Frjáls verslun - 01.11.2001, Page 69

Einar Benediktsson
forstjóri Olis
Öll él styttir upp um síðir
Auður Finnbogadóttir
framkvæmdastjóri MP verðbréfa
Hjá íslensku olíufélögunum verður ársins 2001 líklega
minnst sem einhvers erfiðasta og sveiflukenndasta árs í
greininni, þar sem ófullkomin verðmyndun íslensku
krónunnar gegndi lykilhlutverki. Jákvætt var að þegar líða tók
á árið varð veruleg verðlækkun á eldsneyti á heimsmarkaði
eftir tveggja ára samfellt hækkunarskeið.
Við lukum fimm ára áætlun um endurbyggingu eldri starf-
stöðva. Sjálfsafgreiðslustöðvar félagsins, „OB-ódýrt bensín,"
sem náð hafa miklum vinsældum, áttu 5 ára afmæli um leið og
tíunda stöðin var opnuð. Auk þess náðist verulegur árangur í
að lækka rekstrarkostnað félagsins.
Ur einkalífinu standa hæst minningar um það hvernig sam-
starfsmenn mínir komu mér á
óvart á fimmtugsafmæli
mínu. Berjaferð með
nokkrum vinafjölskyldum
á æskuslóðir mínar í Bol-
ungarvík, þar sem ein-
göngu voru handtínd aðal-
bláber, að vestfirskum sið,
og ævintýraleg veiðiferð
til Afríku. Rekstur
Olís markast af
almennu efnahags-
umhverfi í landinu.
Staða íslenskra
atvinnugreina er
mjög mismunandi
um þessar mundir
og erfitt ár er
framundan í
ýmsum greinum.
Ég tel þó að góð
staða sjávarútvegs
muni flýta fyrir
endurlífgun efna-
hagslífsins og er
því nokkuð bjart-
sýnn á rekstur
Olís á árinu 2002.33

Einn fundur innan fyrirtækisins á árinu 2001 verður mér
eftirminnilegur það sem eftir er, en hann var 11. septem-
ber sl. með mætum mönnum úr fjármálaheiminum. Á
miðjum fundi var opnuð hurðin og okkur bent á það að á sjón-
varpsskerminum hefði flugvél sést fljúga á annan turn World
Trade Center og sáum við því hina vélina lenda á seinni turn-
inum. Mjög óraunverulegt og sjálfsagt margir sem munu eiga
auðvelt með að rifja upp hvar þeir voru á þessum tímapunkti.
Þetta hafði gríðarlega neikvæð áhrif á ijármálamarkaði um
allan heim, einnig á íslandi.
Horfurnar fyrir árið 2002 tel ég ágætar á erlendum Jjármála-
mörkuðum en ólíklegt verður að teljast að fjárfestar sýni
erlendum skuldabréfum mikinn áhuga miðað við þær vaxta-
lækkanir sem orðið hafa. Oskandi væri að það yrði til þess að
vekja áhuga þeirra á íslenskum skuldabréfamarkaði sem
verður áfram vænlegur á næsta ári fyrir íjárfesta. Það mun taka
innlenda hlutabréfamarkaðinn smá tíma að jafna sig aftur, eins
og margan fjárfestinn, en ég spái að það muni gerast jafnt og
þétt og því vænlegt fyrir langtímafjárfesta að skoða hann vel á
næsta ári. Ég á von á því að það verði áfram töluvert um sam-
einingar fyrirtækja.
Það sem er einna eftirminnilegast í persónulega lífinu á árinu
er það að ég fór að huga meira að heilsunni með því að spá að-
eins í mataræði, auk þess að fara reglulega í nudd og jóga.33