Morgunblaðið - 13.02.2009, Blaðsíða 6

6 FréttirINNLENT
MORGUNBLAÐIÐ FÖSTUDAGUR 13. FEBRÚAR 2009
Eftir Ágúst Inga Jónsson
aij@mbl.is
„ÞETTA eru dýrustu dagar ársins og
það er ekki gott ef þeir sigla hjá hver
af öðrum,“ sagði Sigurgeir Brynjar
Kristgeirsson, framkvæmdastjóri
Vinnslustöðvarinnar í Vest-
mannaeyjum, í gær. Hann er
áhyggjufullur vegna þess hve lítið
hefur fundist af loðnu en verðmæti
loðnunnar er mest um þessar mundir.
„Hver dagur er hundraða milljóna
króna virði og gjaldþrota þjóð veitir
ekki af,“ segir Sigurgeir.
Fyrstu loðnunni var reyndar land-
að í Vestmannaeyjum í gær er Kap
kom með um 400 tonn úr leitarkvót-
anum og fór farmurinn að mestu í
frystingu. Hrognafylling var um 18%
og fer hrygnan á Japansmarkað, en
hængurinn til Rússlands. Þá landaði
Ásgrímur Halldórsson rúmlega 700
tonnum á Höfn í Hornafirði. Ekki er
talið að margir dagar séu í hrygn-
ingu.
Sigurgeir segir að loðnan skipti gíf-
urlega miklu máli fyrir atvinnulífið í
Vestmannaeyjum. Sem dæmi nefnir
hann að loðnuvertíðin standi undir yf-
ir 25% af árstekjum félagsins í „eðli-
legu árferði“.
Loðnan var einnig dyntótt í fyrra-
vetur og þá þurfti að gera hlé á veið-
um þar sem Hafró hafði ekki tekist að
mæla upp í útgefinn byrjunarkvóta.
Síðan kom sterk ganga flestum að
óvörum upp úr Reynisdýpi og að lok-
inni mælingu þar var gefinn út 207
þúsund tonna kvóti samtals, en rúm
150 þús. tonn komu í hlut Íslendinga.
Hagsmunir til framtíðar
Sigurgeir Brynjar leggur áherslu á
að mögulegar loðnugöngur verði
rækilega vaktaðar á næstu dögum.
„Ég er ekki til í að drepa niður
loðnustofninn, til þess eru of miklir
hagsmunir í húfi til framtíðar. Mun-
urinn á loðnu og þorski er sá að ef þú
veiðir ekki þorskinn í ár eru miklar
líkur á að þú veiðir hann á næsta ári.
Ef þú veiðir ekki loðnuna í ár eru hins
vegar litlar eða engar líkur á að þú
veiðir hana á næsta ári.
Í loðnuleitinni síðustu daga er búið
að leita úti fyrir Suðurlandi, grunnt
og djúpt, langt austur á bóginn að
færeysku lögsögunni, austurdjúpin
og norðausturkantinn. Sú loðna sem
fundist hefur er að mestu grunnt
undan Suðurlandi á hraðri vesturleið.
Þessi ganga virðist um tíu dögum
fyrr á ferðinni en var í fyrra.
Morgunblaðið/Sigurgeir
Dýrustu dagarnir sigla hjá
 Loðnu úr leitarkvótanum landað í Eyjum og á Höfn  Hrognafylling um 18% og
styttist í hrygningu  Rækilega þarf að vakta mögulegar loðnugöngur næstu daga
Verðmæti Margir bíða eftir að loðnuvertíð byrji af krafti. Það tekur um hálfan annan sólarhring að frysta þau 400 tonn sem Kap VE kom með til Eyja.
EKKI hefur verið tekin ákvörðun
um framtíð Bauhaus-bygginga-
vöruverslunarinnar á Íslandi.
„Við bíðum eftir framvindu mála.
Ástand efnahagsmála þarf að kom-
ast í jafnvægi áður en við tökum
endanlega ákvörðun,“ segir Mads
Jørgensen, forstjóri Bauhaus í Dan-
mörku, í skriflegu svari til Morgun-
blaðsins.
Hann segir markmiðið auðvitað að
opna byggingavöruverslunina en
fyrst þurfi jafnvægi í efnahags-
málum að komast á.
„Það hefur alls ekki verið til um-
ræðu að taka bygginguna niður og
flytja hana til Danmerkur eða eitt-
hvað annað,“ tekur Jørgensen fram.
Til stóð að opna verslun Bauhaus
á Íslandi í lok desember en fyrr í
mánuðinum var tilkynnt að fresta
yrði opnuninni.
Hornsteinn var lagður að bygg-
ingunni, sem er 22 þúsund fermetrar
að flatarmáli, síðari hluta júnímán-
aðar í fyrra. Byggingin er stálgrind-
ahús, klætt samlokueiningum.
