stundin okkar verður á sínum stað
með nýjum umsjónarmanni, Margréti Sverrisdóttur. Auk
þess verður landsbyggðarþátturinn vinsæli Landinn aftur
á dagskrá í vetur.
Hinir vinsælu þættir Sönn íslensk sakamál, sem
sýndir voru á RÚV fyrir um áratug, verða endur-
vaktir á SkjáEinum í vetur. Í þáttunum verða rifjuð
upp glæpamál sem vakið hafa athygli á Íslandi. Eftir því
sem næst verður komið mun Sigursteinn Másson aftur
halda um stjórnartaumana í þáttunum.
Sölvi Tryggvason byrjar með viðtalsþætti með nýjum
áherslum í haust og fjallar um málefni líðandi
stundar. Auk þess sjá þeir Sverrir Berg-
mann og Ólafur Þór Jóelsson áfram um
tölvuleikjaþáttinn GameTíví, sem fagnar
tíu ára afmæli sínu í ár.
A
f þeim átta leiknu
þáttaröðum, sem
ekki eru fyrst og
fremst ætlaðar
börnum, sem til
stendur að sjón-
varpsstöðvarnar RÚV, Stöð 2 og
SkjárEinn framleiði í vetur er
aðeins ein sem setur grín og glens
ekki í öndvegi. Það er þriðja saka-
málaþáttaröðin af Pressu á Stöð
2, þótt eitthvað verði líklega um
dramatík í Heimsendi á Stöð 2
og Hæ Gosa á SkjáEinum. Dag-
skrárstjórar virðast því álíta að
grínið eigi greiða leið að hjörtum
íslenskra áhorfenda.
Af öðru í innlendri dagskrár-
gerð sjónvarpsstöðvanna þriggja
vekur einnig athygli framleiðsla
nokkurra þáttaraða sem flokka
mætti sem raunveruleikaþætti,
auk þess sem Stöð 2 blandar sér í
spurningaþáttaslaginn með nýjum
þætti. Matargerðarþættir verða
líklega fleiri en nokkru sinni fyrr
á dagskránni í vetur. Þá er víst að
margir bíða spenntir eftir endur-
vakningu Sannra íslenskra saka-
mála á SkjáEinum. Góða skemmt-
un við viðtækin í vetur.
Íslendingar sækja í grínið
Til stendur að þrjár stærstu sjónvarpsstöðvarnar, Stöð 2, RÚV og SkjárEinn, framleiði fjölda íslenskra þáttaraða af ýmsum toga í
vetur og enn er von á að nýir þættir bætist við. Fréttablaðið stiklaði á stóru um innlenda dagskrárgerð stöðvanna þriggja.
Gríngengið vinsæla, Mið-Ísland, byrjar með sketsaþætti á
Stöð 2 eftir áramótin. Í kynningu segir að í þáttunum verði
áhorfendum boðið inn í nýjan heim, sem þó svipi glettilega
til Íslands.
Heimsendir er titillinn á nýrri þáttaröð frá sama teymi og gerði
Vaktaseríurnar vinsælu. Fylgst verður með sjúklingum og starfsfólki á
afskekktri geðdeild árið 1992. Aðalhlutverk verða í höndum Halldórs
Gylfasonar, Péturs Jóhanns Sigfússonar, Nínu Daggar Filippusdóttur
og fleiri.
Þá er senn von á nýrri þáttaröð frá Spaugstofunni á sínu 21.
aldursári, auk þess sem Steindinn okkar, Lífsleikni Gillz og
spennuþáttaröðin Pressa snúa aftur eftir áramót.
Ný gamanþáttaröð, Kexvexmiðjan, fer í loftið á RÚV í lok
þessa mánaðar. Gísli Rúnar Jónsson er leikstjóri og semur
handritið ásamt Carolu Köhler. Um er að ræða sketsaþætti
þar sem gert er grín að flestu því sem viðkemur mannlegri náttúru.
Leikarar eru Andrea Jónsdóttir, Hallgrímur Ólafsson, Kristín Þóra
Haraldsdóttir og Þröstur Leó Gunnarsson.
Hið árlega áramótaskaup verður í höndum leikstjórans Gunnar
Björns Guðmundssonar eins og síðustu tvö ár.
Gamanþáttaröðin Hæ Gosi fer aftur á dagskrá í lok þessa
mánaðar á SkjáEinum. Þættirnir fjalla um hversdagslegt líf
tveggja bræðra og fóru upptökur fram á Íslandi og í Fær-
eyjum, en færeyska ríkissjónvarpið hefur tryggt sér sýningarrétt að
þáttunum. Leikstjóri er Þórhallur Sigurðsson og með aðalhlutverk
fara bræðurnir Árni Pétur og Kjartan Guðjónssynir.
