Morgunblaðið - 02.07.2009, Blaðsíða 33

MORGUNBLAÐIÐ FIMMTUDAGUR 2. JÚLÍ 2009
568 8000 – borgarleikhus.is – midasala@borgarleikhus.is
Söngvaseiður (Stóra sviðið)
Sannleikurinn (Litla sviðið)
Við borgum ekki, frábær skemmtun
Við borgum ekki (Nýja sviðið)
Uppsetning Nýja Íslands.
Söngvaseiður. Sala hafin á sýningar í haust.
Munið afslátt fyrir viðskiptavini Vodafone!
Fös 3/7 kl. 19:00 Ö Lau 11/7 kl. 19:00
Fös 3/7 kl. 20:00 Ö Fim 9/7 kl. 20:00
Fös 4/9 kl. 19:00 U
Lau 5/9 kl. 19:00 Ö
Sun 6/9 kl. 19:00 Ö
Mið 9/9 kl. 19:00 U
Fim 10/9 kl. 19:00 Ö
Fös 11/9 kl. 19:00
Fös 18/9 kl. 19:00 Ö
Lau 19/9 kl. 19:00 U
Sun 20/9 kl. 14:00 Ö
Lau 26/9 kl. 14:00 Ö
Eftir Jóhann Bjarna Kolbeinsson
jbk@mbl.is
„ÉG skemmti mér kannski aðeins of
vel fyrsta kvöldið mitt hér á Íslandi í
gær þannig að ég hef verið að drekka
mikið kaffi í dag. En sem betur fer er
kaffið sem hér er lagað bæði gott og
sterkt,“ segir bandaríski tónlistar-
maðurinn Joe Pug sem heldur tón-
leika á Rósenberg í kvöld. Pug er
heldur „ryðgaður“ þegar blaðamaður
nær tali af honum, enda hafði kapp-
inn málað bæinn rauðan kvöldið áður.
„Ég er á leiðinni til Noregs, þar
verð ég með tónleika á tónlistarhátíð
í Tromsö á laugardaginn. Umboðs-
maður minn hefur komið á Iceland
Airwaves og honum fannst tilvalið að
koma hingað í leiðinni og halda eina
tónleika,“ segir Pug þegar hann er
spurður hvers vegna hann ákvað að
halda tónleika hér á landi.
„En svo er þetta líka æðislegt land.
Ég hef bara einu sinni komið til Evr-
ópu, þá fór ég til Írlands. Ísland
minnir mig svolítið á það, að vera
svona nálægt hafinu og upplifa þetta
skapmikla veðurfar.“
Betri vinnutími
Pug er 25 ára gamall, fæddur og
uppalinn í Noður Karólínu, en hann
býr nú í Chicago. Ferill hans sem
tónlistarmaður hófst ekki fyrr en
síðla árs 2007.
„Mín fyrsta plata kom út fyrir um
það bil ári, en ég hef spilað á gítar og
samið lög miklu lengur. Ég fór hins
vegar ekki að taka tónlistina alvar-
lega fyrr en fyrir svona tveimur ár-
um. Ég hafði verið að semja leikrit en
varð leiður á því og fór þá að spila á
gítarinn aftur,“ segir Pug sem hefur
haft nóg að gera síðan áðurnefnd
plata, Nation of Heat, kom út.
„Frá því hún kom út hef ég nánast
verið á stöðugu tónleikaferðalagi, og
er búinn að spila út um öll Bandarík-
in og Kanada. Það hefur verið stór-
kostlegt. Á sama tíma í fyrra vann ég
sem smiður, en núna er ég tónlist-
armaður í fullu starfi. Það er miklu
skemmtilegra, vinnutíminn er til
dæmis miklu betri,“ segir hann og
hlær.
En kom þessi velgengi honum á
óvart?
„Já, á vissan hátt. Ég átti ekki von
á því að þetta myndi allt saman ger-
ast svona hratt. Ég hef hins vegar
mikið sjálfstraust sem hjálpar óneit-
anlega mikið.“
Undir áhrifum
Á þessum stutta tíma hefur Pug
spilað með nokkrum nafntoguðum
tónlistarmönnum, til dæmis þeim M.
Ward og Steve Earle. „Það var stór-
kostlegt, enda ólst ég upp við að
hlusta á tónlist Steves. Hann hefur
haft mikil áhrif á mig, auk þess sem
ég hef mikið hlustað á tónlist M.
Ward undanfarin ár. Þannig að það
var mikill heiður að fá að spila með
þeim,“ útskýrir hann.
Tónleikar Joe Pug verða á Rósen-
berg í kvöld og hefjast kl. 21, en þeir
Bob Justman og Snorri hita upp.
Miðaverð er 1.000 krónur og fer
miðasala fram á midi.is og í versl-
unum Skífunnar.
Þá má geta þess að Pug ætlar að
leika nokkur lög í verslun Máls og
menningar við Laugaveginn kl. 16.30
í dag. Aðgangur að þeim tónleikum
er ókeypis.
Skemmtilegra en að smíða
 Bandaríski tónlistarmaðurinn Joe Pug heldur tónleika á Rósenberg í kvöld
 Spilar í Máli og menningu í dag  Vann sem smiður þangað til á síðasta ári
Joe Pug Málaði bæinn rauðann á þriðjudagskvöldið og var nokkuð eftir sig þegar myndin var tekin í gær. Verður
líklegast í betra formi þegar hann kemur fram á Rósenberg í kvöld ásamt Bob Justman og Snorra.
www.myspace.com/thejoepug
Eftir Jóhann Bjarna Kolbeinsson
jbk@mbl.is
„VIÐ ætlum að fara í gegnum þessa
miklu sögu um spásögnina og getn-
aðinn,“ segir Benedikt Erlingsson
um nýtt verk, Jesú litla, sem hann
mun leikstýra í Borgarleikhúsinu á
næsta leikári. Verkið verður í anda
Dauðasyndanna sem sett var upp í
leikhúsinu á síðasta ári, og munu þau
Bergur Þór Ingólfsson, Halldóra
Geirharðsdóttir og Kristjana Stef-
ánsdóttir verða í trúðabúningum í
hlutverkum sínum í verkinu.
