Morgunblaðið - 05.03.2009, Blaðsíða 31

smáa og venjulega og njóta þess.
Afi hafði gaman af svo mörgu.
Hann dáði spænska gítartónlist,
Þingvelli, íslensku, útiveru, fallegt
handverk.
Afa þótti vænt um okkur.
Afabörnin á Hring,
Arnljótur, Gylfi og Valgerður.
Bróðir minn, Róbert Freeland
Gestsson, er fallinn frá eftir hetjulega
baráttu við erfið veikindi. Það voru
fjögur ár á milli okkar bræðra, hæfi-
legur tími til að sleppa við hefðbundn-
ar bræðraerjur og við vorum sannir
bræður og sannir vinir alla tíð. Aldrei
féll skuggi á vináttu okkar. Sem yngri
bróðirinn fékk ég smá slaka í ýmsum
prakkarastrikum, en slíkt náði sjaldn-
ast langt. En það er tímabært að biðja
Berta afsökunar á örlitlu skammar-
striki mínu sem að ósekju lenti á hon-
um.
Þannig var, að 1942 þá fékk ég „lán-
aða“ áfengisskömmtunarbók móður
okkar og við félagarnir dubbuðum vin
okkar Ólaf Hannesson, sem þá var 16
ára, upp í jakkaföt og fínan hatt og
sendum hann í ríkið með skömmtunar-
bókina. Hann fékk fjórar léttvínsflösk-
ur út á bókina, sem var stimpluð í bak
og fyrir. Skömmu síðar hugðist faðir
okkar ná sér í brjóstbirtu, en þá var
búið að taka út allan skammtinn. Að
sjálfsögðu hélt pabbi að Róbert bæri
ábyrgð á þessu, og svo vel vildi til að
Berti var í siglingum á þeim tíma og
ekki náðist í hann til að ræða „glæp-
inn“. Ég bið hann bróður minn afsök-
unar á þessu, þó seint sé.
Á kreppuárunum var ekki hlaupið
að því að brjótast til mennta en fáa
menn hef ég þekkt um ævina sem
hefðu verið betur til langskólanáms
fallnir en Róbert. Það gat ekki orðið,
ungir menn þurftu að vinna fyrir sér
og leggja til heimilisins. Það gerði
bróðir minn svo sannarlega. Faðir
okkar var ævintýramaður, hafði búið í
Aberdeen á árunum 1900-1915 og
millinafnið, Freeland, er frá þeim
tíma í höfuðið á miklum vini föður
okkar. Ævintýragenin hans pabba
voru í ríkum mæli í Berta. Á stríðs-
árunum réð hann sig á hollenskan
fraktara sem sigldi til Englands. Mér
eru áhyggjur móður okkar frá þeim
tíma ákaflega minnisstæðar. Síðan
fór Róbert í Iðnskólann og lagði fyrir
sig málaraiðn. Ævistarf hans var á því
sviði og hann var mikils metinn og
starfaði að ýmsum félagsmálum á því
sviði.
Berti var lánsamur maður, eignað-
ist góðan lífsförunaut, hana Ingveldi
Einarsdóttur. Þau hjónin eignuðust
þrjár myndardætur og voru einstak-
lega samstiga alla tíð. Fjölskyldan bjó
á Hringbraut, í kallfæri við æsku-
heimili okkar á Ásvallagötunni. Ró-
bert reyndist svo eiginkonu sinni stoð
og stytta í erfiðum veikindum, en hún
féll frá árið 2002.
Það er ekki hægt að minnast Berta
án þess að ræða útivist og stangaveiði.
Bróðir minn var afburða veiðimaður,
hægur og rólegur, gaf sér alltaf tíma til
að doka við, líta á dýrðina í kringum sig
skoða náttúruna og njóta. Framanaf
veiddi hann lax og fór víða, en svo fór
hjá honum, eins og hjá mörgum, að
hugur hans hneigðist æ meira til sil-
ungsveiði og þar var hann einfaldlega
snillingur. Fáir þekktu urriðasvæðin í
Laxá betur en hann og í Hlíðarvatni í
Selvogi þekkti hann hvern einasta blett.