■ LEIKNIR ÞÆTTIR
Tíu íslenskir hönnuðir spreyta sig á að hanna útivistarflíkur í þáttunum Hannað fyrir Ísland sem hefjast á
Stöð 2 eftir áramót. Sigurvegarinn hlýtur eina milljón króna og tækifæri til að vinna fyrir 66°Norður.
Leikkonan Ilmur Stefánsdóttir sér um ferðaþáttinn Borgarilm sem þegar hefur hafið göngu sína, en þar
eru heimsóttar átta borgir sem notið hafa vinsælda hjá íslenskum ferðamönnum. Karl Berndsen mætir til leiks á Stöð
2 í nýjum tískuþætti eftir áramót og þá snúa einnig þau Jói Fel og Friðrika Hjördís Geirsdóttir, Rikka, aftur með mat-
reiðsluþætti sína sem notið hafa mikilla vinsælda.
Vikulegur menningarþáttur, Djöflaeyjan, fer af stað á RÚV um miðjan september og
verður í umsjón Þórhalls Gunnarssonar. Í þáttunum verður fjallað um leiklist, myndlist og
kvikmyndir. Kiljan, bókmenntaþáttur Egils Helgasonar, verður á sínum stað. Í vinnslu er ný
tónlistarþáttaröð, Hljómskálinn, sem gítarleikarinn og upptökustjórinn Guðmundur Kristinn
Jónsson, eða Kiddi í Hjálmum, sér um. Þá vinnur píanóleikarinn Víkingur Heiðar Ólafsson
að fræðsluþáttum um tónlist undir nafninu Með á nótunum, auk þess sem Jónas Sen og
Jón Egill Bergþórsson leggja nú lokahönd á þáttaröð um dans, Sex pör, í samvinnu við
Listahátíð.
Yesmine Olsson verður með þætti um austurlenskan mat og Sveinn Kjartansson
kokkur sér um þætti um jólamat.
Rithöfundurinn Tobba Marinósdóttir byrjar með nýja þætti, Tobba, 21. september
þar sem umfjöllunarefnin varða samskipti kynjanna, heilsu, heitustu umræðurnar
hverju sinni og samfélagsleg ádeilumál. Þá snúa þættirnir Nýtt Útlit aftur á
SkjáEinn 13. september með nýjum umsjónarmönnum, þeim Jóhönnu Björgu Christensen,
Hafdísi Ingu Hinriksdóttur og Ásgrími Má Friðrikssyni, og örlítið breyttum áherslum.
■ LÍFSSTÍLS- OG MENNINGARÞÆTTIR
Spurningabomban, nýr spurningaþáttur í
umsjón Loga Bergmanns Eiðssonar hefst 23.
september. Þar egnir Logi saman tveimur
liðum og er markmiðið að skemmta áhorfendum
frekar en að sýna hve klárir keppendur eru.
Logi heldur einnig áfram með spjallþátt sinn Logi
í beinni í nóvember, en þegar eru hafnar sýningar á
Týndu kynslóðinni, skemmtiþætti í umsjón Björns
Braga Arnarssonar og Þórunnar Antoníu Magnúsdótt-
ur.
Nýr þáttur um dans hefur göngu sína á RÚV í
október. Þáttunum, sem verða í anda hinna
bandarísku So You Think You Can Dance, er
stýrt af sjónvarpskonunni Ragnhildi Steinunni Jóns-
dóttur, sem hefur bakgrunn í dansi. Aðaldómari er
dansarinn Katrín Hall.
Andri Freyr Viðarsson heldur áfram með Andri á
flandri í febrúar. Hin sívinsæla forkeppni Eurovision
fer fram á nýju ári og mun ætlunin
vera að endurskoða þær leiðir
sem verða farnar til að velja
lagahöfunda. Spurningaþætt-
irnir Útsvar og Gettu betur
verða báðir á dagskrá RÚV
í vetur, en gert verður hlé á
Útsvari þegar Gettu betur fer í
loftið í febrúar.
Spurningaþátturinn HA?
heldur áfram göngu
sinni á SkjáEinum í
lok september. Sem fyrr er
markmiðið ekki að safna
sem flestum stigum
heldur skemmta áhorf-
endum. Umsjónarmaður
er leikarinn Jóhann
G. Jóhannsson, en
honum til halds
og traust verður
skemmtikrafturinn
Sólmundur Hólm.
■ SKEMMTI- OG SPURNINGAÞÆTTIR ■ ÞÆTTIR AF ÝMSUM TOGA
HÆ GOSI
HEIMSENDIR
KEXVERXMIÐJAN
TOBBA
SPURNINGABOMBAN
ÍSÞJÓÐIN
Auk þessara stöðva er innlenda
dagskrárgerð einnig að finna
á sjónvarpsstöðvunum ÍNN,
Omega og N4 á Akureyri.
Upplýsingar um dagskrárgerð
þessara stöðva má finna á
heimasíðum þeirra, inntv.is,
omega.is og n4.is.
■ ÍNN, OMEGA OG N4