Frjáls verslun - 01.01.2002, Síða 9

Geirmundur Kristinsson sparisjóðsstjóri. Myndir: Geir Ólafsson
kaupleiga, verðbréfaútgáfa), gjaldeyrisþjónustu, útborgun launa,
greiðsludreifingu, innheimtu o.s.frv.
Rekstrar- og afgreiðslusuið sér um rekstur Sparisjóðsins á fast-
eignum, tækjum og búnaði, starfsmannahald, alla innri þjónustu í
Sparisjóðnum og daglega afgreiðslu viðskiptavina, þ.m.t. sjálfsaf-
greiðslu. Hefur umsjón með öryggismálum, skjalavörslu, inn-
kaupum og lagerhaldi á rekstrarvörum, annast rekstur mötuneytis
og aðra þjónustu við starfsfólk.
Innri endurskoðun hefur það hlutverk að fylgjast með því að lögum
um banka og sparisjóði sé fylgt og farið sé eftir siðareglum, vinnu-
reglum og lánareglum.
Markaðsstjóri hefur umsjón með markaðsmálum, vöruþróun,
gæðastjórnun og heldur utan um þjálfun og menntun starfsfólks.
Kjarninn er góö þjónusta og samskipti
Geirmundur Kristinsson sparisjóðsstjóri hefur verið starfsmaður
SPKEF frá því á vordögum 1965. Hann er fæddur og uppalinn Kefl-
víkingur og þekkir vel til á Suðurnesjum. „( Sparisjóðnum starfa nú
um 80 manns og eru höfuðstöðvamar í Keflavík en afgreiðslur i
Garði, Grindavík og Njarðvík," segir Geirmundur. „( hverri afgreiðslu
er almenn afgreiðsla og þjónustustjóri.
Kjarninn í þjónustunni hjá okkur er góð samskipti við viðskipta-
vini þar sem þjónustufulltrúar gegna lykilhlutverki en Sparisjóðurinn
er þekktur fyrir að veita góða, fjölbreytta og persónulega þjónustu.
Allt sem viðkemur fjármálum eigum við að geta leyst og með til-
komu viðskiptastofu SPKEF getum við sinnt verðbréfaviðskiptum
fyrir Suðurnesjamenn."
Sérstaða Sparisjóðsins er að hann hefur mjög öflug tengsl við
samfélagið á Suðurnesjum. í honum starfar góður kjarni starfsfólks
sem hefur mikla reynslu og hefur flest unnið mjög lengi í Spari-
sjóðnum. Geirmundur segir það einkenna starf fjármálastofnana á
landsbyggðinni og ekki síst í Keflavík hve tengsl athafnalífsins á
hverjum stað og ekki síst persónuleg tengsl séu mikil. Það sé ólíkt
því sem gerist í Reykjavík til að mynda.
„Hjá okkur eru rúmlega 60% af þeim sem búa á Suðurnesjum
en einnig halda tryggð við okkur þeir sem flytja brott og þannig er
góður hluti viðskiptamanna okkar brottfluttir Suðurnesjamenn,"
segir Geirmundur. „Sú þjónusta sem nýtur hvað mestrar hylli hjá
okkur er greiðsluþjónustan og má segja að ríflega helmingur við-
skiptavina okkur nýti sér þá þjónustu. Hraðbankar okkar sem eru
víða á Suðurnesjum eru einnig vel nýttir."
Geirmundur segir mikla þróun í heima- og fyrirtækjabönkum og
að viðskiptavinir nýti sér þá þjónustu í æ ríkari mæli. Onnur þjón-
usta, eins og hraðbankar í verslunum sé í stöðugri sókn og sé að
verða sjálfsagður hlutur. „Við höfum ávallt brýnt sparnað fyrir unga
fólkinu og í áratugi hefur sjóðurinn sent fermingarbörnum gjafir svo
nokkuð sé nefnt, og um leið lagt áherslu á gildi sparnaðar. Við
hverja heimsókn í Sparisjóðinn fá ungir sparendur einhvern glaðning
frá okkur og nú fyrir jólin buðum við krökkunum í Krónu- og Króna-
leiknum tölvuleik sem vakið hefur mikla lukku. Sparisjóðurinn hefur
einnig staðið fyrir fjármálanámskeiðum í grunnskólum á Suður-
nesjum og hafa þau mælst vel fyrir." SH
Á uiðskiptastofu SPKEF. Frá uinstri: Kjartan Ingvarsson, Þröstur Leósson
forstöðumaður, Ingibjörg Baldursdóttir og Kristinn Á. Ingólfsson.
Í afgreiðslu Sparisjóðsins geta viðskiptavinir farið í heimabankann eða
flakkað um á Netinu.
Afgreiðslusalurinn í Keflavík er rúmgóður og bjartur.
„Hjá okkur eru rúmlega 60% af þeim sem búa á Suðurnesjum en einnig
halda tryggð uið okkur þeir sem flytja brott,“ segir Geirmundur Kristinsson.

9