Morgunblaðið - 12.05.2009, Blaðsíða 12

12 FréttirINNLENT
MORGUNBLAÐIÐ ÞRIÐJUDAGUR 12. MAÍ 2009
HÉÐAN í frá
verður ekki unnt
að senda nafn-
laus sms-skilaboð
af heimasíðu
Símans, heldur
verða öll sms-
skilaboð auð-
kennd með síma-
númeri send-
anda. Einungis viðskiptavinir
Símans munu eftirleiðis geta nýtt
sér Vef-sms og þá eingöngu með
því að auðkenna sjálfan sig með
símanúmeri.
Tilgangurinn er að auka öryggi
við notkun sms-skilaboða. Þess eru
dæmi að þjónusta á borð við auð-
kennislaus sms hafi verið misnotuð
í viðskiptum með fíkniefni sem og í
eineltismálum.
Engin nafnlaus
sms-skilaboð
VERÐMÆTI útfluttra sjávarafurða
nam 181 milljarði króna á síðasta
ári og jókst um 42,3% frá árinu áð-
ur. Mæld á föstu verði dróst fram-
leiðslan hins vegar saman um 1,5%.
Þetta kemur fram í frétt Hagstof-
unnar um útgáfu ritsins „Útflutn-
ingur og útflutningsframleiðsla
sjávarafurða 2008“.
Verðmæti eykst
Í SÍÐUSTU viku
var tveimur um-
ferðarljósum
stolið af gatna-
mótum Sæ-
brautar og
Holtavegar. Bú-
ið er að kæra
þjófnaðinn til
lögreglu. Ný
ljós kosta líklega um hálfa millj-
ón króna.
Þetta er í annað sinn sem ljós-
um á þessum stað er stolið, en
öðrum hausnum var stolið í nóv-
ember síðastliðnum, en hinn los-
aður. Ljósunum var þá skilað og
urðu engin eftirmál.
Tveimur umferðar-
ljósum stolið
GÆSLUVARÐHALD yfir karl-
manni um fertugt sem grunaður er
um að hafa nauðgað 19 ára stúlku að
morgni laugardagsins 2. maí sl. í
miðborginni var á föstudag fram-
lengt um fjórar vikur. Öðrum manni
sem einnig er grunaður um aðild var
sleppt úr haldi.
Talið er að brotið hafi verið fram-
ið í fólksbifreið í bifreiðastæði við
Tollhúsið í Tryggvagötu á tíma-
bilinu frá kl. 4:45 til 5:15. Stúlkan
greindi frá því við skýrslutöku að
hún hefði hlaupið yfir götuna í átt að
skemmtistaðnum Amsterdam eftir
brotið og þá hefði verið öskrað
ókvæðisorðum á eftir henni á er-
lendu tungumáli.
Eftir meint brot fór stúlkan á Ing-
ólfstorg þar sem tveir vegfarendur,
maður og kona, gáfu sig að henni.
Lögregla biður vitni að framan-
greindum atburði eða búa yfir upp-
lýsingum sem geta varpað ljósi á
málið að hafa samband við kynferð-
isbrotadeild lögreglunnar á höf-
uðborgarsvæðinu í síma 444-1000.
Varðhald framlengt
SJÖ háskólar á Norðurlöndum,
þ. á m. Háskóli Íslands, hafa sam-
einast um samstarfsverkefnið
„Nordisk Friluftsliv“. Verkefnið
gengur út á það að skólarnir bjóða í
sameiningu eins árs útivistarnám
þar sem nemendur fara á milli
landa og skrifa svo lokaverkefni við
sinn heimaskóla.
Allir sem hafa lokið tveim náms-
árum á háskólastigi geta sótt um
inngöngu. Námið er hugsað sem
lokaárið í 180 eininga bakka-
lársnámi eða sem hrein viðbót við
fyrra nám.
