Morgunblaðið - 18.04.2009, Blaðsíða 60

60 MenningFÓLK
MORGUNBLAÐIÐ LAUGARDAGUR 18. APRÍL 2009
 Ásdís Rán Gunnarsdóttir, slær
ekki slöku við frekar en fyrri dag-
inn og hefur nú tekið upp á því að
opna á svokallað Live-Chat-samtal
á vefsvæði sínu með hjálp vef-
myndavélar sem gerir aðdáendum
hennar kleift að rekja úr henni
garnirnar í beinni um allt það er
viðkemur fegurðardísinni sem hef-
ur lagt Búlgaríu að fótum sér síðan
hún flutti þangað með barnsföður
sínum Garðari Gunnlaugssyni.
Ásdís orðar það að vísu þannig að
aðdáendur hennar geti spurt hana
„spjörunum úr“ og vel má vera að
einhverjir ókunnir stúlkunni gætu
misskilið spaugið, sérstaklega í
ljósi þess að vefsvæði hennar er
undirlagt af ljósmyndum af Ásdísi
Rán í efnislitlum klæðnaði við texta
sem er stundum skemmtilega tví-
ræður.
Í beinni með Ásdísi Rán
Fólk
Í KVÖLD fer fram alþjóðlega hljómsveita-
keppnin Wacken Metal Battle. Sjö hljómsveitir
keppa um sæti á Wacken-hátíðinni í Þýska-
landi, stærstu þungarokkshátíð heims, sem
haldin er í sumar. Keppnin fer fram á Dillon
Sportbar, Hafnarfirði en hljómsveitirnar sem
munu keppa eru alls sjö, Beneath, Celestine,
Diabolus, Gone Postal, Perla, Severed Crotch
og Wistaria
Sveitirnar eru velflestar sjóaðar mjög í hinni
íslensku öfgarokkssenu og því kjörið tækifæri
fyrir áhugasama að berja fremstu sveitir lands-
ins af þeim toganum augum.
Sérstök dómnefnd sker úr um hvaða sveit fer
út. Hún er skipuð sex valinkunnum íslenskum
þungarokksfræðingum; Frosta á X-inu, Kidda
Rokk, Atla Jarli Martin, Andreu Jónsdóttur,
Valla Dordingli og Arnari Eggert Thoroddsen.
Glöggt er gests augað
Þá er þar líka eitt stykki Hollendingur, Rom-
an Hödl, en hann er blaðamaður frá einu
stærsta þungarokksriti Evrópu, hinu hollenska
Aardschok Magazine. Kauði rekur aukinheldur
bókunar- og umboðsskrifstofu og sér um að
bóka tónleika í Beneluxlöndunum fyrir hljóm-
sveitir af þyngra taginu. Þá sér hann og um
skipulagningu á stærstu þungarokkshátíð Hol-
lands, Arnhem Metal Meeting. Þetta landsvæði
er bárujárnsglatt með afbrigðum og ekki hand-
ónýtt að geta kynnt vel tengdum manni þaðan
tónlist sína með afgerandi hætti.
Bárujárnsbaráttan mikla fer fram í kvöld
Morgunblaðið/Brynjar Gauti
Severed Crotch Er á meðal keppenda í kvöld.
 Seinni hluti kosningar um 100
bestu plötur Íslandssögunnar hefst
þann 1. maí næstkomandi. Í fyrri
hlutanum voru landsmenn beðnir
að skera forvalinn 485 platna lista
niður í 100 plötur með því að velja
50 bestu plöturnar af listanum
langa. Þátttakan fór langt fram úr
væntingum og er skemmst frá því
að segja að 1.990 einstaklingar
sendu inn sín atkvæði en einungis
var heimilt að kjósa einu sinni úr
hverri tölvu (IP tölu). Einnig kaus
sérvalin 100 manna dómnefnd tón-
listarspekúlanta.
Á Tónlist.is er nú að finna 70
plötur sem komnar eru á lokalist-
ann en enn er eftir að raða þeim
eftir atkvæðafjölda þó að glöggir
menn gætu ábyggilega ráðið í úr-
slitin. Hins vegar hafa menn komist
að því nú, sér til mikillar hrellingar,
að eitthvað af þeim plötum sem val-
ist hafa á lokalistann eru ófáan-
legar með öllu á Íslandi. Má þar t.d.
nefna plötur Todmobile, Quarashi,
Jet Black Joe og Spilverksins.
Bestu plöturnar
jafnvel ófáanlegar
Eftir Ingveldi Geirsdóttur
ingveldur@mbl.is
VETUR verður kvaddur með
virktum í Bláa lóninu þegar Ís-
lenski dansflokkurinn sýnir þar
verkið Transaquania - Out of the
blue síðasta vetrardag.
Allir dansarar dansflokksins
taka þátt í uppsetningunni en
höfundar verksins eru dans-
ararnir Erna Ómarsdóttir og Da-
mien Jalet ásamt listakonunni
Gabríelu Friðriksdóttur. Frum-
samin tónlist við verkið er eftir
reykvísk-ástralska tónskáldið Ben
Frost og gítar- og bassaleikarann
Valdimar Jóhannsson.
„Þegar mér bauðst þetta verk-
efni fannst mér strax mjög
heillandi hugmynd að gera eitt-
hvað fyrir utan leikhúsveggina.
Svo er þetta svæði auðvitað mjög
sérstakt og það blés mér strax í
brjóst,“ segir Erna. Hún fékk síð-
an Jalet og Gabríelu til liðs við
sig en þau hafa öll unnið saman
áður og skapa þetta verk í sam-
einingu.
