Bankablaðið - 01.07.1985, Síða 36

36
við hann, að hann tæki að sér skólastjóm
hins væntanlega bankaskóla og sam-
þykkti hann það.
En áfram hélt málið og á fundi 8. okt-
óber 1959, þar sem mættir voru fulltrúar
bankanna auk stjómar SÍB, var skipulag
skólans endanlega samþykkt, samkvæmt
tillögu skólanefndar.
Skólinn telst stofnaður 13. apríl 1959,
en fyrsta byrjendanámskeið hans hófst 2.
nóvember sama ár. Stofnendur teljast
Samband íslenskra bankamanna, Lands-
banki íslands (sem þá skiptist í Við-
skiptabanka og Seðlabanka íslands), Út-
vegsbanki íslands og Búnaðarbanki
íslands. Þegar Seðlabankinn var síðar
skilinn að fullu frá Landsbankanum,
gerðist hann sjálfstæður aðili að skólan-
um. Hlutafélagabankarnir og sparisjóð-
irnir gerðust síðar einnig aðilar að
skólanum.
NÁM OG STARF í
BANDARÍKJUNUM
„Ég gegndi starfi skólastjóra Banka-
mannaskólans í 20 ár, eða til 1. septem-
ber 1978,“ segir Gunnar. „Þetta var
aukastarf allan tímann, því mitt aðalstarf
var í Búnaðarbankanum.
Þegar ég tók starfið að mér var ég ný-
korninn frá námi og starfsþjálfun í
Bandaríkjunum, þar sem ég starfaði árin
1958 og 1959 hjá elsta banka New York
borgar, The Bank of New York. Ég
starfaði þar í öllum deildum erlendra
viðskipta, jafnframt því að stunda nám
við The American Institute of Banking í
New York.
Hvað starfsemi Bankamannaskólans
þessi ár snertir, má í stórum dráttum
skipta henni í tvö tímabil. Hið fyrra stóð
í átta ár, eða til 1966, en hið síðara til
ársins 1978. Það ár tók gildi nýr samn-
„Annatímar í bönkum 1985"
ingur um starfsskipulag skólans, þar sem
starf skólastjóra var gert að heilsárs-
starfi. Þá tók við því Þorsteinn Magnús-
son, kennari í Verslunarskólanum, en
hann hafði verið kennari við skólann frá
upphafi.
Á fyrsta námskeiði skólans voru kenn-
arar 13, þar af 11 sérfróðir starfandi
bankamenn. Flestir nemendanna komu
frá Landsbankanum, eins og alltaf hefur
verið. Einvarður Hallvarðsson varstarfs-
mannastjóri Landsbankans; tryggur og
ötull stuðningsmaður skólans og veitti
honum ómetanlegan stuðning.
Fyrstu átta árin hafði skólinn ekkert
fast húsnæði til umráða fyrir starfsemi
sína. Byrjendanámskeið voru um fimm
ára skeið haldin til skiptis í samkomusöl-
um Landsbankans, Útvegsbankans,
Búnaðarbankans og Iðnaðarbankans, en
þá voru þessir salir teknir undir mötu-
neyti bankanna.
Síðan lá starfsemi skólans að mestu
niðri um tveggja ára skeið, þar sem ekki
var völ á hentugu húsnæði.
ÞÁTTASKIL - EIGID
HÚSNÆDI
Árið 1966 eignaðist Samband íslenskra
bankamanna eigið húsnæði að Lauga-
vegi 103, og fékk skólinn þar til umráða
ágætis leiguhúsnæði til 10 ára.
Byrjendanámskeið skólans hófust síðan
að nýju í október það ár.
Starfsemi skólans fórnú vaxandi. Auk
byrjendanámskeiða og verklegrar
kennslu á reiknivélar og í vélritun, voru
haldin tungumálanámskeið. Þau fóru
ýmist fram í skólanum eða samkomusal
Landsbankans, ef þau voru haldin í
Reykjavík, en að auki voru þau haldin
úti á landi, svo sem.á Akureyri, Húsavík
og í Bifröst. Árið 1975 voru námsgrein-
arnar orðnar 22 fyrir utan framhaldsnám-
skeiðin. Nýir starfsmenn voru þá orðnir
skyldugir til að sækja skólann, sam-
kvæmt ákvæði 5. greinar reglugerðar um
störf og launakjör bankamanna.
BÆKUR 0G RIT SKÓLANS
Bankamannaskólinn gaf út bókina
„Stjómun og skipulag", sem Ólafur Pét-
ursson hagfræðingur þýddi fyrir skólann
og var notuð sem kennslubók. Þar fyrir
utan hafa ýmis önnur rit verið gefin út,
svo sem sérprentaðir fyrirlestrar og rit
notuð við kennslu. Meðal höfunda má
nefna Jónas Rafnar, Helga Bergs, Bjöm
Tryggvason, Stefán Sturlu Stefánsson,
Magnús Árnason hrl., Gunnar H.
Blöndal, Benedikt E. Guðbjartsson og
fleiri.
„Annatímar í bönkum 1985"
NÝ TÆKNI SKAPAR MEIRI
ÞÖRF FYRIR SKÓLA
Að lokum var Gunnar spurður, hver
skoðun hans væri á framtíð Banka-
mannaskólans; hvort hann ætti einhverja
framtíð fyrir sér. Já, Gunnar var sann-
færður um að svo væri.
„Það er ljóst, að ný lög um banka-
rekstur gefa möguleika á mun fjölbreytt-
ari bankaþjónustu. Ný tækni; beinlínuaf-
greiðslukerfi banka og sparisjóða kemur
til með að valda miklum breytingum á
starfsemi þessara stofnana og skapa þar
af leiðandi verkefni og aukna þörf fyrir
Bankamannaskólann. Kennsla og þjálf-
un og notkun tækja fer nú fram á vegum
Bankantannaskólans og á ábyrgð hans.
Þörfin á Bankamannaskólanum á eftir að
aukast."
Að lokum bað Gunnar Blöndal fyrir
kveðjur til samstarfsmanna sinna. „Ég
þakka skólanefnd, starfsmannastjórum,
skólastjóra, kennurum, nemendum og
bankamönnum ágæta samvinnu og sam-
starf á liðnum árum.
Ég vil að lokum áma skólanum allra
heilla á þessum merka áfanga í starfsemi
skólans og óska þess jafnframt að skól-
inn megi í vaxandi mæli stuðla að vel-
gengni og frama íslenskra bankamanna.“