Morgunblaðið - 18.04.2009, Qupperneq 39

Umræðan 39
MORGUNBLAÐIÐ LAUGARDAGUR 18. APRÍL 2009
LEIÐARAHÖF-
UNDUR Morg-
unblaðsins dró á
fimmtudaginn heldur
sérkennilegar og yf-
irborðslegar ályktanir
um rekstur Rík-
isútvarpsins – af
þeirri ákvörðun
stjórnvalda að breyta
hluta af skuldum
RÚV við ríkissjóð í
hlutafé. Hann telur
þetta sýna, að áætlanir um breytt-
an og bættan rekstur í tengslum
við rekstrarformsbreytingu RÚV
fyrir tveimur árum, hafi ekki
gengið eftir.
Þessi ályktun er röng. Þvert á
móti hafa allar áætlanir um þá
þætti í rekstri RÚV, sem stjórn-
endur og starfsmenn hafa tök á,
gengið eftir, – og jafnvel heldur
betur en vonir stóðu til. Stjórnun
RÚV hefur verið gerð einfaldari
og skilvirkari og stjórnendum
fækkað til muna. Reksturinn hefur
verið endurskipulagður frá grunni
og framleiðni aukin í öllum þáttum
starfseminnar. Með þessu hefur
svo það ætlunarverk
tekist að stækka þann
hluta af heildartekjum
RÚV sem fer í dag-
skrána sjálfa – þjón-
ustuna við almenning
– en ekki í rekstr-
arþætti sem hvorki
heyrast né sjást.
Rekstrarkostnaður
RÚV þessi tvö ár sem
liðin eru frá form-
breytingunni hefur
verið nákvæmlega
samkvæmt áætlun –
og afkoman hefði orðið jákvæð á
yfirstandandi rekstrarári ef ekki
kæmu til tveir „utanaðkomandi“
þættir, sem ekki hafa staðist, og
stjórnendur RÚV gátu engu ráðið
um: Í fyrsta lagi voru tekjur 370
milljónum króna lægri vegna þess
að ekki var staðið við þær for-
sendur í stofnefnahagsreikningi og
þjónustusamningi RÚV, að tekjur
af almannaþjónustunni skyldu
ekki minnka að raungildi miðað
við árið 2006. Í öðru lagi varð fjár-
magnskostnaður RÚV um 400
milljónum meiri en ráð var fyrir
gert vegna fjármálakreppunnar –
með tilheyrandi gengishruni og
verðbólgu. Við þessum for-
sendubresti í rekstrinum var
brugðist strax í lok síðasta árs og
rekstrarkostnaður skorinn niður
um 16%. Sú aðgerð náði tilætl-
uðum árangri og ég get glatt leið-
arahöfund Morgunblaðsins – sem
einn af eigendum RÚV – með því
að rekstur félagsins hefur verið
réttum megin við strikið síðustu
mánuðina – þrátt fyrir kreppuna.
Það breytir ekki því að „eig-
andi“, stjórn og stjórnendur RÚV
voru sammála um að það væri
óviðunandi staða að félagið væri
með með neikvæða eiginfjárstöðu.
Til að rétta hana af voru nokkrar
leiðir: enn frekari niðurskurður í
rekstri með tilheyrandi samdrætti
í þjónustu og uppsögnum starfs-
fólks, sala eigna og loks sú leið
sem ákveðið var að fara – sem sé
að breyta skuld RÚV við ríkissjóð
í hlutafé. Þetta þykir einfaldlega
besta leiðin að settu marki við nú-
verandi aðstæður.
Föðurlegar umvandanir Morg-
unblaðsins um rekstur fjölmiðla
meðtek ég af auðmýkt – og örugg-
lega getum við hjá RÚV enn lært
margt í þeim efnum. Ég vona þó
að mér verði virt til vorkunnar að
þann lærdóm treysti ég mér ekki
til að sækja í smiðju þeirra sem
hafa stjórnað Morgunblaðinu og
Árvakri síðustu árin.
