Frjáls verslun - 01.11.2001, Side 26

ÁGÚST OG LÝÐUR IVIENN ÁRSINS 2001
Bakkavör Group framleiðir undir vörumerkjum stórmarkaða og hyggst halda því áfram enda
segja bræðurnir að það sé bara misskilin tilfinningasemi að gera annað. Vörumerki sé að
miklu leyti tilfinningamál.
samstarf við Kaupþing, Sigurð og hans fólk, sem hefur tví-
mælalaust haft jákvæð áhrif á uppbyggingu félagsins. Það er
enginn vafi á því.“
15 ára lindirbúningur Bakkavör Group stefnir í að verða eitt
allra stærsta iyrirtæki landsins. Ef litið er á Verðbréfaþing ís-
lands er fyrirtækið í öðru til fimmta sæti eftir því við hvað er
miðað. Velta fyrirtækisins stefnir í 20 milljarða árið 2002. Ljóst
er að fyrirtækið verður þá í hópi tíu stærstu fyrirtækja landsins
á lista Fijálsrar verslunar yfir 300 stærstu fyrirtækin. Þetta stóra
fyrirtæki hafa bræðurnir byggt upp á aðeins 15 árum en þegar
talið berst að því hve uppbyggingin hafi verið hröð eru þeir ekki
alveg sammála því. „Hratt?!“ segir Lýður. „Við höfum verið að
undirbúa þetta í 15 ár!“
- En hverju er það helst að þakka?
„Þetta hefur auðvitað ekki verið auðvelt en við ætlum heldur ekki
að halda því fram að enginn geti gert þetta nema við. Það er lang-
ur vegur frá. Þetta geta allir gert. Það kostar bara vinnu og aftur
vinnu,“ segja þeir og telja sig ekki þurfa að bregðast á neinn sér-
stakan hátt við því risastökki sem verður þegar KFF bætist í hóp-
inn. Þeir hafi verið búnir að undirbúa þetta risaskref í 15 ár og séu
því vel í stakk búnir að takast á við það sem koma skal. Stjórn-
skipulagið hjá Bakkavör geri þeim kleift að takast á við stór stökk
enda sé afar sterkt stjórnendateymi við stjórnvölinn hjá öllum
dótturfélögunum.
Ekki uppteknir af dagiegum rekstri „Það er auðvitað fykillinn að
þessu. Við sjáum ekki sjálfir um daglegan rekstur dótturfélag-
anna. Það eru aðrir menn, frábærir menn sem reka þessi fyrir-
tæki og standa sig með prýði. Við þurfum ekki að hafa áhyggjur
af daglegum rekstri dótturfélaganna. Við komum reglulega á
stjórnarfundi, förum yfir rekstrartölur og sölutölur fyrir síðasta
mánuðinn, ræðum áætlanir og tökum fyrir stefnuna næsta árið.
Þetta gerum við einu sinni í mánuði í öllum okkar fyrirtækjum en
öll fyrirtækin eru í góðum rekstri og rekin með myndarlegum
hagnaði og því ekki mikil þörf fyrir okkur að standa í einhveiju
slökkvistarfi úti í fyrirtækjunum. Sama gildir um nýja fyrirtækið.
Það er stórt fyrirtæki og því fylgir afar gott starfsfólk. Daginn,
sem við tökum fyrirtækið yfir, verða ekki nein sérstök verkefni
sem bíða okkar nema bara að kynnast fyrirtækinu og fólkinu.
Það er ekki hægt að segja að vinnan eða álagið aukist vegna þess
að fyrirtækið sé orðið þetta stórt,“ segir Agúst.
Lýður bætir við að álagið minnki frekar ef eitthvað er. „Við höf-
um eytt miklum tíma í að ganga frá þessum samningi á þessu ári.
