Morgunblaðið - 01.12.2008, Blaðsíða 15

Fréttir 15INNLENT
MORGUNBLAÐIÐ MÁNUDAGUR 1. DESEMBER 2008
90 ára afmæli
fullveldis á Íslandi
Þórarinn Eldjárn fer með ljóð
Ávörp flytja:
Styrmir Gunnarsson fv. ritstjóri
Katrín Jakobsdóttir alþingismaður
Kári Stefánsson forstjóri
Tónlistaratriði:
Egófónía III
Eydís Fransdóttir óbóleikari flytur Egófóníu
III eftir Svein Lúðvík Björnsson
Diddú og Jónas
Sigrún Hjálmtýsdóttir syngur
ættjarðarsöngva við undirleik
Jónasar Ingimundarsonar
Undirrituð hvetja fólk til að fjölmenna í Salinn í Kópavogi á fullveldisdegi íslensku þjóðarinnar. Með því leggjum við okkar að
mörkum til varðveislu fullveldis landsins á viðkvæmum tímum í stjórnmálalífi og efnahag þjóðarinnar. Við leggjum áherslu
á vinsamleg samskipti og samstarf við aðrar þjóðir og hvetjum til opinnar umræðu um Evrópumál. Við teljum að aðild að
Evrópusambandinu fæli hins vegar í sér víðtækt framsal valds og réttinda til stjórnarstofnana ESB í Brussel, þar á meðal
yfirráð yfir helstu auðlindum landsins. Við teljum því að ESB aðild sé andstæð frelsi og fullveldi þjóðarinnar og samrýmist
ekki hagsmunum Íslendinga. Jafnframt teljum við ljóst að aðsteðjandi efnahagsvandi verði ekki leystur með aðild eða
aðildarviðræðum að ESB .
Þér er boðið til 90 ára afmælis fullveldisins í Salnum í Kópavogi
mánudaginn 1. desember. Samkoman hefst klukkan 17:00
Hreyfing sjálfstæðissinna í Evrópumálum
Hjörleifur Þór Ólafsson
Eiríkur Tómasson
Sigurður V Viggósson
Stefán Jóhann Stefánsson
Ólafur Hannesson
Haraldur Haraldsson
Máni Atlason
Hörður Vignir Sigurðsson
Sólrún Ólafsdóttir
Sigurgeir Pálsson
Bjarni Harðarson
Gunnar Albert Rögnvaldsson
Gunnar Ásgeir Gunnarsson
Steingrímur Hermannsson
Guðmundur K Steinbach
Páll Vilhjálmsson
Hjörleifur Guttormsson
Pétur Guðmundur Ingimarsson
Steingrímur J Sigfússon
Guðrún Ásta Guðmundsdóttir
Örvar Már Marteinsson
Höskuldur Marselíusarson
Kolbrún Sigríður Hilmarsdóttir
Elínbjörg Magnúsdóttir
Aðgangur er ókeypis og allir velkomnir meðan húsrúm leyfir
Dagskrá:
FORSETI Alþingis boðar til ráð-
stefnu kl. 14 í dag á Hótel Hilton
Nordica, um eftirlit löggjafarþinga
með framkvæmdavaldinu. Á ráð-
stefnunni verður leitast við að lýsa
þessum þætti í starfi þjóðþinganna í
Danmörku, Noregi og Svíþjóð.
Bryndís Hlöðversdóttir, formaður
vinnuhóps forsætisnefndar Alþing-
is um þingeftirlit, fjallar almennt
um þingeftirlit.
Samkvæmt þingræðisreglunni
geta ráðherrar ekki setið í embætti
nema meiri hluti alþingismanna
sætti sig við að þeir gegni ráð-
herraembætti. Þá getur Alþingi
ákært ráðherra fyrir brot á lögum
um ráðherraábyrgð.