Útivistarnám
STANGVEIÐI
Eftir Einar Fal Ingólfsson
efi@mbl.is
„ÞETTA var algjört ævintýri,“ segir
Friðrik Guðmundsson, einn fé-
lagsmanna í Kipp sem leigir á móti
öðrum svæði fjögur í Grenlæk, Flóð-
ið, en veiðin hófst þar á fimmtudag-
inn var. Veitt er með fjórum stöng-
um Flóðinu og á milli klukkan 15 og
21 veiddust 68 fiskar, mest sjóbirt-
ingur, en einnig nokkrir staðbundnir
urriðar og ein bleikja. Birtingnum er
sleppt aftur í vorveiðinni en sá
stærsti var 12 pund.
„Það var fiskur á öllum stöðum og
hann var mjög tökuglaður,“ segir
Friðrik. Mest var þetta niðurgöngu-
fiskur en einnig talsvert af geldfiski.
Friðrik hefur um árabil veitt á svæð-
inu og oft í vorveiði og hann hefur
aldrei séð fiskinn jafn vel haldinn.
Á föstudag og laugardag hvessti
hressilega og þá varð lítið úr veiði,
enda var fyrsta vaktin það góð að
veiðimennirnir voru orðnir sáttir.
Bleikjuveiðin í Hlíðarvatni í Sel-
vogi fer afar vel af stað. Sem dæmi
má nefna að í veiðibók Ármanna,
sem veiða á þrjár dagsstangir, höfðu
um 170 bleikjur verið færðar til bók-
ar að kvöldi 10. maí, eftir 11 daga
veiði. Þar af hafði einn dagurinn gef-
ið rúmlega fimmtíu fiska.
Niðursveifla hefur verið í veiðinni
í Hlíðarvatni síðustu ár, en til dæmis
má nefna að sumarið 2007 voru ein-
ungis rúmlega 300 fiskar skráðir í
veiðibók Ármanna, en höfðu verið
hátt í 1.800 nokkrum árum áður.
Nokkuð hefur orðið vart við nýbú-
ann flundru, sem er flatfiskur, í Hlíð-
arvatni síðustu ár. Sumir íbúar
vatnsins kunna að meta flundruna;
veiðimenn sáu á dögunum himbrima
gæða sér á flundru af bestu lyst.
Langstærsta stangveiðifélag
landsins, Stangaveiðifélag Reykja-
víkur, heldur upp á 70 ára afmæli
þessa dagana með röð viðburða. Í
kvöld er dagskrá fyrir fullorðna fé-
lagsmenn, á morgun er Klaus Fri-
mor með kastsýningu á Klambratúni
og á sunnudag er fjölskyldudagur
við Elliðavatn og er þá frítt í vatnið.
68 á fyrstu vakt í Flóðinu
 Mun betri bleikjuveiði í Hlíðarvatni
en síðustu vor  SVFR 70 ára í vikunni
Morgunblaðið/Einar Falur
Vorbleikja Sölvi Ólafsson togast á við eina af bleikjunum sem hann veiddi í
Hlíðarvatni í Selvogi á sunnudaginn. Veiðin fer vel af stað í vatninu.
BJÖRGVIN
Guðni Sigurðs-
son, fyrrverandi
viðskiptaráð-
herra, hefur ver-
ið kjörinn þing-
flokksformaður
Samfylking-
arinnar í stað
Lúðvíks Berg-
vinssonar sem lét
af þingmennsku
fyrr í mánuðinum. Þetta varð ljóst á
þingflokksfundi um miðjan dag í
gær.
Steinunn Valdís Óskarsdóttir var
kjörin varaformaður þingflokksins
og Skúli Helgason ritari.
Björgvin
þingflokks-
formaður
Björgvin G.
