Frjáls verslun - 01.01.2002, Blaðsíða 77

FRAMLEIÐSLA
báðum fyrirtækjum í Hagkaupum og Nýkaupum,"
sega þau. Þau benda á að samningurinn hafi mikið
að segja fyrir svo lítíð fyrirtæki, þarna sé um stóran
viðskiptavin að ræða því að Baugur hafi stóran hluta
af matvörumarkaðnum og þar sé hlutur Bónuss
náttúrulega gríðarmikill. Hlutur Kaupáss- verslana
hefur einnig farið ört stækkandi á seinustu
misserum og eru verslanir Kaupáss meðal stærstu
viðskiptavina.
„A mótí kemur að við erum stór í vélarís og
sjoppugeiranum. Vélarísinn og vörur tengdar
honum eru 25% af veltunni þannig að við erum ekki
alveg háð stórmörkuðunum að öllu leyti. Sú stað-
reynd að við fengum ekki þennan samning fyrr en
í fyrra sýnir að við lifðum þokkalegu lífi fram að
því,“ bætir Aldís við.
- Af hverju komst þessi samningur á? Er einhver sér-
stök óstaeða?
„Við tókum þátt í útboði og þeir fóru að ræða við
báða aðila. Af hverju sömdu þeir við okkur? Það
hefur sjálfsagt verið annað hvort að hinir hafi
dregið í land eða við einfaldlega boðið betur. Það er
okkur ekkert sérstakt kappsmál að sitja ein að
einhverjum markaði, við viljum bara vera með og
sanna okkur,“ svarar Valdimar.
í ísnum
Kjörís framleiðir um 1,4 milljónir lítra afís á ári. Um 30% af framleiðslunni fer í
svokallaðan dolluts, t.d. Mjúkís, 30% í pinnaís, ísblöndur standa fyrir 20 prósent og
10-20% annað, t.d. innfluttur ís, kex og kurl í ísbúðir. Islendingar hafa mjög sérstaka
bragðlauka og vilja ís með vanillubragði, súkkulaði, karamellu og lakkrís en ekki
sterku ávaxtabragði, eins og tíðkast víða erlendis.
Þriðja stærsta fyrirtækið Kjörís framleiðir um 1,4 milljónir lítra
af ís á ári. Um 30% af framleiðslunni fer í svokallaðan dolluís, t.d.
Mjúkís, 30% í pinnaís, ísblöndur standa fyrir 20 prósent og 10-20%
annað, t.d. innfluttan ís, kex og kurl í ísbúðir. „Isbúðareigendur
eiga að geta komið hingað og fengið allt tíl íssölunnar; dósirnar,
skeiðarnar, kexið, kurlið og allt annað sem þarf í ísbúðina. Þó að
þessar hliðarvörur séu ekki afgerandi þáttur í veltunni þá eru
þær samt sem áður ákveðin þjónusta sem við veitum. Isbúðareig-
endur eiga ekki að þurfa að leita annað varðandi þessar vörur,“
útskýrir Aldís. Kjörís er í dag eitt þriðja stærsta fyrirtækið í
Hveragerði á eftir Heilsuhæli NLFÍ og Dvalarheimilinu Asi.
Starfsmennirnir eru að jafnaði um 45 talsins og þeim fjölgar allt
upp í 60 yfir sumarið þegar ráða þarf afleysingafólk. Sölu-
mennirnir eru átta, þar af er einn staðsettur á Akureyri. Heima-
markaður Kjöríss, Suðurlandið, er fyrirtækinu gríðarlega mikil-
vægur, bæði á sumrin og veturna, þvi að margir höfuðborgar-
búar eiga sumarbústað fyrir austan eða flykkjast í sunnudagsbíl-
túrum austur fyrir fyall tíl að kaupa sér ís. Svo eru Sunnlendingar
trúir sínum. Isneyslan er sveiflukennd en samt stöðugri en fyrir
10-15 árum þegar hægt var að stöðva framleiðsluna í janúar, loka
fyrirtækinu og fara að dytta að húsum og vélum.
Sérstakir bragðlaukar „Markaðurinn hér er allt öðruvísi en
ísmarkaðurinn í öðrum löndum þar sem ísbúðir einfaldlega
loka yfir vetrartímann. Erlendum gestum, sem hingað koma,
þykir alveg stórfurðulegt að fólk skuli kaupa sér vélarís yfir
háveturinn, jafnvel til að fara með út í bíl. Þetta tíðkast ekki
erlendis. Þar loka bara þessir staðir," segir Aldís og þau bæta
við að um leið sé væntanlega lokað fyrir ísstöðina í heilanum.
„Eg held að það sé örlítill munur á neytendamynstrinu, alla-
vega hef ég á tilfinningunni að það jaðri við að við lítum á ís
sem mat ffekar en að við tengjum hann eingöngu við sól og
sumar. Það koma auðvitað sumur þar sem við höfum enga sól
en borðum samt ís,“ segir hún.
Systkinin telja íslenska bragðlauka svolítíð sérstaka og að
það komi skýrt fram á ýmsum sviðum. I innflutningi þýði t.d.
ekki að flytja inn hvað sem er. Þannig eigi sterkt ávaxtabragð
ekki upp á pallborðið hjá íslendingum. Hins vegar líki fólki
vanillubragð, súkkulaði, lakkrís og karamella.
Nálægðin Við kúnnann Valdimar og Aldís eru sammála um
að vöruþróun skipti gríðarlega miklu máli, alltaf þurfi að
koma með þrjár til fimm nýjungar á hverju sumri og hætta
Fjögur fyrirtæki selja ís á íslandi og eru tvö stærstu fyrirtækin innlendar ísgerðir með
langstærstu markaðshlutdeildina. SS og Danól eru eingöngu í innflutningi en bæði Kjörís og
Emmessís flytja inn og framleiða ís og ístengdar vörur.
77