Morgunblaðið - 31.01.2009, Blaðsíða 15

15
MORGUNBLAÐIÐ LAUGARDAGUR 31. JANÚAR 2009
Örfá sæti eru laus í nám í flugumferðarstjórn.
Skráningu lýkur þriðjudaginn 3. febrúar kl. 12.
Nánari upplýsingar á www.keilir.net.
Nám í flugumferðarstjórn
– örfá sæti laus
Minnihluta-
stjórnin sem nú
er í fæðingu er á
margan hátt
ósambærileg við
fyrri minni-
hlutastjórnir lýð-
veldisins, að mati
Helga Skúla
Kjartanssonar,
prófessors í
sagnfræði við
Háskóla Íslands.
„Stjórnir Emils Jónssonar (des-
ember 1958 til nóvember 1959) og
Benedikts Gröndals (október 1979
til febrúar 1980) voru eins flokks
stjórnir Alþýðuflokks með stuðn-
ingi Sjálfstæðisflokks og þess
vegna var enginn samningur milli
stjórnarflokkanna eins og núna.
Það bar a.m.k. ekki á því út á við að
Sjálfstæðisflokkurinn setti þessum
stjórnum nein nákvæm skilyrði.“
Sú þriðja lifði í þrjá mánuði
Helgi Skúli segir Ólaf Thors hafa
leitt þriðju minnihlutastjórnina,
stjórn Sjálfstæðisflokksins frá des-
ember 1949 til mars 1950, stjórn
sem hafi staðið ein síns liðs.
Inntur eftir því hverju þessar
þrjár stjórnir komu í verk segir
Helgi Skúli að stjórn Emils hafi haf-
ið veigamiklar efnahagsaðgerðir
sem hafi verið undanfari viðreisn-
arinnar, auk þess sem hún hafi
komið á kjördæmabreytingu.
Stjórn Ólafs Thors hafi á sínum
stutta valdatíma undirbúið ger-
breytingu í hagstjórn landsins, sem
hafi ekki orðið að veruleika fyrr en
eftir stjórnarskipti. Þá hafi það
meðal annars komið í hlut stjórnar
Benedikts að framkvæma mynt-
breytinguna. baldura@mbl.is
Ólík fyrri
stjórnum
Fyrri minnihluta-
stjórnir eins flokks
Helgi Skúli
Kjartansson
Eftir Egil Ólafsson
egol@mbl.is
OF hægt gengur að ljúka endur-
skipulagningu bankakerfisins. Fari
þessi vinna ekki að ganga hraðar mun
það tefja nauðsynlega uppbyggingu
atvinnulífsins. Þessar raddir komu
fram hjá nokkrum fundarmönnum á
fundi sem Sjálfstæðisflokkurinn hélt í
gær. Yfirskrift fundarins var „Snúum
vörn í sókn“.
Geir H. Haarde forsætisráðherra
viðurkenndi að þessi vinna tæki of
langan tíma. Einn fundarmanna tal-
aði um að viðskiptabankanir væru
„hræ“ og sagðist Geir geta tekið und-
ir að bankarnir væru ekki öflugar
stofnanir í dag. Fyrirhugað væri að
ríkissjóður styrkti eiginfjárstöðu
bankanna með því að leggja þeim til
fjármuni, en áður þyrfti að ljúka
vinnu innan bankanna. Það þyrfti
hins vegar að hafa í huga að gömlu
bankarnir væru ekki í eigu ríkisins
heldur í eigu lánardrottna bankanna
og þeirra hagsmunir færu ekki endi-
lega saman við hagsmuni skattgreið-
enda.
Geir sagði á fundinum að nú væru
örlaga- og óvissutímar í sögu þjóðar-
innar. Ríkisstjórnin hefði verið búin
að vinna vel að mörgum málum þegar
Samfylkingin fór á taugum og gekk
úr ríkisstjórnarsamstarfinu. Ákvörð-
un um að slíta samstarfinu hefði verið
tekin fyrir nokkru og viðræður sem
fulltrúar flokkanna áttu um helgina
hefðu verið sýndarviðræður.
Geir ræddi á fundinum um stöðu
efnahagsmála. Í stað vöruskiptahalla
upp á 127 milljarða árið 2007 væri
hallinn í fyrra um fimm milljarðar.
