Morgunblaðið - 12.05.2009, Blaðsíða 13

Fréttir 13INNLENT
MORGUNBLAÐIÐ ÞRIÐJUDAGUR 12. MAÍ 2009
Eftir Egil Ólafsson
egol@mbl.is
HAGRÆÐI er af sameiningu Flug-
stoða ohf. og Keflavíkurflugvallar
ohf. og sömuleiðis af sameiningu
Vegagerðar og Umferðarstofu.
Þetta er niðurstaða tveggja starfs-
hópa sem samgönguráðherra skip-
aði til að skoða sameiningu stofn-
ana.
Jóhannes Tómasson, upplýsinga-
fulltrúi í samgönguráðuneytinu,
sagði að starfshóparnir, sem skip-
aðir voru í janúar sl., hefðu fengið
það verkefni að kanna annars vegar
hugsanlega sameiningu samgöngu-
stofnana og hins vegar opinberra
hlutafélaga sem heyra undir sam-
gönguráðuneytið.
Annar hópurinn hefði unnið að
því að útfæra hugmynd að nýrri
skipan Vegagerðar, Siglingastofn-
unar Íslands og Umferðarstofu.
Niðurstaða hópsins hefði verið sú
að takmarkað hagræði væri að því
að sameina þessar þrjár stofnanir,
en að talsvert hagræði fælist í sam-
eina Vegagerð og Umferðarstofu.
Hópurinn skoðaði einnig víðtækari
sameiningu.
Jóhannes sagði um mögulega
sameiningu Flugstoða ohf. og
Keflavíkurflugvallar ohf. að starfs-
hópurinn hefði komist að þeirri nið-
urstöðu að ákveðið hagræði væri að
sameiningu þessara félaga þar sem
starfsemi þeirra væri á sama sviði.
Ef stofnað yrði sameinað fyrir-
tæki myndi það annast rekstur al-
þjóðflugvalla landsmanna, þ.e.
Keflavíkurflugvallar, Reykjavíkur-
flugvallar, Akureyrarflugvallar og
Egilsstaðaflugvallar en öðrum, til
dæmis sveitarfélögum, yrði falinn
rekstur innanlandsflugvalla.
Jóhannes sagði að í framhaldi af
áfangaskýrslum starfshópanna yrði
unnið að því að móta næstu skref
og mætti reikna með að fyrir árslok
lægju fyrir tillögur um framtíðar-
skipan samgöngustofnana.
Morgunblaðið/Golli
Vegagerð Til skoðunar er að sam-
eina Vegagerð og Umferðarstofu.
Hagræðing af
sameiningu
ríkisstofnana
HJÁ Fasteigna-
skrá Íslands
(FMR) er nú unn-
ið að nýju fast-
eignamati í sam-
ræmi við laga-
breytingu sem
tók gildi um ára-
mótin. Niður-
staðan á að liggja
fyrir í lok þessa mánaðar og nýja
matið tekur gildi 31. desember.
Að sögn Margrétar Hauksdóttur,
aðstoðarforstjóra Fasteignakrár,
kemur endurmatið í stað árlegs
framreiknings fasteignamats. Unnið
væri eftir nýrri aðferðafræði sem
ætti að endurspegla betur stað-
greiðsluverð fyrir fasteignir.
Spurð hvernig tekið verði tillit til
þróunar á fasteignamarkaði frá maí-
lokum og fram til áramóta, sagði
Margrét að stofnunin hefði ekki
svigrúm til þess. Fasteignamatið
ætti einungis að endurspegla stöð-
una eins og hún yrði í lok maí.
„Vissulega hefði verið hentugra að
gera þetta í fyrsta skipti við eðlilegri
aðstæður,“ sagði hún.
Fyrri aðferð við fasteignamat
þótti ekki duga til að endurspegla
breytingar á fasteignamarkað sem
skyldi. Hækkanir fasteigna á und-
anförnum árum hafa t.a.m. verið
meiri í sumum hverfum borgarinnar
en öðrum og á fasteignamatið að
endurspegla betur þá þróun.
Fasteignamatið er kynnt í lok maí
en tekur ekki gildi fyrr en sjö mán-
uðum síðar. Ástæðurnar eru þær að
sveitarfélögin vilja fá fasteignamatið
fyrr til að hægt sé að nota það við
gerð fjárhagsáætlana og til að
tryggja að fasteignaeigendur geti
komið að athugasemdum og fá úr
þeim leyst áður en fasteignamatið
tekur gildi . runarp@mbl.is
Matið sýni
verðþróun
betur
GLATT var á hjalla á hjúkrunarheimilinu Skjóli á
sunnudaginn, enda ærið tilefni til kaffisamsætis því
Hansína Guðjónsdóttir, íbúi á Skjóli, fagnaði þar 100
ára afmæli sínu ásamt stórfjölskyldunni. Hansína er
fædd 10. maí 1909 að Borg í Skriðdal í Suður-Múlasýslu
en fluttist ung til Reykjavíkur. Hún ber aldurinn vel og
var hrókur alls fagnaðar í fagurbláum jakka í veislunni
sem haldin var í tilefni af þessum merku tímamótum.
Morgunblaðið/hag
100 ára afmælisbarn á Skjóli
Aldarafmæli fagnað með kökum og kaffi
Morgunblaðið/hag