Morgunblaðið - 22.05.2009, Page 2

2 FréttirINNLENT
MORGUNBLAÐIÐ FÖSTUDAGUR 22. MAÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
„VIÐ erum alltaf með öndina í hálsinum í maí
vegna þess að við viljum ekki fá frost ofan í auða
jörð en það er eins og það sé liðin tíð. Ég man
eftir því þegar ekki var hægt að reka niður
skóflu í maí vegna frosts í jörðu. Það var ekki
hægt að stinga upp heimilisgarðinn,“ segir Eva
G. Þorvaldsdóttir, forstöðumaður Grasagarðsins
í Reykjavík.
Í höfuðborginni eru garðaeigendur farnir að
slá og verður þeim tíðrætt um gróskuna og blíð-
una.
Eva segir vorið þó seinna á ferð í ár en í fyrra.
Þrátt fyrir hlýindin undanfarna daga hafi maí
verið hlýrri í fyrra.
„En þetta er miklu fyrr á ferðinni en fyrir 10
til 15 árum. Ég man ekki eftir því að blómin á
garðarifsi hafi frosið eða eyðilagst af roki síðan
þá, en við það eyðileggst uppskeran.
Það má kannski segja að nú vori um tveimur
vikum fyrr. Það er alveg greinilegt að vaxt-
artímabilið hefur lengst og það þykir mjög mikið
þótt aðeins sé um viku að ræða,“ tekur Eva
fram.
Hún segir aukna grósku á þessum tíma ársins
ekki bara vera vegna breytts veðurfars, heldur
hafi aukið skjól í görðum auðvitað sitt að segja.
„Það er mikilvægt að búa til gott skjól,“ segir
hún og bendir um leið á að nú sé hægt að rækta
viðkvæmari tegundir í görðum en áður.
„En það er enn draumórakennt með mjög suð-
lægar tegundir eins og eik.“ ingibjorg@mbl.is
Aukin gróska með betri tíð
 Garðaeigendur í Reykjavík eru farnir að slá vegna mikillar sprettu  Eins og það sé liðin tíð að
fá frost ofan í auða jörð í maí, segir forstöðumaður Grasagarðs Reykjavíkur í Laugardalnum
Í HNOTSKURN
»Grasagarður Reykjavík-ur varðveitir stóran hluta
af íslensku háplöntuflórunni
ásamt fjölbreyttu úrvali er-
lendra plantna, að því er seg-
ir á heimasíðu garðsins.
»Heildarfjöldi tegunda,undirtegunda, afbrigða
og yrkja er tæplega 4.000.
»Eitt meginhlutverkGrasagarðsins er fræðsla.
Á hverju skólaári er tekið á
móti leik- og grunnskólanem-
endum Reykjavíkurborgar.
»Á sumrin er almenningiboðið upp á fræðslu-
dagskrá í Grasagarðinum.
Morgunblaðið/Friðrik
Í Grasagarðinum Gróskan hefur aukist vegna breytts veðurfars og aukins skjóls.
Eftir Ingibjörgu B. Sveinsdóttur
ingibjorg@mbl.is
SÆKJA þarf um leyfi til Fornleifa-
verndar ríkisins fyrir fyrirhugaðri
lagningu nýs Álftanesvegar í Gálga-
hrauni. Þetta er mat Ragnheiður
Traustadóttir fornleifafræðings sem
gerði úttekt á því að hvaða leyti til-
teknar fornminjar verða fyrir raski
vegna framkvæmdanna.
„Fornleifavernd ákveður hvort
fara þarf í áframhaldandi rannsóknir
og hvort hlífa þurfi einhverju algjör-
lega. Það getur tekið einhvern tíma
en ég er að vona að það sé bara
spurning um nokkrar vikur,“ segir
Jónas Snæbjörnsson, svæðisstjóri
hjá Vegagerðinni.
