Morgunblaðið - 21.04.2009, Page 8

8 FréttirINNLENT
MORGUNBLAÐIÐ ÞRIÐJUDAGUR 21. APRÍL 2009
Eftir Guðna Einarsson
gudni@mbl.is
LÖGREGLAN lagði aðfaranótt
sunnudags hald á um 109 kíló af
fíkniefnum sem talið er að hafi ver-
ið smyglað með belgísku skútunni
Sirtaki. Um er að ræða amfetamín,
marijúana, hass og nokkur þúsund
e-töflur. Um helmingurinn er svo-
nefnd „hvít efni“. Nánari upplýs-
ingar fengust ekki um samsetningu
sendingarinnar, en hluti hennar var
sýndur á fréttamannafundi lög-
reglu höfuðborgarsvæðisins og
Landhelgisgæslunnar (LHG) í gær.
Stefán Eiríksson, lögreglustjóri
höfuðborgarsvæðisins, benti á að
töluvert hefði verið af marijúana í
sendingunni. Nokkuð langt er um
liðið frá því síðast komst upp um til-
raun til smygls á því. Stefán dró þá
ályktun að öflugar aðgerðir lög-
reglu gegn kannabisræktun und-
anfarið hefðu valdið skorti á efninu.
Þrír íslenskir karlmenn voru
handteknir aðfaranótt sunnudags,
einn við Höfn og tveir við Djúpa-
vog. Þeir eru allir á þrítugsaldri og
hafa komið við sögu lögreglu áður.
Grunur leikur á að mennirnir hafi
farið á hraðskreiðum slöngubáti frá
Djúpavogi á laugardag og átt
stefnumót við skútuna um kl. 20.00
á laugardagskvöld um 15-20 sjómíl-
ur suður af Papey. Sú staðsetning
er áætluð út frá útreikningum
Landhelgisgæslunnar. Þar hafi þeir
tekið við fíkniefnunum og flutt þau
til Gleðivíkur við Djúpavog. Efn-
unum var skipað upp í Toyota Hi-
lux-pallbíl og hélt einn þegar af stað
á honum suður á bóginn. Hann var
stoppaður við Höfn. Hinir tveir ætl-
uðu norðurleiðina á amerískum
Dodge en voru handteknir rétt utan
við Djúpavog. Að sögn lögregl-
unnar á Eskifirði var ljóst að hand-
takan kom mönnunum í opna
skjöldu. Á sunnudagskvöld voru
þeir úrskurðaðir í gæsluvarðhald til
11. maí.
Erfið leit á stóru svæði
Um kvöldið hófst svo leit að skút-
unni. Landhelgisgæslan lagði til
þyrlur, flugvél og varðskip. Georg
Kr. Lárusson, forstjóri Gæslunnar,
sagði að áætlanir um leiðarreikning
hefðu komið mönnum á sporið.
Flugvélin TF-SYN fann skútuna í
radar kl. 12.35 á sunnudag í ná-
munda við miðlínuna milli Íslands
og Færeyja. Skútunni var þá var
siglt með stefnu norður fyrir Fær-
eyjar. Talstöðvarsambandi náðist
við skútuna en áhöfnin sinnti ekki
fyrirmælum um að nema staðar.
Flugvél danska flughersins fylgdist
með skútunni um tíma meðan TF-
SYN sótti eldsneyti til Hafnar. TF-
SYN tók aftur við eftirfylgdinni þar
til varðskipið sá skútuna í radar.
Georg sagði að þá hefði eldsneyti
flugvélarinnar verið farið að
minnka mikið.
Varðskipið náði skútunni kl.
22.35 á sunnudagskvöld. Fjórir sér-
sveitarmenn fóru í gúmbát frá varð-
skipinu um borð í Siritaki og hand-
tóku áhöfnina, tvo Íslendinga og
hollenskan ríkisborgara. Þeir munu
allir hafa komið við sögu lögreglu
áður, m.a. vegna fíkniefnamála.
Stefán Eiríksson sagði þetta mál
sýna að leiðir inn í landið, hvort
heldur um Keflavíkurflugvöll,
gáma, eða Austfirði, séu varðar af
lögreglu, tollgæslu og Landhelg-
isgæslunni.
63.21N - 18.44V
63.37N - 12.21V
63.05N - 10.41V
63.13N - 11.06V
Höfn
Djúpivogur
FÆREYJAR
ÍSLAND
Reykjavík
Þórshöfn
63.10N - 14.25V
Þrír menn leigja slöngu-
bát sem er til sölu á
höfuðborgarsvæðinu og
ætla að skila honum á
sunnudagskvöld. Þeir
koma til Djúpavogs
með bátinn, harðbotna
slöngubát, Valiant
DR-620 með 175 ha
Mercury utanborðsvél.
1 16. apríl
Mennirnir fara til móts
við skútu um 15-20
sjómílur suður af Papey
og sækja þar 109 kg
af ýmsum fíkniefnum.
Skútan er skráð í Belgíu
og er í eigu Channel
Sailing skútuleigunnar.
Skútan snýr aftur til
hafs.