Róbert var félagi í Ármönnum og
Stangaveiðifélagi Reykjavíkur og
mætti þar síðast á aðalfund, á níræð-
isaldri, til að leggja bróðursyni sínum lið
í formannskjöri.
En nú er hann Berti fallinn frá. Þó
baráttumenn gefi aldrei upp vonina,
þá vissi hann vel að hverju stefndi og
tók því af stöku æðruleysi. Hann ját-
aði þó að sig langaði til að lifa eina
vorkomu enn, sjá lífið og náttúruna
kvikna eftir kaldan vetur. Það átti
ekki að verða.
Við hjónin vottum dætrum hans og
aðstandendum öllum samúð okkar.
Vertu sæll, Berti minn.
Júlíus Gestsson.
Dáinn er elsku frændi minn, Ró-
bert Gestsson málarameistari.
Mynd af ástkærum fjölskylduföður
kemur upp í huga mér þegar ég
hugsa til baka, lífsglaður og öllum
góður. Móðir mín, systir Róberts
reyndi meðan hún lifði að halda fjöl-
skyldunni saman m.a. með heimboð-
um og fl. Ég man sérstaklega eftir
gamlárskvöldunum að Kvisthaga 29
þar sem öll fjölskyldan sameinaðist,
þá var mikill glaumur og gleði.
Róbert var mikill veiðimaður og
hnýtti sínar flugur sjálfur enda veiddi
hann manna mest þegar sá gállinn
var á honum.
Ég man þegar pabbi og Róbert
voru að tala um veiði, þeir voru sam-
mála um að það ætti bara að veiða á
flugur og ég maðkadorgarinn fékk að
heyra ýmislegt um það.
Ég hef reyndar fengið marga fiska
á flugu þar á meðal marga á flugur
sem frændi hnýtti enda voru flugur
frá honum á heimsmælikvarða, en
nóg um það. Róbert átti þrjár dætur
og yndislega konu sem fór alltof fljótt.
Móðir mín og kona Róberts voru
með sama sjúkdóm og lágu báðar á
elliheimilinu Grund. Ég man þegar
við pabbi fórum að heimsækja
mömmu þá hittum við oft Róbert,
sem stóð eins og klettur hjá Ingu
sinni (það kallast ást). Það er margt
sem mig langar að segja, en læt þetta
nægja.
Ég votta dætrum Róberts og að-
standendum innilega samúð mína.
Virðingarfyllst
Ólafur Logi Jónasson.
Minningar 31
MORGUNBLAÐIÐ FIMMTUDAGUR 5. MARS 2009
✝ Guðrún Guð-mundsdóttir
fæddist á Eyrarbakka
8. júlí 1920. Hún lést á
Hrafnistu á Víf-
ilstöðum 24. febrúar
síðastliðinn. Hún var
dóttir Guðmundar
Guðmundssonar, f.
28. ágúst 1888, d. 26.
júní 1981, kenndur
við Hæl í Hreppum og
konu hans Ingibjarg-
ar Gunnarsdóttur, f.
23. nóvember 1891, d.
27. september 1964. Bræður Guð-
rúnar eru, Guðmundur, f. 14. sept-
ember 1916, látinn, Páll, f. 13. febr-
úar 1918, látinn, Gunnar, f. 11. júní
1919 og Ingibergur, f. 19. október
1922, látinn.
Guðrún fluttist 5 ára gömul til
syni, börn þeirra eru a) Þorvaldur
Halldór, kvæntur Rannveigu Önnu
Jónsdóttur, þau eiga tvær dætur.
b) Óðinn, kvæntur Önnu Þórhalls-
dóttur, þau eiga þrjú börn. c)
Bjarni, sambýliskona Ása Birna Ís-
fjörð, þau eiga tvö börn. 4) Guð-
mundur, f. 22. júní 1953, kvæntur
G. Sigurrós Ólafsdóttur, börn
þeirra eru, a) Jóna Dagbjört, gift
Herði Sævari Harðarsyni, b) Sævar
Bjarki. 5) Ingibergur, f. 15. janúar
1957, kvæntur Elsu Þorfinnu Dýr-
fjörð, börn þeirra eru, a) Hrafn-
hildur, sambýlismaður Ívar Örn
Pálsson, þau eiga þrjú börn. b)
Bergdís, sambýlismaður Hermann
Ingi Guðbrandsson, þau eiga tvær
dætur, c) drengur, andvana fædd-
ur, d) Birgir.
