Morgunblaðið - 22.08.2009, Síða 2

2 FréttirINNLENT
MORGUNBLAÐIÐ LAUGARDAGUR 22. ÁGÚST 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Magnús Halldórsson
magnush@mbl.is
ÞRÁTT fyrir erfiðleika vegna hruns
bankanna og kreppunnar sem það
hefur framkallað, eru Íslendingar
ennþá hamingjusöm þjóð. Þetta er
niðurstaða nýrrar rannsóknar sem
Lýðheilsustöð gerði og var til um-
fjöllunar á ráðstefnu á vegum Lýð-
heilsustöðvar, heilbrigðis-, félags-,
menntamálaráðuneytisins, Háskóla
Íslands, Háskólans í Reykjavík og
Velferðarsjóðs barna, um velferð ís-
lenskra barna.
Samkvæmt niðurstöðum könnun-
arinnar eru þeir sem spurðir voru
sammála um mikilvægi þess að mál-
efni barnafjölskyldna, barna og ung-
menna, verði höfð í forgangi.
Í könnuninni kemur fram að ungt
fólk á aldrinum 18 til 24 ára telur sig
oftar verða reitt nú en skömmu eftir
hrun. Um mánaðamótin október/
nóvember í fyrra sögðust 21,3 pró-
sent finna fyrir því að verða oftar
reið en um 30 prósent sögðust finna
oftar fyrir reiði um mánaðamótin
maí/júní. Mengi þeirra sem sögðust
sjaldnar finna fyrir reiði stækkaði þó
einnig á fyrrnefndu tímabili. Um
mánaðamótin október/nóvember
sögðust 14,7 prósent sjaldnar finna
til reiði, en um mánaðamótin maí/
júní var sú tala komin upp í 25 pró-
sent.
Hamingjan mælist átta að meðal-
tali, á skalanum 0-10, samkvæmt
könnuninni. Það er svipað og mælst
hefur undanfarin tvö ár.
Sé horft til síðustu þrjátíu ára hef-
ur hamingjan hjá Íslendingum
mælst mest árið 2003, þegar hún var
tæplega 9 á fyrrnefndum skala.
Þá heldur traust ungs fólks á aldr-
inum 18 til 24 ára á Þjóðkirkjuna
áfram að dvína. Það mældist um 35
prósent um mánaðamótin október/
nóvember en um mánaðamótin maí/
júní mældist traustið um 20 prósent.
Traustið á bankakerfinu í landinu
hjá sama hópi hefur einnig minnkað
mikið eða úr um 5 prósentum í haust
niður í ekkert nú.
Ennþá hamingjusöm
 Niðurstöður rannsókna Lýðheilsustöðvar segja Íslendinga enn hamingjusama
þrátt fyrir kreppuna  Fleiri segjast þó reiðast oftar nú en skömmu eftir hrun
» Traust á dómskerfinu meira nú en í haust
» 20 prósent ungs fólks ber traust til Alþingis
» Hamingjan mælist um 8 á skalanum 0-10
» Enginn ber traust til bankakerfisins
ALLS hafa 11.136 skráð sig til þátttöku í Reykja-
víkurmaraþon Íslandsbanka sem fram fer í dag.
Það er svipaður fjöldi og í fyrra, en þá voru
hlaupararnir 11.265 talsins. Gert er ráð fyrir að
skráningum fjölgi í dag, sérstaklega í Lata-
bæjarhlaupið, sem hefst kl. 12.40 í Hljómskála-
garðinum með upphitum Íþróttaálfsins og Sollu
stirðu. Alls ætla 670 að hlaupa heilt maraþon,
þ.e. rúmlega 42 kílómetra.
11.136 SKRÁÐIR Í REYKJAVÍKURMARAÞONIÐ
Morgunblaðið/Eggert
BJÖRGUNARSVEITIR Slysavarnarfélagsins Lands-
bjargar komu ferðafólki til aðstoðar í slæmu norðanveðri
á svæðinu norðan Vatnajökuls í gærdag. Göngumaður
var í vandræðum nærri Gæsavötnum, óttast var um hjól-
reiðamann í Dyngjufjalladal og fólk sat fast í bíl við Kistu-
fell. Björgunarsveitir í Þingeyjarsýslu voru kallaðar út,
en sneru við þegar borist hafði aðstoð frá fólki á svæðinu.
Tindarnir eru hvítir
„Hér hefur gengið á með éljum í dag en inn á milli er
besta veður. Hæstu fjallatindar eru hvítir og hitastig í
dag hefur verið um og yfir frostmark,“ sagði Óskar Ing-
ólfsson landvörður í Kverkfjöllum í samtali við Morg-
unblaðið. Í Kverkfjöllum voru rúmlega 25 manns í fyrri-
nótt.
Að sögn Einars Sveinbjörnssonar veðurfræðings eru
norðanskot eins og það sem gekk yfir í fyrrinótt og gær-
dag ekki óalgeng. Á hálendinu geti snjóað á öllum tímum
árs, ekki síst á úthallandi sumri. Hann segir engin veðra-
brigði þó í kortunum, um helgina hlýni með lægð úr suðri
en svo snúist aftur í NA-átt með mildu lofti.
