Morgunblaðið - 12.05.2009, Blaðsíða 14

14 FréttirVIÐSKIPTI/ATVINNULÍF
MORGUNBLAÐIÐ ÞRIÐJUDAGUR 12. MAÍ 2009
Eftir Þórð Snæ Júlíusson
thordur@mbl.is
SJÓVÁ verður auglýst til sölu á
næstunni þannig að öllum áhuga-
sömum fjárfestum gefist kostur á því
að bjóða í félagið. Árni Tómasson,
formaður skilanefndar Glitnis,
stærsta kröfuhafa Sjóvár, segir að
það geti mögulega gerst síðar í þess-
ari viku. „Það er á stefnuskránni hjá
okkur að auglýsa en ég get ekki al-
veg sagt hvenær það verður. Það er
þó verið að stefna að því að geta birt
hana í vikunni.“
Eina tryggingafélagið sem starfar
á Íslands sem hefur enn ekki skilað
ársreikningi er Sjóvá. Félagið er bú-
ið að birta rekstarreikning fyrir vá-
tryggingahluta starfsemi sinnar en
hefur ekki getað birt efnahagsreikn-
ing. Heimildir Morgunblaðsins
herma að töluvert af eigin fé vanti
inn í félagið til að það standist lág-
mörk Fjármálaeftirlitsins (FME)
um eiginfjárhlutfall, svokallað gjald-
þol. Stefnt er að því að láta nýja eig-
endur félagsins leggja því til það fé
sem vantar upp á og því er ekki hægt
að birta efnahagsreikning félagsins
fyrr en að salan er frágengin. Árni
staðfestir að tafir í söluferlinu séu
ástæðan fyrir því að en sé ekki búið
að birta ársreikninginn. „Hann verð-
ur ekki birtur fyrr en við höfum klár-
að þessa endurskipulagningu á fé-
laginu. Það er ástæðan fyrir því að
við erum búnir að vera að vinna
svona mikið í þessu máli í allan þenn-
an tíma.“
Avant líklega ekki inn í Sjóvá
Sjóvá var áður í eigu fjárfesting-
arisans Milestone, sem skilanefnd
Glitnis hefur nú tekið yfir. Á meðal
annarra eigna Milestone var Avant
sem sérhæfir sig í fjármögnun öku-
og atvinnutækja. Um tíma stóð til að
Avant yrði rennt inn í Sjóvá en Árni
segir að af því verði líklega ekki.
„Það var ein af leiðunum sem við vor-
um að kanna en mér sýnist að við
förum líklega aðra leið með Avant og
leysum þeirra mál sérstaklega.“
Heimildir Morgunblaðsins herma að
það sé meðal annars vegna þess að
nokkrir þeirra fjárfesta sem hafa
lýst yfir áhuga á að eignast Sjóvá
hafi ekki viljað Avant með í pakk-
anum.
Stefnt á að auglýsa eftir
tilboðum í Sjóvá á næstunni
 Birting ársreiknings Sjóvár hangir saman við sölu  Avant ekki undir Sjóvá
Í HNOTSKURN
»Sjóvá var í eigu ModernaFinance sem var sænskt
dótturfélag Milestone.
»Milestone og innlendareignir þess félags eru nú á
forræði skilanefndar Glitnis.
»Samkvæmt ársreikningiSjóvár 2007 átti félagið
fjárfestingaeignir að andvirði
49 milljarða króna. Eignirnar
voru erlendar fasteignir sem
Milestone, þáverandi eigandi
félagsins, lagði inn í Sjóvá til
að jafna út viðskiptaskuld.
Aðrar eignir undir þessum lið
komu frá Askar Capital.
ÞETTA HELST ...
● MICROSOFT hefur ákveðið að gefa
út skuldabréf til að fjármagna kaup á
eigin hlutabréfum. Verður þetta í
fyrsta sinn sem fyrirtækið tekur lán,
en það hefur verið skuldlaust frá
stofnun þess.
Í tilkynningu segir að með þessu
vilji Microsoft nýta sér gott lánshæfi
og kauptækifæri í hlutabréfunum, sem
lækkað hafa um 35%. bjarni@mbl.is
Microsoft mun taka 40
milljarða dala lán
● Í viðskiptablaði Morgunblaðsins
síðastliðinn fimmtudag var ranglega
haldið fram að reksturs Egils Árnason-
ar hefði verið seldur án auglýsingar eft-
ir að fyrirtækið var tekið til gjald-
þrotaskipta. Hið rétta er að skipaður
var skiptastjóri yfir félagið sem aug-
lýsti eftir tilboðum í Morgunblaðinu og
Fréttablaðinu. Í kjölfarið var rekst-
urinn seldur Parketvali ehf. Parketval
er í eigu feðganna Einars Gottskálks-
sonar og Ásgeirs Einarssonar og hefur
fjölskylda þeirra rekið Harðviðarval í
um 30 ár.
thordur@mbl.is
Rekstur Egils Árnasonar
var auglýstur til sölu
NÝTT útibú MP Banka var opnað
klukkan 13 í dag í Borgartúni 26 á
10 ára afmælisdegi MP. Í húsinu
var áður til húsa útibú SPRON, en
allir starfsmenn útibúsins eru fyrr-
verandi starfsmenn sparisjóðsins.
Margeir Pétursson, stjórnar-
formaður MP, sagði við þetta til-
efni að markmiðið væri að bankinn
yrði sá best rekni og hagkvæmasti
banki landsins, án þess þó að slegið
yrði af kröfum um persónulega
þjónustu við viðskiptavini.
„Markmiðið er að vera með eina
öfluga þjónustumiðstöð fyrir við-
skiptavini okkar, en að afgreiðslan
fari að sem mestu leyti fram í
gegnum netið. Ísland er sérstakt
að því leyti hve netnotkun er al-
menn og með réttri notkun net-
tækninnar er hægt að reka banka
með mun hagkvæmari hætti en
með þéttriðnu og fjárfreku útibúa-
neti.“
MP hafði áður gert tilboð í vöru-
merki og ákveðnar eignir SPRON,
en það mál hefur ekki enn verið til
lykta leitt. Margeir sagði í samtali
við Mbl.is að nú þegar bankinn
væri búinn að stofna sinn eigin net-
banka og útibú hefðu aðstæður
breyst. Hann hefði hins vegar enn
áhuga á að kaupa tækjabúnað
SPRON. MP Banki hf. var stofn-
aður árið 1999 og hét þá MP Verð-
bréf. Árið 2003 fékk bankinn fjár-
festingabankaleyfi og bauð þá
alhliða fjárfestingabankaþjónustu.
MP Banki fékk fullt viðskipta-
bankaleyfi í október 2008 og hóf að
taka við innlánum og séreign-
arsparnaði til viðbótar við fyrri
starfsemi.
Í apríl síðastliðnum tók Netbanki
MP til starfa eftir að ekkert virtist
ætla að verða úr kaupum hans á
Netbankanum nb.is af SPRON.
bjarni@mbl.is
Opnaði á afmælisdaginn
Fyrstur í röðinni Baldvin Tryggvason, sem var sparisjóðsstjóri SPRON um
árabil, var fyrsti viðskiptavinur í nýju útibúi MP banka í Borgartúni.
MP opnar útibú
í Borgartúni