Áður en Guðrún giftist vann hún
ýmis þjónustustörf en eftir að
börnin fæddust vann hún lítið utan
heimilisins. Hún hafði yndi af alls
kyns handavinnu og lestri góðra
bóka og undi sér við það á meðan
heilsan leyfði.
Útför Guðrúnar verður gerð frá
Hafnarfjarðarkirkju í dag kl. 13.
Hafnarfjarðar og bjó í
foreldrahúsum þar til
hún hóf búskap með
Bjarna Einarssyni frá
Túni á Eyrarbakka, f.
15. júní 1920, d. 2.
október 1996. Þau
slitu samvistir. Börn
þeirra eru, 1) Halldór,
f. 14. október 1942,
börn hans eru, a) Guð-
rún, gift Gunnari Ár-
mannssyni, þau eiga
þrjú börn. b) Þór-
arinn, sambýliskona
Helga Harðardóttir, þau eiga tvær
dætur. 2) Ingibjörg, f. 20. apríl
1946, börn hennar eru, a) Bjarni,
kvæntur Dagmar Bragadóttur, þau
eiga þrjú börn. b) Guðrún Halldóra,
hún á einn son. 3) Halldóra, f. 24.
júlí 1949, gift Gunnari Þorvalds-
Elsku Guðrún amma.
Ég kveð þig með miklum söknuði,
ég veit að þér líður vel núna þar sem
þú ert, en söknuðurinn er mikill.
Minningarnar sitja eftir og mun ég
geyma þær og passa að börnin mín
fái að heyra þær. Ég á margar minn-
ingar um þig. Og man ég alltaf þegar
við vorum litlar systurnar, þegar var
farið í sunnudagsbíltúr, þá var yf-
irleitt endað á Kleppsveginum í
kaffi. Þar hitti maður yfirleitt mörg
frændsystkinin og þá var leikið sam-
an. En þegar við urðum eldri fór
þessum heimsóknum fækkandi. Allt-
af þegar ég kom til þín í kaffi sátum
við og spjölluðum um daginn og veg-
inn. Við gátum alveg spjallað lengi
vel. Krakkarnir léku sér inni í stofu
með dótið á meðan. Svo liðu árin og
minningarnar urðu fleiri og fleiri,
þær geymi ég vel í hjarta mínu. Því
miður kemst ég ekki að kveðja þig í
dag, en ég mun gera það á minn hátt
hérna í Danmörku. Ég fékk nú að
kveðja þig þegar ég kom í heimsókn
til Íslands í lok janúar, og var það al-
veg æðislegt, það lá svo vel á þér á
sjúkrahúsinu, þú reyttir af þér
brandarana og við gátum hlegið
saman í síðasta skipti, það var ynd-
isleg stund.
Þeir segja mig látinn, ég lifi samt
og í ljósinu fæ ég að dafna.
Því ljósi var úthlutað öllum jafnt
og engum bar þar að hafna.
Frá hjarta mínu berst falleg rós,
því lífið ég þurfti að kveðja.
Í sorg og í gleði ég senda mun ljós,
sem ykkur er ætlað að gleðja.
(Höf. ók.)
Ástar- og saknaðarkveðjur
Hrafnhildur Ingibergsdóttir.
Elsku Guðrún amma.
Við kveðjum þig, kæra amma,
með kinnar votar af tárum.
Á ást þinni enginn vafi,
til okkar, við gæfu þá bárum.
Horfin er hönd þín sem leiddi
á hamingju- og gleðifundum,
ástúð er sorgunum eyddi,
athvarf á reynslustundum.
Margt er í minninga heimi
mun þar ljósið þitt skína.
Englar hjá guði þig geymi,
við geymum svo minningu þína.
(Höf. ók.)
Saknaðarkveðjur
Gunnhildur Eva Hrafnhild-
ardóttir, Elmar Orri Ívarsson
og Ingibergur Páll Ívarsson.
Guðrún
Guðmundsdóttir
Elsku besta amma.
Þú gafst mér alltaf koss og þú
varst alltaf svo góð. Ég elska
þig, amma. Þú áttir mjög mikið
dót sem ég Elmar og Ingiberg-
ur máttum alltaf leika með þeg-
ar við komum til þín í heim-
sókn.
