Morgunblaðið - 01.12.2008, Blaðsíða 2

2 FréttirINNLENT
MORGUNBLAÐIÐ MÁNUDAGUR 1. DESEMBER 2008
www.skalholtsutgafan.is
FÆST Í KIRKJUHÚSINU OG ÖLLUM HELSTU BÓKAVERSLUNUM
Sigurbjörn Einarsson biskup er eitt mesta sálmaskáld
íslensku þjóðarinnar á síðari tímum.
Bókin geymir heildarsafn sálma hans og ljóða.
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÁRLEG hátíð Búddafélags Íslands fór fram í Rimaskóla í gær. Nefnist
þessi forna hátíð Loy Krathong, en á henni losa þátttakendur sig við nei-
kvæðu hliðar lífsins, svo sem illar hugsanir, með því að kveikja á kertum. Í
Taílandi er kertunum fleytt á fljótum landsins, en gestir hátíðarinnar í gær
létu sér nægja að kveikja á kertunum innandyra.
Á hátíðinni kom unga fólkið fram í taílenskum þjóðbúningum og sýndi
tungumálakunnáttu sína, en mikil áhersla er lögð á að börnin viðhaldi
menningu sinni.
Að sögn forsvarsmanna hátíðarinnar gekk allt vel fyrir sig og töldu þeir
að ekki hefðu færri en 300 manns lagt leið sína í skólann. Talið er að á
fjórða þúsund búddista séu á Íslandi og hafa þeir í hyggju byggingu
Búddahofs í grennd við Rauðavatn í Reykjavík. andresth@mbl.is
Morgunblaðið/Golli
Hið illa skilið eftir á hátíð búddista
ÞRJÚ skip köstuðu á síld út af
höfnunum í Keflavík og Njarðvík í
gær og fengu ágætisafla. Þótt síld-
in sé blönduð verður reynt að
vinna sem mest af henni til mann-
eldis, að sögn Ólafs Einarssonar,
skipstjóra á Álsey VE, sem var á
leið til Eyja með 900 tonn.
Síldveiðiskipin hættu veiðum á
Breiðafirði vegna sníkjudýrs sem
herjar þar á síldina. Ekki er hægt
að vinna sýkta síld til manneldis
og fór því aflinn sem fékkst á
Breiðafirði eftir að sníkjudýrið
greindist í bræðslu. „Maður er
uggandi yfir ástandinu, ekki síst
ef stór hluti síldarinnar drepst úr
þessu,“ sagði Ólafur. Hann sagði
óskrifað blað hvert yrði haldið
næst. helgi@mbl.is | 20
Veiða við
hafnirnar
Sníkjudýr í síldinni
Morgunblaðið/Þorgeir
Síldveiðar Súlan veiðir fyrir Mar-
gréti nálægt landi á Suðurnesjum.
segir Guðlaug Kristjánsdóttir, formaður BHM.
Hún segir að tilgangur fundar aðila vinnumark-
aðarins sl. fimmtudag hafi verið að draga upp
heildarmynd af stöðunni. „Samtök launamanna
voru ekki tilbúin að líta á byrjunarreitinn fyrr en
búið væri að klára samningana sem útistandandi
væru við sveitarfélögin og Reykjavíkurborg,“ út-
skýrir Guðlaug, sem segir að þar hafi stórir hópar
ekki fengið neina kjaraleiðréttingu. „Til að geta
sagt að félagsmenn stæðu á svipuðum punkti við
upphaf nýrrar sáttar þurfti að ljúka þessu.“
Ný þjóðarsátt í burðarliðnum?
„Það hefur svo sem enginn endilega viljað nota
akkúrat það orð,“ segir Guðlaug spurð hvort að-
ilar vinnumarkaðarins væru nú að undirbúa ein-
hvers konar þjóðarsátt. Hún segir stöðuna skelfi-
Eftir Andrés Þorleifsson
andresth@mbl.is
ÖLL aðildarfélög BHM sem gera kjarasamninga
við Reykjavíkurborg undirrituðu samninga í gær.
Þá hafði Félag íslenskra hjúkrunarfræðinga sam-
ið í sumar. Hljóða samningarnir upp á 20.300
króna hækkun á taxta og gilda þeir út ágúst á
næsta ári. Í samningunum er bókun þess efnis að
samningsaðilar muni koma að viðræðum allra að-
ila vinnumarkaðarins, sem hófust sl. fimmtudag.