Sigurðsson
ÞETTA voru krefjandi aðstæður, byrjaði í
þokkalegu veðri en á miðri leið kom bylur og
þoka. Aðrir hópar urðu frá að hverfa en ég var
búinn að reikna út að veðrið lagaðist þegar ofar
kæmi, og það gekk eftir,“ segir Haraldur Örn
Ólafsson, pólfari og lögfræðingur hjá Íslands-
banka, sem á dögunum var leiðangursstjóri með
74 manna hóp frá bankanum á Hvannadals-
hnjúk, hæsta tind landsins. Alls reyndu um 200
manns við hnjúkinn þennan dag en aðeins 95
manns komust alla leið, þar af allur Íslands-
bankahópurinn.
Haraldur Örn, með alla sína reynslu af fjall-
göngu, keyrði starfsfélaga sína áfram og þrátt
fyrir tafir á leiðinni og fimbulkulda þar sem
manni úr öðrum hópi, sem hafði dottið í sprungu,
var komið til aðstoðar komst allur hópurinn upp.
Haraldur Örn viðurkennir að honum hafi á tíma-
bili ekki verið farið að lítast á blikuna en hann
gjörþekkir aðstæður þarna, búinn að þaulreikna
vinda- og veðurspá, enda fer hann að jafnaði í
nokkrar ferðir á hnjúkinn á ári.
„Þetta gekk allt saman eftir, við fengum
glampandi sólskin þegar upp var komið og frá-
bært útsýni. Ég var með algjöra nagla í þessum
hópi, fólkið var ekkert að kvarta þó að þetta
væri orðið æði strembið um tíma. Menn voru að
rifna úr stolti að hafa náð þessum áfanga,“ segir
Haraldur Örn en hann var með vaska og reynda
fararstjóra með sér, alls níu manns. bjb@mbl.is
Haraldur Örn kom félögum sínum í Íslandsbanka upp Hvannadalshnjúk
Ljósmynd/Ari Sigurðsson
Pólfarinn reiknaði út veðrið á toppnum
Eftir Sigtrygg Sigtrygsson
sisi@mbl.is
MEÐ brotthvarfi Svandísar Svav-
arsdóttur úr borgarstjórn Reykja-
víkur fækkar enn um einn af þeim
borgarfulltrúum sem náðu kjöri í
borgarstjórnarkosningunum 2006.
Þrír borgarfulltrúar hafa beðist
lausnar á kjörtímabilinu, einn hefur
boðað afsögn og tveir hafa verið í
leyfi í vetur. Alls eru þetta 6 borg-
arfulltrúar af 15.
Báðir borgarfulltrúar Vinstri
grænna hafa horfið eða munu hverfa
úr borgarstjórn. Árni Þór Sigurðs-
son var kjörinn á Alþingi 2007 og
hætti í kjölfarið. Nú hefur Svandís
Svavarsdóttir verið kjörin á þing og
tekið við embætti umhverfisráð-
herra. Hún hefur tilkynnt að hún
muni biðjast lausnar og hætta í borg-
arstjórn. Björn Ingi Hrafnsson,
borgarfulltrúi Framsóknarflokksins,
baðst lausnar á kjörtímabilinu og
varamaður kom í hans stað. Stein-
unn Valdís Óskarsdóttir, borgar-
fulltrúi Samfylkingarinnar, var kjör-
in á þing 2007 og hætti í
borgarstjórn.
Þá er Stefán Jón Hafstein, borg-
arfulltrúi Samfylkingarinnar, í leyfi
um ótiltekinn tíma. Loks hefur Gísli
Marteinn Baldursson, borgarfulltrúi
Sjálfstæðisflokksins, verið í náms-
leyfi í vetur.
Varamenn sem hafa tekið eða
munu taka sæti í borgarstjórn eru:
Þorleifur Gunnlaugsson (VG), Sóley
Tómasdóttir (VG), Óskar Bergsson
(B), Sif Sigfúsdóttir (D), Sigrún Elsa
Smáradóttir (S) og Oddný Sturlu-
dóttir (S).
Kosið verður til borgarstjórnar
Reykjavíkur næsta vor.
Enn einn kjörinn borg-
arfulltrúi mun hætta
Sex af 15 borgarfulltrúum hættir eða hafa verið í leyfi