Vísbendingar væru um að verðbólga
væri að minnka og allt benti til þess
að stýrivextir gætu fljótlega farið að
lækka.
Dugar ekki að vera með for-
dóma gagnvart skurðgröfum
Geir sagði að það þyrfti að gera allt
sem hægt væri til að sporna gegn at-
vinnuleysi. Ákvarðanir um að auka
þorskveiðar og hefja hvalveiðar væru
til þess fallnar að fjölga störfum.
Einnig þyrfti að halda áfram upp-
byggingu í orkugeiranum og fólk
þyrfti að losa sig við fordóma gegn
nýtingu orkuauðlinda. Við yrðum að
spila úr öllu sem við hefðum á hend-
inni. Það þýddi ekki að vera á móti
skurðgröfum og jarðýtum af pólitísk-
um ástæðum, eins og hann komst að
orði.
„Það er fjarri því að ástandið sé
eins ömurlegt og sumir hafa haldið
fram. Ef við höldum okkar striki
munu hlutirnir snúast á betri veg áð-
ur en um langt um líður. Það er ég
sannfærður um. Hvað sem öðru líður
vonar maður að ný ríkisstjórn setji
ekki allt á annan endann þegar kem-
ur að Alþjóðagjaldeyrissjóðnum,“
sagði Geir.
Morgunblaðið/Kristinn
Fögnuður Sjálfstæðismenn fögnuðu Geir H. Haarde, forsætisráðherra og formanni Sjálfstæðisflokksins, vel og innilega við upphaf fundarins í gær.
Áhyggjur af bönkunum
 Sjálfstæðismenn ræddu breytta stöðu í stjórnmálum á fundi í Reykjavík
 Geir telur að staðan eigi eftir að batna ef við höldum okkar striki varðandi IMF
Í HNOTSKURN
»„Því miður. Samfylkinginhefur, og kannski ein-
hverjir fleiri, með ótrúlega
skrýtnum hætti látið stjórnast
af hatri á einum manni. Það
virðist hafa úrslitaáhrif í af-
stöðu þeirra til skipulags-
breytinga á stjórnkerfinu. Það
er ekki góð ástæða til að end-
urskipuleggja í stjórnkerf-
inu,“ sagði Geir H. Haarde
forsætisráðherra þegar hann
ræddi um samstarfsslit stjórn-
arflokkanna.
Sjálfstæðisflokk-
urinn þarf á næsta
landsfundi að
leggja fram tillögur
um uppbyggingu
íslensks atvinnulífs
til næstu 18 mán-
aða. Þetta sagði
Björn Bjarnason
dómsmálaráðherra
á fundinum og
uppskar mikið
klapp fundarmanna. Þetta væri brýnna
verkefni en að ræða um aðild að ESB
eða breyta stjórnarskrá.
Vilhjálmi Egilssyni, framkvæmdastjóra
SA, hefur verið falið að stýra starfs-
hópi sem mun leggja fram tillögur í
efnahagsmálum fyrir landsfund.
„Við þurfum á landsfundi að horfa um
öxl og spyrja okkur hvað fór úrskeiðis?
Hvað var það sem brást?“ sagði Geir
H. Haarde á fundinum. Flokkurinn
þyrfti líka að horfa til framtíðar og
hvernig ætti að komast út úr þessum
vanda.
Plan um 18 mán-
aða uppbyggingu
Björn Bjarnason
SAMNINGAR um yfirtöku ríkis og
borgar á tónlistar- og ráðstefnu-
húsinu við Reykjavíkurborg voru
langt komnir um síðustu helgi en
endanlegur frágangur þeirra frest-
aðist vegna óvissunnar í stjórnmál-
unum. Stefán Hermannsson, fram-
kvæmdastjóri Austurhafnar-TR,
segir að málið verði kynnt nýjum
stjórnvöldum.
Vinna við byggingu tónlistar-
hússins hefur legið niðri frá því í
byrjun mánaðarins. Samningar
Austurhafnar-TR við Landsbank-
ann fela í sér yfirtöku á Portus ehf.
sem staðið hefur í byggingunni í
einkaframkvæmd og ætlaði að reka
tónlistarhúsið. helgi@mbl.is
Frágangur samn-
inga frestaðist