2 20.0018. apríl
Þremenningarnir koma í
land í Gleðivík við Djúpa-
vog á laugardagskvöld.
3 kvöld18. apríl kvöld
Fíkniefnin eru sett í
farangursgeymslu Toyota
Hilux pallbíls. Einn
þremenninganna fer
af stað suðurleiðina á
pallbílnum.
4 18. apríl
Íbúar á Höfn verða varir
við aukna flugumferð.
7 Morgun19. apríl
Varðskipið Týr er statt
suður af Kötlutanga og
heldur þegar af stað
austur fyrir land á fullri
ferð.
5 00.0019. apríl
Fokker-flugvél Land-
helgisgæslunnar TF-SYN
fer frá Reykjavík austur
fyrir land að leita að
skútunni.
8 10.1719. apríl
Áhöfn TF-SYN kemur
auga á skútuna þar
sem hún er á siglingu í
suðaustur frá landinu.
Skútan er um 25 sjó-
mílur frá flugvélinni.
10 12.3019. apríl
Sérsveitarmenn eru
fluttir um borð í
varðskipið TÝ með
þyrlunni TF-LIF.
11 14.5019. apríl
Varðskipið Týr kemur að
skútunni þar sem hún
er 74 sjómílur VNV af
Myggenesi í Færeyjum.
Fjórir sérsveitarmenn
fara um borð og
handtaka þriggja manna
áhöfn, tvo Íslendinga og
einn Hollending.
13 22.3519. apríl
Skútunni siglt fyrir eigin
vélarafli til Íslands í
fylgd varðskipsins. Búist
er við að skútan og
varðskipið komi í höfn á
Austfjörðum í dag.
14 19.–20. apríl
TF-SYN lendir í Höfn til
að sækja eldsneyti.
Challenger-eftirlitsvél
danska flughersins leysir
hana af í eftirförinni.
TF-SYN fer aftur í loftið
16.28.
12 15.0719. apríl
ATH. Sumar tíma- og staðsetningar eru áætlaðar eftr bestu getu af þeim sem tóku þátt í aðgerðinni.
Leit TF-SYN að skútunni
hefst á víðfeðmu haf-
svæði. Stuðst var við
leiðarreikninga sem
komu flugvélinni á
sporið.
9 11.3519. apríl
Papey
Nálin fannst í
heystakknum
Seglskútan Sirtaki
Tegund og gerð: Bénéteau Océanis 43 •
Framleiðsluland: Frakkland • Lengd: 13,1 m
• Þyngd: 8.875 kg • 54 ha dísilvél • 200 lítra
olíutankur • 2 salerni • 4 káetur • 8-10 svefn-
pláss • 360 lítra ferskvatnstankur
Lögreglan stöðvar
pallbílinn en hann er þá
á þjóðvegi 1, rétt vestan
við afleggjarann að
Höfn í Hornafirði. Hinir
tveir eru teknir á Dodge
jeppa á þjóðvegi 1 nálægt
Djúpavogi þar sem þeir
eru á norðurleið.
6 Nótt19. apríl
[ Myndin er af
samskonar skútu ]
G
ra
fí
k:
M
or
g
u
n
b
la
ð i
ð/
E
lín
E
st
h
er
Sex karlar í haldi vegna smygls
 Tilraun sem gerð var til smygls á marijúana í 109 kg fíkniefnasendingu sem náðist um helgina þykir
benda til skorts á fíkniefnamarkaðnum vegna upprætingar margra kannabisgróðurhúsa undanfarið
Hraðbáturinn sem þremenning-
arnir notuðu til að sækja fíkniefnin
hefur verið til sölu hjá Íspörtum.
Hann er af gerðinni Valiant DR
620, árgerð 2007, og með 175 hp
Mercury Optimax utanborðsvél,
siglingatækjum, talstöð o.fl. Ásett
verð var 4,5 milljónir. Samkvæmt
upplýsingum frá Íspörtum var bát-
urinn leigður á fimmtudag í síð-
ustu viku til köfunar vestur á fjörð-
um. Skila átti bátnum á
sunnudagskvöld.
Skútan Sirtaki var leigð af belg-
ísku bátaleigunni Channel Sailing í
borginni Jabbeke. Hún er af gerð-
inni Océanis 43, 13,10 m löng og
með 54 hestafla hjálparvél. Skút-
an var smíðuð í fyrra, getur rúmað
8-10 manns og er mjög vel útbúin.
Báðir smyglbátarnir voru leigðir
holar@simnet.is
FÖRUM Á FJÖLL
Glæný bók um gönguferðir
á hæstu fjöll í öllum sýslum
landsins. Göngulýsingar
og fróðleikur um hvert fjall
(jarðfræði og sögur).
Fjöldi litmynda og korta.
Já, drífðu þig í fjallgöngu!
Morgunblaðið/Júlíus
Fíkniefnafarmur Fíkniefnin vógu alls 109 kg og var hluti þeirra sýndur fjöl-
miðlum í gær. Helmingurinn var „hvít efni“ og hitt voru kannabisefni.