Morgunblaðið - 02.07.2009, Side 11

Átak Störfum fjölgar í Garðabæ.
GARÐABÆR, Skógræktarfélag Ís-
lands og Skógræktarfélag Garða-
bæjar hafa gert með sér samning
um atvinnuátaksverkefni þar sem
skipulögð hafa verið störf fyrir 100
manns auk verkstjóra í tæpa tvo
mánuði í sumar. Samningurinn er
hluti af atvinnuátaksverkefni sem
Skógræktarfélag Íslands hefur haft
frumkvæði að í samvinnu við
Vinnumálastofnun og ríkissjóð.
Meðal verkefna sem ráðist verð-
ur í er ruslatínsla, gróðursetning,
ofaníburður og annað viðhald og
gerð útivistar- og útsýnisstígs auk
margra annarra verkefna.
Hundrað störf
Vinsælt Í fyrra lagði eigandi versl-
unar þökur á miðju ráðhústorgsins.
Í DAG, fimmtudag, hefjast fram-
kvæmdir við að tyrfa og skreyta
með blómum Ráðhústorgið á Akur-
eyri. Þá verða hátt í 400 fermetrar
af gæðaþökum lagðir á torgið og
verður undirlagið þannig úr garði
gert að grasið mun halda sínum
græna lit út sumarið. Í hádeginu á
föstudag er svo stefnt að því að
halda grillveislu á torginu.
Ráðhústorgið fær
grænt yfirbragð
Fréttir 11INNLENT
MORGUNBLAÐIÐ FIMMTUDAGUR 2. JÚLÍ 2009
Sérverslun með
FÁKAFENI 9 - (við hliðina á ísbúðinni)
Sími: 553 7060
w
w
w
.g
a
b
o
r.is
Ný sending
Skór & töskur
www.gabor.is
Verslaðu glæsilegan fatnað þar sem gæði og þjónusta skipta máli
GLÆSILEGUR SUMARFATNAÐUR
Laugavegi 63 • Sími 551 4422
FÉLAGIÐ Vantrú mótmælir harð-
lega í yfirlýsingu áframhaldandi
mismunun stjórnvalda í nýsam-
þykktum lögum um að sóknargjöld
þeirra sem tilheyra ekki trúfélagi
renni beint til ríkissjóðs. Vantrú
telur þennan gjörning ganga gegn
64. grein stjórnarskrárinnar um að
enginn sé skyldur til að inna að
hendi persónuleg gjöld til trúfélags
sem hann ekki á aðild að. „Ef þess-
um brotum á grundvallarmannrétt-
indum er ekki hætt er ekki annar
kostur í stöðunni en að höfða mál
gegn íslenska ríkinu til að fá rétt-
arstöðu okkar tryggða.“
Hörð mótmæli
Í JÚLÍ verður námskeiðið „Allt sem
þú vilt vita um Biblíuna“ haldið í
Hafnarfjarðarkirkju. Á námskeið-
inu verður Biblían skoðuð og reynt
að botna í henni. Leiðbeinandi er
séra Þórhallur Heimisson.
Námskeiðið verður haldið á
fimmtudögum í júlí, en það byrjar í
kvöld kl. 20. Námskeiðið er ókeypis
og öllum opið.
Morgunblaðið/Ómar
Allt sem þú vilt vita
um Biblíuna
STUTT
Eftir Önund Pál Ragnarsson
onundur@mbl.is
ENGAN bilbug er að finna á yfir-
völdum í Kópavogsbæ þegar kemur
að skipulagi svonefnds Glaðheima-
svæðis, þótt nokkuð hafi verið dregið
úr hugmyndum um byggingamagn.
Þar er í dag hesthúsahverfi, við bæj-
armörk Garðabæjar, en áform hafa
verið uppi um gríðarmikil mannvirki
og háhýsabyggð þar.
Deiliskipulag fyrir svæðið var
kynnt á borgarafundi í fyrradag, en
hann var að sögn heldur lítið sóttur.
Íbúar hafa frest til þess að gera at-
hugasemdir við deiliskipulagið fram
til 7. júlí næstkomandi.
Hæsta bygging landsins
Gert er ráð fyrir 126.000 fermetra
byggingamagni á svæðinu, þar af
24.500 fermetrum undir íbúðabyggð
fyrir um 660 manns, en afgangurinn
fer undir verslun og þjónustu.
Meðal annars kveður hið nýja
deiliskipulag á um 32 hæða turn und-
ir verslun og þjónustu, sem yrði
hæsta bygging landsins, tólf hæðum
hærri en turninn á Smáratorgi. Þá er
gert ráð fyrir grænum reitum inni á
milli, þeim stærsta um 5.000 fer-
metrum.
Þetta er um 30.000 fermetra
minnkun á áformuðu bygginga-