Morgunblaðið/Kristinn
Eftirlit lög-
gjafarþingsins
Á MORGUN, þriðjudag, verður hádegisleiðsögn á Þjóðminjasafni Íslands í
formi hugleiðingar um samtímasöfnun á Íslandi. Þar mun Helga Lára Þor-
steinsdóttir safnafræðingur fjalla um sýninguna Yfir hafið og heim, ís-
lenskir munir frá Svíþjóð. Helga Lára mun ræða stöðu samtímasöfnunar í
ljósi söfnunar séra Helga Sigurðssonar sem var prestur á Melum í Mela-
sveit og safnaði mörgum munum á 19. öld og seldi til Svíþjóðar. Á seinni
hluta 19. aldar eignaðist hið nýstofnaða safn Nordiska museet í Stokkhólmi
töluvert marga íslenska muni. Flestir íslensku munanna eru frá 18. og 19.
öld og koma upphaflega frá bæjum víða um land. Margir munanna eru af
Vesturlandi.
Á tveggja vikna fresti er boðið upp á sérfræðileiðsögn í Þjóðminjasafn-
inu. Hádegisleiðsögnin á morgun hefst í fyrirlestrarsal Þjóðminjasafnsins
kl. 12.05 og tekur um 40-50 mínútur.
Allir velkomnir.
Hvar er flatskjárinn minn?
Í dag, á fullveldisdeginum, verður
Auðlind – Náttúrusjóður – stofn-
aður formlega í Þjóðminjasafni Ís-
lands við Suðurgötu kl. 17. Til-
gangur sjóðsins er að standa vörð
um auðlindir, lífsgæði og fjöl-
breytni íslenskrar náttúru. Auðlind
mun standa fyrir verklegri um-
hverfisvernd, m.a. að endurheimta
votlendi og viðhalda arnarstofn-
inum. Í frétt í Morgunblaðinu á
laugardag var ranglega sagt að
stofnun sjóðsins færi fram í Þjóð-
leikhúsinu. Það leiðréttist hér með.
Náttúrusjóðurinn
Auðlind
LAGADEILD Háskólans í Reykja-
vík stendur í dag fyrir hádegisfundi
um hluthafaábyrgð, þ. á m. ábyrgð
móðurfélaga í hlutafélaga-
samstæðum, frá kl. 12 til 13.15 í
stofu 201. Þar fjallar Áslaug Björg-
vinsdóttir dósent m.a. um und-
antekningar frá meginreglunni um
takmarkaða ábyrgð hluthafa.
Hluthafaábyrgð
STUTT
HEIÐURSSKJÖLD Sjóvár árið 2008 hlýtur að þessu
sinni Stefán Eiríksson, lögreglustjóri á höfuðborg-
arsvæðinu. Í tilkynningu frá Sjóvá segir að Stefán hafi
sem lögreglustjóri komið með ferskleika, metnað og
kraft í starf lögreglunnar. Hann hafi aukið mjög sýni-
leika lögreglunnar sem hefur ótvírætt gildi fyrir ör-
yggi borgaranna og hefur hann einnig beitt sé fyrir
auknu umferðaröryggi í sínu umdæmi að mati Sjóvár.
Lögreglustjóri heiðraður
MAGNÚS Skúlason, formaður
Íbúasamtaka miðborgarinnar,
færði Júlíusi Vífli Ingvarssyni, for-
manni skipulagsráðs Reykjavíkur,
lista sl. föstudag með undirskrift-
um 330 íbúa sem mótmæla fyr-
irhugaðri byggingu Listaháskóla
Íslands við Laugaveg og niðurrifi
gamalla húsa.
Undirskriftunum var safnað á
tæplega þriggja vikna tímabili í
september síðastliðinn, að því er
segir í fréttatilkynningu frá stjórn
Íbúasamtaka miðborgarinnar.
Söfnun undirskrifta var hætt
þegar aðstæður breyttust skyndi-
lega í þjóðfélaginu, aðallega vegna
þess að ólíklegt þótti að ráðist yrði
í fyrrnefndar framkvæmdir í nán-
ustu framtíð.