Rekstur RÚV
Páll Magnússon » Föðurlegar umvand-
anir Morgunblaðs-
ins um rekstur fjölmiðla
meðtek ég af auð-
mýkt...
Páll Magnússon
Höfundur er útvarpsstjóri.
MORGUNBLAÐIÐ birtir
alla útgáfudaga aðsendar um-
ræðugreinar frá lesendum.
Blaðið áskilur sér rétt til að
hafna greinum, stytta texta í
samráði við höfunda og
ákveða hvort grein birtist í
umræðunni, í bréfum til
blaðsins eða á vefnum mbl.is.
Blaðið birtir ekki greinar,
sem eru skrifaðar fyrst og
fremst til að kynna starfsemi
einstakra stofnana, fyrirtækja
eða samtaka eða til að kynna
viðburði, svo sem fundi og
ráðstefnur.
Innsendikerfið
Þeir sem þurfa að senda
Morgunblaðinu greinar eru
vinsamlega beðnir að nota
innsendikerfi blaðsins. Formið
er undir liðnum „Senda inn
efni“ ofarlega á forsíðu mbl.is.
Einnig er hægt að slá inn
slóðina www.mbl.is/sendagrein
Ekki er lengur tekið við
greinum sem sendar eru í
tölvupósti.
Í fyrsta skipti sem formið
er notað þarf notandinn að
nýskrá sig inn í kerfið, en
næst þegar kerfið er notað er
nóg að slá inn netfang og lyk-
ilorð og er þá notandasvæðið
virkt.
Ekki er hægt að senda inn
lengri grein en sem nemur
þeirri hámarkslengd sem gef-
in er upp fyrir hvern efnisþátt
en boðið er upp á birtingu
lengri greina á vefnum.
Nánari upplýsingar gefur
starfsfólk greinadeildar.
Móttaka
aðsendra
greina
EIN RÖDD
SKIPTIR MÁLI
MÁLÞING UM SAMFÉLAGSLEGT HLUTVERK LEIKHÚSSINS
SUNNUDAGINN 19. APRÍL FRÁ KL. 15.00 TIL 17.00 Í BORGARLEIKHÚSINU.
DAGSKRÁ:
SAMTAL LEIKHÚSSINS OG ÁHORFENDA
Magnús Geir Þórðarson leikhússtjóri opnar dagskrána.
EIN RÖDD SKIPTIR MÁLI
Craig og Cindy Corrie, foreldrar Rachel Corrie, segja frá dóttur sinni og nýlegri ferð
þeirra sjálfra inn á Gaza svæðið.
LEITIN AÐ RAUNVERULEIKANUM
Kristín Eysteinsdóttir leikstjóri og leikhúsfræðingur fjallar um gildi heimildaleikhúss.
AÐ BRJÓTAST INN Í STÆRSTA FANGELSI Í HEIMI
Sveinn Rúnar Hauksson, læknir, segir frá áskorunum í hjálparstarfi.
SJÖ GYÐINGABÖRN LEIKRIT FYRIR GAZA
Málþinginu lýkur með sýningu á tíu mínútna leikverki eftir Caryl Churchill í leikstjórn
Graeme Maley.
Fundarstjóri er María Ellingsen leikari og leikstjóri.
Aðgangur er ókeypis meðan húsrúm leyfir.
Málþingið er haldið í tengslum við leiksýningarnar „Ég heiti Rachel Corrie” og „Sjö gyðingabörn leikrit fyrir Gaza”. Síðustu sýningar á „Ég heiti Rachel Corrie” eru kl. 22.00 laugardaginn 18. apríl
og kl. 20.00 sunnudaginn 19. apríl. Foreldrar Rachel Corrie verða viðstaddir báðar sýningarnar og svara spurningum áhorfenda að sýningum loknum.