Morgunblaðið - 25.04.2009, Síða 64

64 MenningFÓLK
MORGUNBLAÐIÐ LAUGARDAGUR 25. APRÍL 2009
 Sálin boðar til aukakosninga á
NASA í kvöld eftir að fólk hefur
kosið til Alþingis. Framboðslistinn
liggur víst fyrir samþykktur af mið-
stjórn FÍH og FTT en þar fara
fremstir Guðmundur Thorberg
Jónsson, ráðherra vítisvéla, og
Stefán Havsteen Hilmarsson,
söng- og poppstjörnumálaráðherra.
Ráðherra vítisvéla á
NASA í kvöld
Fólk
Eftir Jóhann Bjarna Kolbeinsson
jbk@mbl.is
„VIÐ vildum bara vera í aðalkeppninni, og við
vissum að það voru frekar litlar líkur á því að
myndin kæmist þangað inn, sérstaklega núna
þegar maður sér hvaða leikstjórar komust þang-
að inn,“ segir Þórir Snær Sigurjónsson hjá kvik-
myndafyrirtækinu Zik Zak, aðalframleiðanda
myndar Dags Kára Péturssonar, The Good
Heart. Einhverjar líkur voru á því að myndin
kæmist inn í aðalkeppnina á kvikmyndahátíðinni
í Cannes í maí, en á fimmtudaginn kom í ljós að
ekkert verður af því. „Allir aðilarnir sem koma
að myndinni ætla hins vegar að hittast í Cannes,
bæði við og Wild Bunch, sem er söluaðilinn að
myndinni, og þar ætlum við að ákveða hvar við
ætlum að frumsýna. Það getur verið að við ger-
um það á kvikmyndahátíðinni í Toronto, í San
Sebastian eða á einhverri annarri hausthátíð.
Við vorum nú bara að klára myndina þannig að
við erum ennþá að ákveða þetta allt saman.“
Aðspurður segir Þórir Snær að þeir félagar
hjá Zik Zak séu afar bjartsýnir á gott gengi
myndarinnar. „Við erum rosalega ánægðir með
þessa mynd og ég held að hún sé eins góð og
hægt er. Þannig að við höfum fulla trú á henni
og erum bjartsýnir.“
The Good Heart fjallar um ungan heim-
ilislausan mann sem kynnist 57 ára gömlum krá-
areiganda sem breytir lífi hans. Með aðal-
hlutverkin fara þeir Paul Dano og Brian Cox.
The Good Heart komst ekki inn í Cannes
Morgunblaðið/Valdís Thor
Góðhjartaðir Paul Dano og Brian Cox.
 Þrátt fyrir að Sigur Rós sé úti í
hinum stóra heimi þekktasta hljóm-
sveit Íslands er sveitin enn talin
með svkölluðum jaðarsveitum og
andlit sveitarmeðlima langt frá því
að vera þekkt á hverju heimili.
Þetta sést e.t.v. best á því þegar
bloggarar heimsins taka sig til og
lofsyngja sveitina að í stað þess að
pósta mynd af Jónsa í Sigur Rós
kemur fyrir að mynd af Jónsa í
Svörtum fötum slæðist með í stað-
inn. Hvort menn fá svo hland fyrir
hjartað þegar þeir slá inn „Jónsi“ á
YouTube og fá upp helstu mynd-
bönd Í svörtum fötum skal ósagt
látið en e.t.v. er þarna komin leið
fyrir sveitina til að ná út fyrir land-
steinana.
Jónsa oft ruglað
saman við Jónsa
 Það er ekki ein-
göngu kosið til Al-
þingis í dag því á
netinu stendur nú
yfir kosning á
Ungfrú og Herra
framboði 2009.
Eins og nafnið
bendir til er þar
um fegurð-
arsamkeppni að ræða, en þegar
þessi orð voru rituð var Álfrún Elsa
Hallsdóttir, frambjóðandi Fram-
sóknarflokksins, í efsta sætinu
Ungfrúar-megin, skammt á undan
Katrínu Jakobsdóttur mennta-
málaráðherra. Hinum megin var
Hörður Ágústsson frá Borg-
arahreyfingunni efstur. Hægt er að
kjósa á
herraisland.is/ungfru/frambod.
Spegill spegill, hver í
framboði fegurst er?
Eftir Jóhann Bjarna Kolbeinsson
jbk@mbl.is
„ÉG er nú eiginlega alveg hissa,
ég átti ekki von á þessu. En ég er
bara alveg í skýjunum yfir þessu,“
segir tónlistarmaðurinn Egill
Ólafsson um þær fréttir að hann
tengist tíu af 100 bestu hljóm-
plötum Íslandssögunnar. Und-
anfarið hafa Rás 2, Félag hljóm-
plötuframleiðanda og Tónlist.is
staðið fyrir valinu, og voru 100
efstu plötunar nýverið birtar í
stafrófsröð. Á þjóðhátíðardaginn
17. júní er svo ráðgert að tilkynna
um þá röð sem þær skipa sér í.
Á Tónlist.is kemur fram að Eg-
ill tengist 11 plötum á listanum,
þremur með Spilverki þjóðanna,
þremur með Stuðmönnum, fjórum
með Þursaflokknum og Á bleikum
náttkjólum með Megasi og Spil-
verkinu. Þetta mun þó ekki vera
alls kostar rétt því Egill tengist
aðeins tveimur plötum Spilverks-
ins, en hann var hættur í sveitinni
þegar platan Ísland kom út. Miðað
við þá talningu tengist hann því
„aðeins“ tíu plötum á listanum, en
auðveldlega má þó tengja hann við
fleiri því hann söng lög á bæði
Lögum unga fólksins með
Hrekkjusvínunum og á Gilligill
með Braga Valdimar og Memfis-
mafíunni. Þá má ekki gleyma því
að Þursaflokkurinn á lag á Rokk í
Reykjavík.