Ef ákveðið verður að halda
áfram með byggingu skólans í
óbreyttri mynd má búast við að
söfnun undirskrifta verði einnig
haldið áfram. Í samþykkt stjórnar
íbúasamtakanna frá því um síðustu
helgi segir að tillagan sem nú liggi
fyrir fari langt fram úr skipulags-
málum hvað varði fermetrafjölda
og hæðir.
Tillagan gangi jafnframt gegn
áherslum borgaryfirvalda um að
viðhalda sögulegu umhverfi og
sérkennum Laugavegar sem mik-
ilvægum þætti í að auka aðdrátt-
arafl hans.
Undirskriftir gegn niðurrifi húsa
Eftir Helga Bjarnason
helgi@mbl.is
VERIÐ er að koma upp nótahóteli á
Eskifirði. Það verður í nýju húsnæði
sem Egersund er að byggja. Fjarða-
byggðarhafnir gera hafnargarð við
nýja húsið þannig að hægt verður að
hífa næturnar beint um borð í skipin.
Veiðarfæragerðin Egersund Ís-
land ehf. er að byggja við hús sitt
tæplega 2.000 fermetra nýbyggingu.
Tilgangurinn er að auka framleiðsl-
una og bæta vinnuaðstöðu starfs-
fólks. „Það fæst ekki lengur fólk til
að standa niðri á bryggju í hvaða
veðri sem er og sauma nætur. Við er-
um að bæta vinnuaðstöðu starfs-
fólksins með því að færa þetta inn í
hús,“ segir Stefán Ingvarsson, fram-
kvæmdastjóri fyrirtækisins.
Egersund á Eskifirði hefur sér-
hæft sig í vinnu við veiðarfæri fyrir
uppsjávarfisk. Mikið af efninu hefur
verið flutt inn. Með því að stækka
verkstæðið er ætlunin að vinna
stærri hluta veiðarfæranna á staðn-
um.
Tekin á tækninni
Hluti af húsnæðinu verður nýttur
sem eins konar nótahótel. Þá gefst
viðskiptavinum fyrirtækisins kostur
á að geyma næturnar inni á milli ver-
tíða. „Veiðarfærin fara illa á því að
liggja úti. Svo er það orðið óvinsælt
hjá bæjarfélögunum að láta næturn-
ar liggja í hrúgum úti um öll hafn-
arsvæðin,“ segir Stefán.
Fjarðabyggðarhafnir undirbúa
byggingu hafnarkants framan við
húsið. Þá verður hægt að hífa veið-
arfærin beint um borð. Þá segir Stef-
án að settir verði upp stórir kranar
með blökkum sem keyrðir verða eftir
brautum í loftinu. Ekki veitir af öfl-
ugum búnaði því loðnunæturnar eru
mikil ferlíki, vega 45-50 tonn og erfitt
að fletta þeim með höndunum.
„Reksturinn hefur gengið vel enda
værum við ekki að fara út í svona
mikla framkvæmd nema við værum
bjartsýnir á framtíðina,“ segir Stef-
án. Hann segir að vissulega geti erf-
iðleikar í efnahagslífinu haft einhver
áhrif. Það hjálpi nú að kostnaðar-
áætlun fyrir framkvæmdina hafi ver-
ið gerð í norskum krónum og búið
hafi verið að fjármagna verkefnið.
Egersund Ísland varð til þegar
norska fyrirtækið Egersund Group
keypti nótastöð Eskju í félagi við tvo
stjórnendur.
Hótel fyrir
veiðarfærin
Morgunblaðið/Helgi Bjarnason
Veiðarfæragerð Öll vinna flyst inn í
hlýjuna þegar 2000 fermetra ný-
bygging bætist við aðstöðu veið-
arfæragerðar Egersund á Eskifirði.