„Þetta er svipað og þegar þau settu
Dauðasyndirnar upp, þar voru þau
með Hinn guðdómlega gleðileik Dan-
tes sem grunn, en svo spunnu þau
sýninguna út frá honum. Á sama hátt
ætla þau að koma jólaguðspjallinu til
skila,“ segir Benedikt sem samdi
verkið í samvinnu við leikarana þrjá.
„Trúðarnir geta eitthvað sem við
venjulega fólkið getum ekki. Þeir ná
einhverri einlægni og stundum ná
þeir guðlegu, heimspekilegu sam-
bandi,“ segir Benedikt þegar hann er
spurður hvers vegna trúðar verði
settir í að túlka jólaguðspjallið.
„Halldóra og Bergur settu líka
píslarsögu Jesú upp sem svona
splatter-sýningu fyrir nokkrum ár-
um. Og ég veit að kirkjunnar menn
voru mjög óttaslegnir og fjölmenntu.
Þeir voru hins vegar yfir sig hrifnir,“
segir Benedikt sem á von á svipuðum
viðbrögðum nú.
„Það er okkar reynsla að hjá kirkj-
unni séu bæði víðsýnir og opnir ein-
staklingar. Enda er ekki ætlunin að
misbjóða þessu, það er bara verið að
fjalla um þetta af óvægnum sannleik.
En þetta er þó sýning fyrir fullorðið
fólk, ekki börn,“ segir hann að lokum.
Trúðar setja fæðingu frels-
arans á svið í Jesú litla
Morgunblaðið/Golli
Trúðar Halldóra og Bergur Þór í hlutverkum sínum í Dauðasyndunum.
Nýtt leikverk frumsýnt í Borgarleikhúsinu á næsta leikári
„Þetta er svona kántrí-skotin
þjóðlagatónlist sem byggist
fyrst og fremst upp í kringum
textana og ljóðin. Í flestum til-
fellum sem ég textann fyrst og
lagið svo,“ segir Pug þegar
hann er spurður hvernig tónlist
hann spili. Hvað helstu áhrifa-
valda varðar nefnir hann þá Bob
Dylan og John Hiatt og svo
yngri menn á borð við Elliot
Smith og Beck. „Þessi áhrif fara
svo öll í einn stóran graut.“
Beck og Bob Dylan
 Þjóðhátíðarlagið 2009 er samið
af Bubba Morthens eins og marg-
oft hefur komið fram. Lagið var á
þriðjudaginn frumflutt á Bylgjunni
og þó að litlum sögum fari af við-
tökunum er nær öruggt að lagið
muni hljóma ótt og títt þegar nær
dregur þessari stærstu útihátíð Ís-
lands. „Eyjan græna“ kallast lagið
og þar fer Bubbi yfir langa og
skrautlega sögu Vestmannaeyja. Á
meðal þeirra sem koma við sögu má
nefna Tyrkina (Alsírbúana) sem
gerðu þar strandhögg um árið, Ní-
non-bræður, Stjána sterka, Sibba
skæða, Magga skrallara og Bjössa í
Klöpp. Hvort ungviðið sem í ár
flykkist til Eyja kann nokkur deili á
þessu sómafólki er ekki víst en ljóst
er að vel verður tekið undir í við-
laginu og Heimaklettur með.
Eyjan græna og allir
sem þar bjuggu
Fólk
ÞEIR eða þær sem hafa átt þann draum
að sjá leikarann Magnús Jónsson á
sokkaböndum fá ósk sína uppfyllta á
næstunni, en hann hefur tekið að sér
hlutverk Frank N Furters í rokksöng-
leiknum Rocky Horror, sem verður
frumsýndur hjá Leikfélagi Akureyrar á
næsta leikári, nánar tiltekið í mars.
Leikstjóri uppfærslunnar verður Jón
Gunnar Þórðarson og mun hljóm-
 Þegar Rammstein troðfyllti
Laugardalshöll í tvígang sannaðist
eftirminnilega að Íslendingar eru
þungarokkshausar. Tugum saman
hafa þeir síðan farið á Wacken,
stærstu hátíð heims af því taginu,
undanfarin sumur og stækkar talan
sífellt, í fyrra fóru alls 80 kvikindi.
Íslensk sveit, Beneath, leikur þar í
ár í fyrsta sinn og því um að gera að
dratthalast af skerinu, enda engum
vært hér lengur hvort eð er. Nánari
upplýsingar um ferð þessa árs er að
finna á www.taflan.org.
Íslendingar flykkjast
á þungarokkshátíð
Leikarinn Magnús Jónsson verður
Frank N Furter í Rocky Horror.
Magnús á sokkaböndum
sveit undir stjórn Andreu Gylfadóttur
sjá um tónlistarflutning á sýningunni.
Jafnframt er búið að ráða í önnur
hlutverk sýningarinnar. Eyþór Ingi
Gunnlaugsson, sigurvegari í Bandinu
hans Bubba, fer með hlutverk hins ít-
urvaxna Rockys, Bryndís Ásmundsdóttir
leikur þjónustustúlkuna Columbiu, Jó-
hann G. Jóhannsson verður Riff Raff og
Guðmundur Ólafsson Dr. Scott. Þá verða
þau Jana María Guðmundsdóttir og Atli
Þór Albertsson í hlutverkum hinna sið-
prúðu Brads og Janet.