Allt dýrgripir
Egill slær því út listamenn á
borð við Bubba Morthens, sem
tengist níu plötum á listanum, og
Björk Guðmundsdóttur, sem teng-
ist sjö. „Ég er náttúrlega búinn að
lifa aðeins lengur en Björk, og
líka lengur en Bubbi, hann er bara
unglamb, ég er þremur árum eldri
en hann,“ segir Egill í léttum dúr.
En ætli hann eigi sér einhverja
uppáhaldsplötu á meðal þessara
tíu? „Nei, ég geri ekki upp á milli
barnanna, guð minn góður, þetta
eru allt saman dýrgripir. En ætli
þessar plötur eigi það ekki sam-
eiginlegt að á þeim öllum er eitt-
hvað bitastætt,“ segir Egill, en
bætir því við að nýjasta platan á
listanum, Þursaflokkurinn og Ca-
put, sé honum vissulega ofarlega í
huga. „Það sem er næst manni í
tíma er manni auðvitað hugleikið,
og það bendir nú líka til þess að
maður sé nú ekki alveg hættur.
Maður er svona, eins og Elton
John sagði, „still standing“.“
Aðspurður segist Egill vonast
til að geta bætt fleiri plötum á
listann. „Ég vona það, að maður
Gerir betur en Björk og Bubbi
 Egill Ólafsson tengist tíu af 100 bestu plötum Íslandssögunnar  Gerir betur
en Björk, Bubbi og Sigur Rós  Vonast til að geta bætt fleiri plötum við listann
Morgunblaðið/Kristinn
Reyndur „Ég er náttúrlega búinn að lifa aðeins lengur en Björk, og líka lengur en Bubbi, hann er bara unglamb, ég
er þremur árum eldri en hann,“ segir Egill um þá staðreynd að hann á fleiri plötur á lista en bæði Björk og Bubbi.
eigi allavega svona 56 ár eftir í
viðbót,“ segir hann og hlær.
En hver telur Egill að verði val-
in besta plata Íslandssögunnar?
„Það hefur svo rosalega mikið ver-
ið gefið út af góðum íslenskum
plötum. Og ég ætla ekkert að
leyna því að í seinni tíð hefur
margt verið gert sem jafnast á við
það besta, til dæmis það sem
Björk hefur verið að gera. Ég er
ekki alveg eins hrifinn af Sigur
Rós, ég verð að viðurkenna það,
þeir hrífa mig ekki eins mikið. En
svo er Ragnheiður Gröndal í miklu
uppáhaldi hjá mér, og svo líka
menn eins og Mugison og Pétur
Ben.“
Eftir Arnar Eggert Thoroddsen
arnart@mbl.is
„JA ... ég vona ekki,“ segir Bubbi
þegar hann er inntur frétta af þætti
sínum Færibandinu á Rás 2. Heyrst
hefur að þátturinn verði brátt tekinn
úr loftinu en Bubbi staðfestir að
lokaþátturinn í þessari hrinu verði í
lok maí. Um haustið veit hann hins
vegar ekki.
„Það er svona kannski og kannski
ekki. Persónulega vil ég halda þessu
áfram, þetta er gríðarlega gaman og
ég átti ekki von á því að ég myndi
finna mig svona vel í þessu.“
Þátturinn hefur vakið mikla at-
hygli og Bubba hefur tekist að soga
þjóðarsálina að viðtækjunum, vopn-
aður sínum einstaka sjarma. Lands-
frægir gestir hafa þurft að sitja und-
ir beittum spurningum og margir
hverjir hafa opnað sig óvænt upp á
gátt. Hver er galdurinn?
„Mýkt,“ segir Bubbi. „Og kurteisi.
En þú þarft líka að vera passlega ýt-
inn.“
Næsti gestur verður sjálfur Jó-
hannes í Bónus og segir Bubbi að
hann hafi þurft að taka á öllu sínu til
að landa þeim gesti.
„En ég náði honum. Ég lít á þetta
sem afrek,“ segir Bubbi sigri hrós-
andi. Hann bætir því við að svo eigi
hann eftir að finna þeim tugum laga
sem hann hefur samið fyrir þættina
útgáfufarveg, en Bubbi semur eitt
lag fyrir hvern þátt.
„Svo verður nýtt lag með Egó
frumflutt í útvarpi í dag. „Fallegi
lúserinn minn“. Það gengur ekki að
sitja endalaust í fyrsta sæti með
sama lagið!,“ segir hann grínaktug-
ur og vísar þar í óhemju miklar vin-
sældir lagsins „Í hjarta mér“.
Færiband Bubba Morthens
mögulega úr loftinu?
Morgunblaðið/Árni Sæberg
Segðu mér „Og ég vil spyrja viðmælanda minn …“
Kóngurinn vonar ekki og segist finna sig í útvarpinu
 Á bleikum náttkjólum – Meg-
as & Spilverk þjóðanna  Gæti
eins verið... – Þursaflokkurinn
 Götuskór – Spilverk þjóð-
anna  Hinn íslenski Þursa-
flokkur og Caput – Þursaflokk-
urinn og Caput  Hinn íslenzki
Þursaflokkur – Þursaflokkurinn
 Með allt á hreinu – Stuð-
menn  Spilverk þjóðanna –
Spilverk þjóðanna  Sturla –
Spilverk þjóðanna  Tívolí –
Stuðmenn  Þursabit – Þursa-
flokkurinn
Plötur Egils á lista