magni, frá því sem var í ársbyrjun
2008, þegar áætlaðar voru átta háar
byggingar á svæðinu. Þeim fyrirætl-
unum lagðist minnihluti Samfylking-
ar og VG í Kópavogi gegn á sínum
tíma.
Mun taka miklu lengri tíma
Gunnsteinn Sigurðsson, nýr bæj-
arstjóri í Kópavogi, segir vonlaust að
segja til um það hvað taka muni
langan tíma að raungera þetta skipu-
lag. „Þetta fór allt af stað síðasta
sumar, fyrir hrun, en síðan þá er
auðvitað allt breytt. Það eina sem ég
get sagt er að þetta mun taka mun
lengri tíma en menn áformuðu í
fyrstu og kannski verður meiri skipt-
ing á því hvernig verður farið í
þetta,“ segir Gunnsteinn. Gæti því
farið svo að því verði kaflaskipt með
einhverjum hætti hvernig svæðið
verður byggt upp í framtíðinni.
Enn gert ráð fyrir risaturni
 Deiliskipulag fyrir Glaðheimasvæðið í Kópavogi var kynnt á fundi í fyrradag
 126.000 fermetra byggingar ráðgerðar og 32 hæða turn með verslun og þjónustu
Mynd/Kópavogsbær
Háhýsi Enn er gert ráð fyrir 32 hæða þjónustu- og verslunarturni á Glað-
heimasvæðinu í Kópavogi. Fullbyggður yrði turninn hæsta hús á landinu.
Eftir Ingibjörgu B. Sveinsdóttur
ingibjorg@mbl.is
FYRSTU sex mánuði þessa árs
hafa 523 fengið útgefið E-303 vott-
orð til útlanda frá Vinnumálastofn-
un eða næstum tvöfalt fleiri en allt
árið í fyrra. Þá fengu 278 slíkt vott-
orð.
E-303 vottorðið gerir fólki kleift
að halda atvinnuleysisbótum sínum
í allt að þrjá mánuði meðan leitað er
að vinnu í öðru EES-landi.
Skilyrðið fyrir þessum rétti er þó
að menn hafi verið á bótum hér á
landi í að minnsta kosti fjórar vikur,
að sögn Jóngeirs Hlinasonar, deild-
arstjóra hjá Vinnumálastofnun.
Langflestir til Póllands
Langflestir þeirra sem fengið hafa
E-303 vottorð það sem af er þessu
ári eru þeir sem farið hafa til Pól-
lands eða 285 á móti 189 allt árið í
fyrra. „Það eru gegnumgangandi
Pólverjar sem fara til Póllands og
aðrir sem fara til Austur-Evrópu-
landa eru alla jafna einstaklingar
sem eru að fara heim til sín. Hins
vegar höfum við orðið vör við að
Pólverjar koma aftur en þeir eiga
rétt á að gera það innan þriggja
mánaða tímabilsins,“ segir Jóngeir.
Þeim sem fengið hafa E-303 vott-
orð vegna flutnings til Norður-
landanna hefur einnig fjölgað mikið
miðað við í fyrra. Fyrstu sex mán-
uði þessa árs héldu 65 til Danmerk-
ur með slíkt vottorð en 25 allt árið í
fyrra. Til Noregs hélt 61 fyrstu sex
mánuðina en 7 allt árið í fyrra. Nú
hafa 33 farið með slíkt vottorð til
Svíþjóðar en allt árið í fyrra voru
þeir 12.
„Það er mikill straumur til Norð-
urlandanna. Íslendingar fara ekki
til baltnesku ríkjanna í atvinnuleit
nema þeir þekki eitthvað til þar.
Þeir sækja til landa sem þeir
þekkja. Það er oftast þannig,“ bend-
ir Jóngeir á.
Fyrstu sex mánuði ársins hafa
2.189 fengið E-301 vottorð og eru
það næstum jafnmargir og allt árið í
fyrra en þá fengu 2.318 slíkt vott-
orð.
„Með E-301 vottorðinu fær fólk
staðfest að það hafi verið að vinna í
viðkomandi landi og greitt launa-
tengd gjöld og svo framvegis. Þetta
er yfirfærsla á réttindum,“ segir
Jóngeir.
Fleiri utan í
leit að vinnu
Mikill straumur til Norðurlandanna
Morgunblaðið/Kristinn
Minni vinna Fleiri fara út fyrir landsteinana í atvinnuleit en áður vegna
mikils skorts á atvinnutækifærum hér. Margir hafa haldið heim til sín.

 
   
 

 
     





 








!"
##$
!%
&'
'(
'#
#$
#"
'))! '))%


 
'))$  *