Til að byrja með stóð til að ráða
150 manns í vinnu hjá Bauhaus.
ingibjorg@mbl.is
Örlög
Bauhaus
enn óráðin
Beðið eftir jafnvægi
í efnahagsmálum
HULDA Gunn-
laugsdóttir, for-
stjóri Landspítala
(LSH), hefur ráð-
ið Björn Zoëga til
áframhaldandi
starfa sem lækn-
ingaforstjóra.
Þyngst vó í ráðn-
ingu Björns
reynsla hans í
ákvarðanatöku á efsta stigi stjórn-
unar á LSH á umbreytingartímum.
Ráðið var til starfsins á grundvelli
auglýsingar, viðtals og niðurstöðu
nefndar landlæknis sem mat alla um-
sækjendur hæfa til starfsins, eins og
segir í tilkynningu frá LSH. Aðrir
umsækjendur voru Friðbjörn Sig-
urðsson, Kristján Sigurðsson og Vil-
helmína Haraldsdóttir.
Björn var ráðinn yfirlæknir á LSH
í lok árs 2002 og sviðstjóri skurð-
lækningasviðs árið 2005. Frá sept-
ember 2007 hefur hann leyst af sem
framkvæmdastjóri lækninga.
Björn stýrir
LSH áfram
Björn Zoëga
EFNAHAGSÁÆTLUN stjórnvalda
sem unnin er í samstarfi við Alþjóða-
gjaldeyrissjóðinn (International Mo-
netary Fund, IMF) gengur almennt
vel, heildarmarkmið áætlunar ís-
lenskra stjórnvalda og sjóðsins eru
enn raunhæf, en nauðsynlegt er að
vinna af einurð til þess að árangur
náist. Þetta kemur fram í skýrslu
starfsmanna IMF , sem birt var í
gær að beiðni íslenskra stjórnvalda.
Skýrslan byggist á vinnu sendi-
nefndar sjóðsins sem hér var í des-
ember.
Í skýrslunni kemur fram að brýn-
asta verkefnið til skamms tíma hafi
verið að koma ró á gengi krónunnar
og að mati IMF hafi það að mestu
gengið eftir. Fjárlög ársins 2009 hafi
einnig verið í samræmi við áætlunina
og mótun stefnu í ríkisfjármálum til
meðallangs tíma sé hafin. Endur-
skipulagningu bankakerfisins miði
sömuleiðis í rétta átt en þar séu þó
meiriháttar verkefni framundan að
mati starfsmanna sjóðsins. Í frétta-
tilkynningu frá forsætisráðuneytinu
kemur fram að það mat sé í sam-
ræmi við skoðun íslenskra stjórn-
valda á málinu.
„Þrátt fyrir að aðgerðir í peninga-
málum hafi þegar skilað árangri
telja starfsmenn IMF að enn sé of
snemmt að breyta um stefnu. Með
auknum stöðugleika á gjaldeyris-
markaði og í verðlagi geti skapast
tækifæri til þess að losa smám sam-
an um hömlur á fjármagnsflæði og
lækka vexti í litlum skrefum,“ segir
m.a. í tilkynningunni. Fyrsta form-
lega endurskoðun efnahagsáætlun-
arinnar fer fram í febrúar. Þá munu
starfsmenn IMF ásamt íslenskum
stjórnvöldum meta stöðu hennar og
hugsanlega framvind. silja@mbl.is
Efnahagsáætlunin
gengur almennt vel
Starfsmenn IMF segja að aðgerðir í peningamálum séu að
skila árangri en telja þó of snemmt að breyta um stefnu
Morgunblaðið/Ómar
Fyrri stjórn Geir og Ingibjörg.
„Þessum áfanga loðnuleitar er um það bil að ljúka, án
teljandi árangurs,“ sagði Þorsteinn Sigurðsson, sviðs-
stjóri nytjastofnasviðs Hafrannsóknastofnunar síðdegis
í gær. Fiskifræðingar hafa miðað við að gefa ekki út upp-
hafskvóta fyrr en tryggt væri að 400 þúsund tonn af
loðnu kæmu til hrygningar. Því marki er enn ekki náð að
sögn Þorsteins.
„Að fenginni reynslu undanfarinna ára gefum við ekki
strax upp alla von, en með hverjum deginum minnka
vonir um að stórar göngur komi. Þessi árgangur hefur
hins vegar verið ákaflega lélegur í öllum mælingum og
það eykur okkur ekki bjartsýni,“ sagði Þorsteinn. „Það getur hins vegar
ýmislegt gerst enn.“
Hafrannsóknastofnun er að skipuleggja næstu skref í loðnuleitinni með
útgerðum sem eiga leitarkvóta. Fyrirhugað er að m.a. að skip fari í dag til
leitar út af Vestfjörðum. Á móti afla sem skipin veiða samfara loðnuleit
skuldbinda útgerðir sig til að skila ákveðnum dögum í loðnuleit. Til þessa
hafa Lundey, Aðalsteinn Jónsson, Súlan, Kap VE og Hákon tekið þátt í leit-
inni auk hafrannsóknaskipsins Árna Friðrikssonar.
Næstu skref skipulögð
Þorsteinn
Sigurðsson