Í gærkvöld fóru björgunarsveitarmenn úr Biskups-
tungum og Hreppum og sóttu slasaðan mann í fjallaskál-
ann við Þverbrekknamúla á Kili. Sá var talinn hafa farið
úr axlarlið en var að öðru leyti ekki alvarlega meiddur.
Maðurinn var fluttur undir læknishendur. sbs@mbl.is
Norðanskot á hálendinu
og fólk í vanda statt
Morgunblaðið / RAX
Herðubreið Veður á NA-hálendinu var rysjótt og fólk
lenti í hrakningum, en allir komust þó í áfangastað.
 Óttast um fólk  Élja-
gangur  Mildu veðri spáð
ÍSLENSK
stjórnvöld skoða
nú að höfða mál á
hendur þeim sem
stofnuðu til Ice-
save-reikning-
anna í Bretlandi
og Hollandi,
Landsbankanum
og forsvars-
mönnum hans.
Þetta staðfesti
Steingrímur J. Sigfússon í samtali
við mbl.is í gær.
Steingrímur sagði ennfremur að
reynt yrði eftir fremsta megni að
endurheimta sem mest af því fé sem
hefði verið lagt inn á Icesave-
reikningana og lánað út til fyrir-
tækja, hér á Íslandi og erlendis.
Steingrímur J. Sigfússon fjár-
málaráðherra sagðist ekki geta sagt
mikið til um hversu langt málið væri
komið. „Ég vil nú ekki tjá mig um
þessi mál, en ég get þó staðfest að
það [málsókn á hendur forsvars-
mönnum Landsbankans, innsk.
blm.] er eitt af því sem er í skoðun.“
Málin eru meðal annars í skoðun
hjá ríkislögmanni en unnið er að því
heildstætt, meðal annars innan fjár-
málaráðuneytisins, að kanna með
nákvæmum hætti hvernig unnt er
að gæta hagsmuna ríkisins sem
best. Meðal annars hafa úrræði
skattayfirvalda verið efld. Hjá Al-
þingi er nú frumvarp til meðferðar
sem gerir ráð fyrir heimild skatt-
rannsóknarstjóra til að kyrrsetja
eignir.
Icesave-
málsókn
könnuð
Stjórnvöld vilja
skaðabætur
Meira á mbl.is
Ríkið í mál vegna Icesave.
Steingrímur J.
Sigfússon
FÓÐURBLANDAN hyggst hækka
tilbúið fóður um allt að 4%, misjafnt
eftir tegundum. Ástæðan er hækkun
á hráefnum erlendis og veikt gengi
íslensku krónunnar.
Allt fóður sem fyrirtækið selur er
íslensk framleiðsla en fyrirtækið
notar til sinnar framleiðslu innlend
hráefni ásamt innfluttu.
Fóður hækk-
ar um 4%
LÖGREGLU hafa borist nokkrar
vísbendingar vegna bruna Land
Rover-jeppa við hús við Laufásveg í
Reykjavík aðfaranótt sl. þriðjudags.
Talið er að kveikt hafi verið í bílnum,
en upptökur úr eftirlitsmyndavélum
sýna þrjá menn, sem eru sterklega
grunaðir um verknaðinn.
Menn á stjákli
Myndskeið, sem sýnir menn á
stjákli við bílinn og húsið, var sýnt á
mbl.is og sjónvarpsstöðvunum í gær.
Strax í kjölfar þess bárust lögreglu
ábendingar. Aðalvarðstjóri treysti
sér þó ekki til að leggja dóm á hve
bitastæðar þær væru. Rannsóknar-
deild myndi vinna úr þeim eins og
öðrum upplýsingum sem fyrir liggja.
Lögreglan telur að mennirnir þrír,
sem grunaðir eru um verknaðinn,
hafi verið á bláleitri Audi A6 eða VW
Ábendingar vegna
bílbruna hafa borist
Þrír menn sáust í eftirlitsmyndavélum
Meira á mbl.is
Kveikt var í Range Rovernum
Passat-bifreið. Samkvæmt mynd-
skeiðum hafi bifreiðin komið akandi
inn Laufásveg frá gatnamótum Bar-
ónsstígs og Laufásvegar en síðan
snúið við og lagt við sömu gatnamót.
Þaðan hafi mennirnir komið gang-
andi í áttina að húsinu þar sem um-
ræddri Range Rover-bifreið var lagt
í innkeyrslu. Þaðan sáust þeir hlaupa
í burtu. Síðar komu lögreglu- og
slökkvibílar á vettvang en þá var
Range Rover-inn orðinn alelda.
Bíllinn var í eigu Stefáns H. Hilm-
arssonar, fyrrverandi fjármálastjóra
Baugs. Fjölmargir áhrifamenn í at-
vinnu- og fjármálalífi hafa orðið
mjög fyrir barðinu á skemmdarvörg-
um að undanförnu. sbs@mbl.is