Hann segir að að öllu jöfnu hefði
átt að skrifa undir samning við verk-
taka í kringum 5. maí. ,,Við óskuðum
hins vegar eftir því að verktakinn léti
tilboðið standa áfram á meðan verið
væri að skoða þessi mál.“
Andstæðingar vegarlagningarinn-
ar hafa bent á að við fyrirhugaða
vegarlagningu muni klettur sem
nefnist Ófeigskirkja fara undir veg-
inn. Auk þess muni vegurinn ganga
nærri gamalli tóft þar sem þeir telja
fornminjar vera. Fornar leiðir muni
einnig verða fyrir raski.
Í úttekt Ragnheiðar, sem hún
gerði að beiðni Vegagerðarinnar,
segir meðal annars um Ófeigskirkju
að svo rýrar heimildir séu um hana
að af þeim verði ekki ályktað með
vissu að umræddur hraunklettur
njóti verndar samkvæmt þjóðminja-
lögum sem álagablettur. Enn fremur
leiki vafi á hvort kletturinn, sem nú
nefnist Ófeigskirkja, sé hinn sami og
fékk það heiti í öndverðu. Önnur rök
kunni að vera fyrir því að reyna að
sneiða hjá klettinum þar sem hann
hafi augljóslega gildi fyrir stóran
hóp fólks.
Um tóftina segir í úttektinni að
ekki verði nánar sagt til um hlutverk
hennar eða aldur nema að undan-
genginni fornleifarannsókn.
Andstæðingar vegarlagningarinn-
ar draga í efa nauðsyn hennar þar
sem ekki séu líkur á að reist verði
jafnstór byggð og fyrirhugað var í
Garðaholti næsta áratuginn. Að sögn
Jónasar telja menn þörf fyrir nýja
veginn þótt byggð verði minni en
upphaflega var gert ráð fyrir.
Leyfi fyrir vegi þarf frá Fornleifavernd
Morgunblaðið/Golli
„Álfaklettur“ Fyrirhugað vegarstæði nýs Álftanesvegar skoðað.
ÓS Breiðamerkurlóns, eða útfall Jökulsár á
Breiðamerkursandi, var sundriðinn um klukkan
fjögur í gærmorgun. Að sögn heimamanna er
þetta í fyrsta sinn sem ósinn hefur verið sund-
riðinn. Á árum áður lá þjóðleiðin yfir jökulinn til
að sneiða hjá Jökulsárlóninu og ánni.
Mesta hættan stafar af sterkum straumi. Byrj-
að var að falla út þegar farið var yfir ósinn í
gærmorgun og mátti ekki seinna vera.
Morgunblaðið/Jónas Erlendsson
Ós Breiðamerkurlóns sundriðinn í fyrsta sinn
HÓPUR reiðmanna ætlar að sund-
ríða öll vötn frá Höfn í Hornafirði
að Selfossi. Þeir lögðu af stað frá
Höfn síðastliðið þriðjudagskvöld og
komu sjö reiðmenn með 44 hesta að
Svínafelli í Öræfum í gær.
„Við riðum Hornafjarðarfljót
fyrst, svo Kolgrímu og síðan
Breiðamerkurósinn og Fjallsá,“
sagði Hermann Árnason sem fer
fyrir hópnum. Í dag á að ríða
Skeiðará, Gígju og Núpsvötn. Síðan
Skaftá, Kúðafljót og Múlakvísl. Þá
verður áð í nokkra daga á Heiði í
Mýrdal. Stefnt er að því að ljúka
reiðinni um hvítasunnuhelgina.
Hermann sagði reiðmennina alla
duglega ferðamenn og vana
löngum dagleiðum. Fjórir þeirra
eru ættaðir frá Pétursey í Mýrdal.
Þeir eru yfirleitt í hefðbundum
reiðfatnaði en tveir prófuðu í gær
blautbúning og þurrbúningsbuxur.
Nestið í ferðinni er þjóðlegt.
„Allt grænmeti er bannað. Við
erum með hangikjöt, svið, kjötsúpu,
baunasúpu, súrt slátur, lifrarpylsu
og hrátt hangikjöt – verulega
kjarngott fæði,“ sagði Hermann.
Sundríða
vötn á
Suðurlandi
Neysla grænmetis er
bönnuð í ferðinni