Frjáls verslun - 01.11.2001, Page 73

UMÁRAMÓT
Sigfús Sigfiísson
forstjóri Heklu
Samverustundir í Prag
Stærsta skrefið sem stigið var í Heklu var að nýtt tölvu- og
upplýsingakerfi var tekið í notkun. Mikil vinna og flárfesting
liggur í upplýsingakerfinu og mun það án efa vera til hags-
bóta fyrir viðskiptavini og starfsfólk Heklu. Auk þessa hefur Hekla
hugsað til framtíðar með nýbyggingu í Klettagörðum fyrir véla-
svið fyrirtækisins. Samningur okkar við Hjartavernd um sölu á
lækningatækjum vegna rannsóknarverkefnis þeirra með styrk frá
bandarískum heilbrigðisyfirvöldum var einnig mjög ánægjulegur.
Mér sýnist að í bílaviðskiptum þurfi menn enn að þreyja þorrann
og fátt bendir til uppsveiflu í þeirri grein á næstunni.
Helstu breytingar í efnahagslífinu gætu tengst flárfestingu
erlendra aðila í stóriðju. Undanfari þess eru framkvæmdir sem
myndu hressa upp á efnahagslífið og auka bjartsýni þjóðarinnar.
Hvað mig sjálfan varðar er án efa eftirminnilegast að ég gekk í
hjónaband þegar íslenska sumarið skartaði sínu fegursta. Kaupin á
Vífilfelli og svo ógleymanlegar samverustundir með starfsfólki
Heklu í Prag eru einnig atburðir sem ylja mér um hjartarætur. [H
Rannveig Rist
forstjóri Isal
Reiknum með kegra álverði
Það sem bar hæst á árinu er að þetta er fyrsta árið sem við
tilheyrum Alcan sem er stór kanadískur álframleiðandi.
Því miður varpaði skugga á starfsemina hörmulegt slys í
júní sl, er tveir starfsmenn verktaka brenndust alvarlega og
annar þeirra lést af sárum sínum.
Það stefnir í enn eitt metárið er við framleiðum í ár 4% meira
ál en afköst verksmiðjunnar eru talin vera og afkoman er áfram
mjög góð. Það skemmtilegasta á árinu var að Siv Friðleifsdóttir
afhenti okkur umhverfisverðlaun umhverfisráðunejhisins, við
fengum vinnuverndarverðlaunin úr hendi félagsmálaráðherra
og Hafnfirðingar veittu okkur jafnréttisverðlaun.
Hvað árið 2002 varðar er vandi um slíkt að spá og fæst orð
bera minnsta ábyrgð. Við reiknum þó með lægra álverði og
miðum okkar áætlanir við að það harðni á dalnum.
Eftirminnilegast úr persónulega lífinu eru ánægjulegar sam-
verustundir ljölskyldunnar og ekki síst með yngstu dóttur
okkar sem varð ársgömul á dögunum. 33
73