Forsenda sameiginlegrar vinnu
„Bókunin fjallar í raun og veru um að aðilar
samningsins komi að sameiginlegri vinnu aðila
vinnumarkaðarsins, sú niðurstaða sem kemur úr
þeirri vinnu verður hluti af þessum samningi,“
lega. „Besta leiðin í [þessari] stöðu er að allir tali
saman. Þegar staðan er þetta slæm þurfum við öll
að huga að ákveðnum grundvallaratriðum,“ bætir
hún við. Samningar við önnur sveitarfélög renna
út um mánaðamótin.
Starfsgreinasambandið og Efling sömdu
Á laugardaginn undirritaði launanefnd sveitar-
félaga og Reykjavíkurborg framlengingu kjara-
samninga við Starfsgreinasamband Íslands. Á
sama tíma var undirritaður samningur Eflingar
stéttarfélags við Reykjavíkurborg. Var þar samið
um sömu krónutöluhækkun og sama gildistíma.
Í tilkynningu frá Starfsgreinasambandinu segir
að samningurinn verði á næstunni kynntur fé-
lagsmönnum og til standi að kjósa um samninginn
17. desember næstkomandi.
Flest BHM-félög sömdu
 Mörg félög sömdu við Reykjavíkurborg í gær  Starfsgreinasambandið samdi
við borgina og sveitarfélögin á laugardag  Sömu heildarlínurnar í samningum
ÁRVAKUR hf. sem gefur út Morgunblaðið og Nýi Glitn-
ir hafa sammælst um það að vinna að framtíðarlausn á
fjármálum Árvakurs sem tryggi félaginu rekstrargrund-
völl til framtíðar. Miðað er við að vinnu við þetta ljúki fyr-
ir lok vikunnar. Fram kemur í fréttatilkynningu frá Ár-
vakri að niðurstaðan feli í sér endurfjármögnun félagsins
með nýju hlutafé og að núverandi hlutafé verði fært niður
í núll.
Árvakur hefur átt við alvarlegan lausafjárvanda að
stríða og skuldir félagsins hækkað verulega vegna geng-
isfalls krónunnar. Um helgina var leitað lausna í sam-
vinnu við Glitni sem er viðskiptabanki fyrirtækisins.
„Það er mikilvægur áfangi fyrir okkur, að hafa komið
okkur niður á verkáætlun um það hvernig við ætlum að
vinna að framtíðarlausn,“ segir Einar Sigurðsson, for-
stjóri Árvakurs. Árvakur og Glitnir leggja áherslu á að
unnið verði að endurfjármögnun félagsins í opnu og
gegnsæju ferli. Af hálfu Árvakurs verður verkefnið unnið
undir forystu stjórnenda félagsins og verður lögð áhersla
á að skapa breidd í hluthafahópi félagsins.
Haft er eftir Þór Sigfússyni, stjórnarformanni Árvak-
urs, í fréttatilkynningu að mikil vinna sé framundan við
að ljúka málinu. „Meginmarkmið okkar er að tryggja
hnökralausa útgáfu Morgunblaðsins og mbl.is, tveggja
miðla sem hafa algera sérstöðu á markaðnum. Mikilvægi
þessara miðla í samfélaginu hefur komið gleggst fram í
því ástandi sem nú er í efnahagsmálum. Við munum því
leggja allt kapp á að ljúka þessu máli farsællega,“ segir
Þór.
„Það hefur verið einstök reynsla fyrir stjórn og stjórn-
endur félagsins að finna þann hug og þann mikla skilning
sem við höfum haft hjá starfsfólki félagsins við þessar
kringumstæður,“ segir Einar Sigurðsson. helgi@mbl.is
Sammælst um að tryggja
rekstrargrundvöll Árvakurs
Fyrirtækið verður endur-
fjármagnað með nýju hlutafé
Morgunblaðið/ Jim Smart
FULLTRÚAR
Arkitektafélags
Íslands og Félags
arkitektastofa
(FSSA) funduðu
með forsætisráð-
herra á laug-
ardaginn og af-
hentu honum
ályktun félag-
anna varðandi at-
vinnuhorfur
stéttarinnar. Segir FSSA að að
óbreyttu sé ljóst að 48% starfs-
manna á arkitektastofum horfi fram
á atvinnuleysi frá og með 1. febrúar
næstkomandi. Segja arkitektar það
hafa víðtækar afleiðingar þegar op-
inberir aðilar stöðvi undirbúning op-
inberra framkvæmda með sam-
stilltum hætti eins og nú er gert.
Beina þeir því að stjórnvöldum að
halda verkefnum gangandi og halda
áfram undirbúningi framkvæmda.
andresth@mbl.is
48% án
atvinnu?
Stöðvun kemur
arkitektum illa.