„Við köllum þetta viðburð í lón-
inu frekar en danssýningu því
verkið er í vinnslu og verður þró-
að frekar. Hugmyndin er að fara
á fleiri svona staði, sem sameina
náttúru og iðnað, og þróa verkið.
Lokaútkoman yrði svo sýnd á
sviði á næsta ári. Þessi sýning er
aðeins fyrsta skrefið í þessu
ferli.“
Leyndardómur lónsins
Sýningin í Bláa lóninu skiptist í
tvo hluta, fyrsti hlutinn fer fram
ofan í vatninu en sá síðari í Lava-
sal Bláa lónsins þar sem einnig
verður slegið upp gleði til að
kveðja vetur og fagna sumri.
Spurð út í verkið segir Erna að
þau hafi ímyndað sér hverskonar
líf gæti kviknað í lóninu í sköp-
unarferlinu. „Það verða allskonar
verur og furðudýr sem lifna við í
lóninu,“ segir hún leyndardóms-
full en hugmyndin að baki verk-
inu er að í hinum silkikennda
bláma lónsins kviknar líf. Á
töfrandi hátt birtast áhorfand-
anum afkvæmi hinnar dulúðlegu
alkemíu lónsins og í ljósaskipt-
unum tekur þróunarsaga þessa
nýja og óræða lífheims á sig ægi-
fagrar en um leið ógnvekjandi
myndir … spennandi.
Transaquania - Out of the blue
verður sýnt í Bláa lóninu að
kvöldi síðasta vetrardags, mið-
vikudaginn 22. apríl, og verður
aðeins þessi eina sýning.
Furðudýr fljóta í lóninu
 Íslenski dansflokkurinn sýnir Transaquania - Out of the blue í Bláa lóninu
síðasta vetrardag  Innblástur verksins sóttur í uppruna lónsins
Kísilverur Þróunarsaga þessa nýja og óræða lífheims tekur á sig ægifagrar
en um leið ógnvekjandi myndir í Bláa lóninu á miðvikudaginn kemur.
Vistkerfi Bláa lónsins er dæmi
um einstakt samspil náttúru
og tækni. Háhitasvæðin á Ís-
landi liggja í gliðnunarbelti
Ameríku og Evrópu-Asíu-
flekanna og tengjast virku
eldfjallabelti landsins. Á
Reykjanesi kemst kaldur vökvi
sem er blanda af sjó og
grunnvatni í snertingu við
heitt innskotsberg á miklu
dýpi, vökvinn snögghitnar og
stígur upp í átt að yfirborði
jarðar. Á u.þ.b. kílómetra dýpi
er hitastig vökvans um eða
yfir 200°C. Vistkerfið í Bláa
lóninu hreinsar sig sjálft og
algengar bakteríur þrífast
ekki í lóninu.
Einstök virk hráefni lónsins
eru steinefni, kísill og þör-
ungur. Einstakan bláan lit
jarðsjávarins má rekja til
þessara virku hráefna.
Bláa lónið
Eftir Árna Matthíasson
arnim@mbl.is
FORSVARSMENN sænsku torrent-
síðunnar Pirate Bay voru sakfelldir
í gær fyrir sænskum dómstóli
vegna starfsemi vefsetursins. Fjór-
menningar sem stofnuðu vefinn og
reka hann voru dæmdir til að
greiða um 460 milljónir ísl. króna í
bætur og til árs fangelsis hver.
Dómurinn sænski er áþekkur og
dómur héraðsdóms í máli STEFs
gegn Istorrent og Svavari Lúth-
erssyni, forstöðumanni torrentsíð-
unnar, enda viðfangsefnið það
sama, þ.e. rekstur torrent-síðu sem
nýtt var til að miðla höfundarrét-
arvörðu efni á ólögmætan hátt.
Sakborningarnir, Fredrik Neij,
Gottfrid Swartholm Warg, Peter
Sunde Kolmisoppi og Carl Lund-
ström, aðstandendur Pirate Bay,
héldu uppi áþekkum vörnum og
Istorrent og Svavar, en líkt og í
dómi héraðsdóms á Íslandi komst
dómari málsins að þeirri niðurstöðu
að starfsemin hefði beinlínis byggst
á ólögmætri dreifingu á höfund-
arréttarvörðu efni, aukinheldur
sem eigendur vefsetursins hefðu
hagnast á að reka vefsetrið.
Sakborningar hafa lýst því yfir að
málinu verði áfrýjað til hæsta-
réttar, en einnig að ekki skipti í
raun máli hverjar lyktir þess verði
þar, þeir ætli ekki að hætta starf-
seminni og eru reyndar búnir að
koma sér upp vefþjónum utan Sví-
þjóðar. Að sama skapi segjast þeir
ekki munu greiða sektina.
Dómurinn virðist hafa styrkt í sessi
stjórnmálaflokkinn „Sjóræn-
ingjaflokkurinn“, Piratpartiet, sem
berst fyrir því að koma mönnum á
Evrópuþingið til að berjast gegn
því sem flokkurinn telur gamaldags
sýn á höfundarétt.
Torrent-bændur dæmdir
til févítis og fangelsis
Forsvarsmenn Pirate Bay sakfelldir fyrir reksturinn
Reuters
Tímamótadómur? Fjölmiðlamenn sækja sér afrit af dómnum. Hann er líka
aðgengilegur sem torrent-skrá á vefsetri Pirate Bay.
Ljósmynd/Páll Guðjónsson