Æ, amma, hvar ertu? Æ, ansaðu mér.
Því ég er að gráta og kalla eftir þér.
Fórstu út úr bænum eða fórstu út á haf?
Eða fórstu til Jesú í sælunnar stað?
(Höf. ók.)
Ástar- og saknaðarkveðjur
Gunnhildur Eva
Hrafnhildardóttir.
HINSTA KVEÐJA
 Fleiri minningargreinar um Ró-
bert F. Gestsson bíða birtingar og
munu birtast í blaðinu næstu daga.
✝
Innilegar þakkir fyrir auðsýnda samúð og hlýhug
við andlát og útför ástkærrar eiginkonu, móður,
tengdamóður, ömmu og langömmu,
ELÍSABETAR JÓNSDÓTTUR,
Hrafnistu,
Hafnarfirði,
áður Hlíðarvegi 14,
Ísafirði.
Halldór M. Ólafsson,
Guðrún Halldórsdóttir, Hálfdán Hauksson,
Ólafur Halldórsson, Valgerður Jónsdóttir,
Björg Sörensen,
barnabörn og barnabarnabörn.
✝
Við sendum innilegar þakkir til allra þeirra sem
sýndu okkur samúð og hlýhug vegna andláts
elskulegrar eiginkonu minnar, móður okkar,
tengdamóður, ömmu og langömmu,
GUÐLAUGAR SÆMUNDSDÓTTUR
frá Stóru-Mörk,
Vestur-Eyjafjöllum,
síðast til heimilis
Skúlagötu 20,
Reykjavík.
Starfsfólki Vífilsstaða sendum við sérstakar þakkir fyrir alúðlega og
persónulega umönnun.
Þórarinn Jens Óskarsson,
Gunnar Þórarinsson, Steinunn Sighvatsdóttir,
Ágúst Þórarinsson, Sigríður Hanna Jóhannesdóttir,
Sæmundur Þórarinsson, Kristjana Daníelsdóttir,
Katrín Þórarinsdóttir, Haukur Ingason,
Sigrún Þórarinsdóttir, Stefán Bjarnason,
barnabörn og barnabarnabörn.
✝
Ástkær móðir okkar, stjúpmóðir, tengdamóðir,
amma, langamma og systir,
SJÖFN HALLDÓRSDÓTTIR
frá Þverholtum,
Ánahlíð 2,
Borgarnesi,
lést á Landspítalanum við Hringbraut þriðjudaginn
24. febrúar.
Hún verður jarðsungin frá Borgarneskirkju
laugardaginn 7. mars kl. 14.00.
Halldór Sigurðsson, Guðrún Samúelsdóttir,
Arilíus Sigurðsson, Ingibjörg Þorsteinsdóttir,
Inga Lilja Sigurðardóttir,
Hrafnhildur Sigurðardóttir, Andrés Jóhannsson,
Ámundi Sigurðsson, Ragnheiður Guðmundsdóttir,
Hilmar Sigurðsson, Þóra Þorgeirsdóttir,
Ásdís Sigurðardóttir, Bjarki Jónasson,
Jóhanna Sigurðardóttir, Ríkharður Örn Jónsson,
Ingibjörg Sigurðardóttir, Valgeir Þór Magnússon,
Ásta Margrét Sigurðardóttir, Tómas Þórðarson,
barnabörn, barnabarnabörn og systkini hinnar látnu.
✝
Innilegar þakkir fyrir auðsýnda samúð og hlýhug
við andlát og útför
HELGA ÍVARSSONAR
bónda
frá Hólum,
Stokkseyrarhreppi.
Guðmundur Ívarsson,
Jón Ívarsson
og aðrir aðstandendur.
✝
Við þökkum öllum þeim sem sýndu okkur samúð
og hlýhug við andlát og útför bróður okkar og
frænda,
RAGNARS JÓNS MAGNÚSSONAR
flugvélstjóra.
Sérstakar þakkir til Flugvirkjafélags Íslands fyrir
umhyggju og sýnda virðingu.
Guðbjörg Magnúsdóttir Thorarensen,
Anna María Danielsen
og aðrir aðstandendur.