Við höfum verið að ganga frá þessu í tíu mánuði og á þeim tíma
er búið að grandskoða fyrirtækið sem við erum að kaupa og okk-
ur sjálfa af endurskoðendum og lögfræðingum í Bretlandi. Nú
þegar það er gengið í gegn þurfum við bara að passa upp á það
að leiða fólkið áfram, kynna þvi okkar markmið og stefnu og láta
svo bara vald, ábyrgð og umbun fara saman.“
Vöruþróun er lykilatriði Þegar sú spurning kemur fram hvern-
ig hægt sé að halda utan um svona stórt fyrirtæki, sem er með
veltu upp á tvo tugi milljarða króna og tæplega 2.000 starfs-
menn er stutt í svarið. „Vera með gottfólk með sér,“ segir Lýður
og Agúst undirstrikar að sljórnskipulagið þurfi að vera gott og
sama gildir um upplýsingakerfið. „Þegar farið er út fyrir rauðu
strikin í áætlanagerðinni hringja viðvörunarbjöllur," segir
Lýður. Fyrir utan mánaðarlegt uppgjör ráðgast þeir bræður við
stjórnendur fyrirtækjanna á hveijum degi. Varla er hægt að
segja að þeir séu með fasta skrifstofu, þeir eru mikið á ferðinni
milli fyrirtækjanna og tala mikið við sitt fólk í síma þannig að
þeir fylgjast vissulega vel með.
- Er þetta ekki slítandi lff?
„Nei. Svona hefur þetta alltaf verið. Við þekkjum ekkert annað,“
svarar Agúst.
Margir hafa farið út í viðskipti án þess að hafa náð neinum sér-
stökum árangri. Hver er lykillinn í velgengni fyrirtækisins; vöru-
þróun eða hefur einhver ein afurð slegið í gegn? Þeir eru snögg-
ir til svars: Vöruþróunin er lykilatriði, annars bíður fyrirtækisins
bara hægur, þægilegur og fyrirhafnarlitill dauðdagi. Alls sinna
um 25-30 manns vöruþróun hjá félögum innan Bakkavör Group
og segir Agúst að þeir kosti þvi sem til þurfi. „Við erum ekki með
fast hlutfall af veltu í vöruþróun heldur eyðum bara eins miklu og
við teljum okkur þurfa til að viðhalda öflugum vexti og geta
brugðist við óskum viðskiptavina um nýjar vörur. Það er ekkert
til sparað í vöruþróun," segir hann.
Vöruþróunin getur verið margvísleg, allt frá þvi að taka í fram-
leiðslu vörur sem þekktar eru í ákveðnum heimshornum og
færa inn á nýja markaði eða heimamarkað með þeim bragðlauk-
um sem þar eru fyrir hendi, breyta og laga umbúðir eða finna
upp glænýja vöru sem ekki hefur áður verið á markaði. Bakkavör
og dótturfélög sinna þessu öllu, allt eftir þörfum.
Misskilin tilfinningasemi Bakkavör Group ffamleiðir undir
vörumerki stórmarkaða og hyggst halda því áfram enda segja
bræðurnir að það sé bara misskilin tilfinningasemi að gera ann-
að. Vörumerki sé að miklu leyti tilfinningamál. Bandaríkjamenn
hafa verið duglegir við að reyna að byggja upp eigin vörumerki
en í Evrópu fer þeim ört fækkandi sem það reyna. Þar vex þeirri
skoðun fylgi að það taki alltof langan tíma og botnlausa Ijárfest-
ingu að byggja slíkt upp. Bræðurnir hafa greinilega ákveðna
skoðun á þessum málum. Þeir hafa fullan skilning á því að stór-
markaðirnir vilji setja mark sitt á þær vörur sem eru á boðstól-
um og sjá um markaðssetninguna sjálfir. Það segja þeir að sé
líka miklu ódýrara bæði fyrir neytandann og framleiðandann.
Allir hagnist. Annað gildi hinsvegar í viðskiptum milli fyrir-
tækja. Þá sé það raunhæft, sem mörg íslensk sjávarútvegsfyrir-
tæki hafa gert, að merkja sér umbúðir þegar verið er að selja til
veitingahúsa eða framleiðslufyrirtækja. Það segja þeir að geti
verið ákveðinn gæðastimpill.
„Við höfum skoðað mörg fyrirtæki í matvælaframleiðslu og
aldrei séð það fyrirtæki sem er að byggja upp vörumerki á
neytendamarkaði, hvort sem það er heimsþekkt vörumerki
eða ekki, sem hefur skilað jafn góðri arðsemi og Bakkavör
Group,“ segja þeir.
26