!"#$
%$&
'&#






()**#
!"
'+&!
'&#






 
")+(
()!#(
'(&"
'$&




+)+#*
+)"*!
'$&*
'(&$






*"#
!("
%(&(
'&#


MORGUNBLAÐINU hefur verið
neitað um aðgang að þeim gögnum
um Icesave-deilu Íslands og Breta
sem lögð voru fyrir utanríkismála-
nefnd Alþingis hinn 24. apríl síðast-
liðinn. Um er að ræða minnisblöð um
símtöl sem Geir H. Haarde, fyrrver-
andi forsætisráðherra, átti annars
vegar við Gordon Brown, forsætis-
ráðherra Bretlands, hinn 5. október
2008 og hins vegar við Alistair Dar-
ling, fjármálaráðherra Bretlands,
hinn 9. október 2008. Í svari ráðu-
neytisins við beiðni Morgunblaðsins
um aðgang að gögnunum segir að
„vinnuskjöl þessi eru undanþegin
upplýsingaaðgangi … þau hafa hins
vegar verið afhent annars vegar
rannsóknarnefnd Alþingis og hins
vegar utanríkismálanefnd … til þess
að þessir aðilar geti gegnt lögboðnu
hlutverki sínu.“ Siv Friðleifsdóttir,
þingmaður Framsóknarflokksins,
sem situr í nefndinni sagði eftir
fundinn að gögnin hefðu leitt í ljós að
hún hefði haft ranga mynd af gangi
mála í Icesave-deilunni.
thordur@mbl.is
Neita aðgangi að
Icesave-gögnum
Eftir Bjarna Ólafsson
bjarni@mbl.is
FJÁRMAGNSSKIPAN Icelandair
Group mun væntanlega breytast
umtalsvert á næstu vikum, að því
er forstjóri félagsins, Björgólfur
Jóhannsson, sagði á kynningar-
fundi í gær. Kom ekki nánar fram á
fundinum hvað felast mundi í þess-
um breytingum. Annað hvort mun
félagið selja eignir eða auka
hlutafé. Fram kom á fundinum að
félagið vinni að lausn með helsta
kröfuhafa þess.
Vaxtaberandi skuldir Icelandair
Group námu í lok fyrsta ársfjórð-
ungs 44,5 milljörðum króna og er
um helmingur þeirra skammtíma-
skuldir.
„Nauðsynlegt er fyrir félagið að
grynnka á skuldum sínum, en mið-
að við núverandi stöðu er óljóst
hversu hlutafé félagsins er mikils
virði. Hægt er að lækka skuldir
með sölu á einstökum eignum eða
aukningu hlutafjár, en við núver-
andi aðstæður eru báðar leiðir erf-
iðar,“ segir Valdimar Halldórsson
sérfræðingur hjá IFS.
Uppgjör Icelandair var undir
væntingum IFS, en rekstur Smart-
Lynx í Lettlandi og Icelandair
Cargo gekk fremur illa á tíma-
bilinu og verr en gert var ráð fyrir.
Á fjórðungnum var 3,6 milljarða
króna tap á rekstri Icelandair, en
IFS hafði spáð 2,3 milljarða króna
tapi.
Endurskipulagning í
pípunum hjá Icelandair
Afkoma félagsins var undir væntingum sérfræðinga