Morgunblaðið - 12.05.2009, Blaðsíða 17

KAÞÓLSK börn fögnuðu Benedikt
páfa XVI. við komuna hans til Jerú-
salem í gær en í ræðu, sem hann
flutti, fordæmdi hann gyðingahatur
og hvatti til stofnunar palestínsks
ríkis. Með heimsókn sinni til Ísraels
vonast páfi til að geta bætt sam-
skipti Páfagarðs og Ísraela en þau
hafa verið stirð, meðal annars
vegna þess að páfi ætlar að taka
Píus páfa XII. í dýrlingatölu. Hann
var páfi á tímum síðari heimsstyrj-
aldar og var sakaður um að hafa
horft í gegnum fingur sér með
framferði nasista. Benedikt ætlar
að vitja helgra staða kristinna
manna, gyðinga og múslíma í Ísrael
og á Vesturbakkanum. svs@mbl.is
Páfa fagnað
í Jerúsalem
AP
Fréttir 17ERLENT
MORGUNBLAÐIÐ ÞRIÐJUDAGUR 12. MAÍ 2009
LÆRÐU MEIRA!
HÁSKÓLINN Á AKUREYRI BÝÐUR FRAMHALDSNÁM Í ÖLLUM DEILDUM
Nánari upplýsingar eru á www.unak.is eða í síma 460 8000
Heilbrigðisvísindi
‣ 30 ECTS diplóma
‣ 60 ECTS diplóma
‣ M.S.
HEILBRIGÐISDEILD
Heimskautalögfræði LL.M. / M.A.
Kennarafræði M.Ed. / Kennsluréttindi
Menntunarfræði
‣ 60 ECTS diplóma
‣ M.A.
Hug- og félagsvísindadeild
Auðlindafræði M.S.
Viðskiptafræði M.S.
viðskipta- og raunvísindadeild
UMSÓKNARFRESTUR ER TIL 5. JÚNÍ
Eftir Svein Sigurðsson
svs@mbl.is
STÓRU bílaverksmiðjurnar vinna stöðugt að því
að endurbæta sprengihreyfilinn og nú eru vænt-
anlegar á markað vélar eða bílar sem gera kostina
við tvenndar- eða rafbíla ekki jafnaugljósa og áð-
ur, hvorki hvað varðar orkuverð né umhverfis-
vernd.
Margir spá því að tvenndar- og rafbílar séu
framtíðin enda ljóst að með minnkandi olíubirgð-
um mun olíuverðið ekki gera neitt nema hækka.
Þær horfur hafa hins vegar ýtt undir rannsóknir
og vinnu við að bæta eldsneytisnýtingu sprengi-
hreyfilsins og draga úr mengun frá honum. Árang-
urinn er meðal annars þessi:
 Seat Ibiza hefur sett heimsmet í sparakstri.
Á 1.500 km leið fór hann 34,5 km á einum lítra.
 Hjá VW-verksmiðjunum hefur tekist að
„minnka“ bílvél þannig að 1,4 lítra vél afkastar 170
hestöflum en til þess hefur þurft 2,3 lítra vél. Bens-
ínsparnaður er 20%. Á næsta ári kemur á markað
VW Polo sem kemst meira en 30 km á lítra.
 Með nýrri tækni hjá Fiat er nú unnt að
stjórna hverjum ventli sjálfstætt og ná þannig
miklu betri eldsneytisnýtingu.
Talsmenn bíleigenda í Danmörku segja að með
þessum endurbótum og öðrum sem unnið er að sé
sprengihreyfillinn að ganga í endurnýjun lífdag-
anna. Telja sumir að þetta muni tefja tilkomu raf-
bílsins en aðrir vísa því á bug. Þar eigi sér líka stað
stórstígar framfarir.
350 km á 10 lítrum af bensíni
 Sprengihreyfillinn öðlast nýtt líf vegna byltingarkenndra endurbóta
 Gæti hugsanlega orðið til að tefja eitthvað fyrir rafbílavæðingunni
Sparakstursmet Seat Ibiza, sem VW framleiðir á
Spáni, kemst tæpa 350 km á 10 bensínlítrum.
STYTTAN eða
brjóstmyndin af
egypsku drottn-
ingunni Nefer-
titi, sem uppi var
fyrir 3.400 árum,
var nýlega í
fréttum og því
haldið fram að
röntgen-
rannsóknir
sýndu að andliti
drottningar hefði verið breytt all-
mikið frá fyrst gerð. Sem sagt að
myndin af henni hefði verið fegruð.
Nú er þessi fræga brjóstmynd
aftur komin í fréttirnar og að þessu
sinni er því haldið fram að hún sé
einfaldlega fölsun.
Henri Stierlin, kunnur, sviss-
neskur listfræðingur, segist viss um
að þýski fornleifafræðingurinn
Ludwig Borchardt, sem er sagður
hafa fundið styttuna, hafi sjálfur
látið gera hana en hún var fyrst
sýnd opinberlega 1912.
Stierlin, sem hefur kannað þetta
mál í 25 ár, segir að aðeins annað
auga drottningar hafi verið málað
sem hefði jafngilt mikilli svívirð-
ingu. Þá sé klæðnaður hennar ekki
réttur og myndin sjálf í Art Nou-
veau-stíl sem var vinsæll í upphafi
síðustu aldar. Enn undarlegra sé þó
að í gögnum Borchardt um upp-
gröftinn í Egyptalandi sé ekkert að
finna um styttuna.
Stierlin telur að Borchardt hafi
viljað gera mynd af Nefertiti sem
átti mjög sérstaka hálsfesti og einn-
ig gera tilraunir með litarefni sem
fundust við uppgröftinn. Myndin
hafi síðan vakið þvílíka athygli og
hrifningu á sýningunni í Berlín
1912 að Borchardt hafi látið það
vera að segja allan sannleikann um
hana. svs@mbl.is
Fölsuð mynd
af Nefertiti?
Brjóstmyndin
fræga af Nefertiti.