Morgunblaðið - 19.09.2009, Blaðsíða 8
8 FréttirINNLENT
MORGUNBLAÐIÐ LAUGARDAGUR 19. SEPTEMBER 2009
LÖGRÉTTA, félag laganema við
Háskóla Íslands, heldur málfund á
mánudag nk. kl. 13-14 í Ofanleiti 2,
stofu 405. Yfirskrift fundarins er
„Kyrrsetning eigna vegna gruns
um refsiverða háttsemi skattaaðila:
Réttmætt inngrip skattayfirvalda?“
Framsögumenn á fundinum
verða Haraldur Steinþórsson, Sím-
on Þór Jónsson og Sigurður Tómas
Magnússon.
Málfundur um
kyrrsetningu eigna
HÓPUR pólskra framhalds-
skólanema hefur undanfarið verið
í heimsókn í Framhaldsskólanum í
Austur-Skaftafellssýslu. Skólinn
hefur verið í miklum samskiptum
við aðra skóla í Evrópu og Pólland
er nýjasta viðbótin. Um er að ræða
tíu nemendur frá bænum Debica í
Póllandi og hafa þeir búið á heim-
ilum jafnaldra sinna á Hornafirði.
Með hópnum fylgja fjórir kennarar
sem hafa tekið að sér gestakennslu
í ýmsum greinum FAS í vikunni.
Pólsku nemarnir vöktu athygli
fyrir fjölbreytta hæfileika á mörg-
um sviðum. Á sérstakri Póllands-
kynningu á fimmtudag sl. mátti
t.d. sjá pólska þjóðdansa, fim-
leikasýningu, fjölbragðaglímu,
eldgleypa og ýmsar sirkuskúnstir.
Fyrirhugað er að gestgjafarnir
endurgjaldi heimsóknina og fari í
ferð til Póllands í mars á næsta
ári.
Pólskir dagar
Í DAG, laugardag, verður réttar-
dagur í Grindavík. Markaður verð-
ur á svæðinu þar sem fólk getur
keypt ýmsar handunnar vörur, t.d.
skartgripi, sultur, áletruð kerti og
fleira. Júdódeild UMFG verður með
kjötsúpu á boðstólum. Starfsfólk á
leikskólanum Króki verður með
kaffisölu og fer ágóðinn í að fjár-
magna námsferð þess. Einnig verð-
ur boðið upp á ratleik. Hestar verða
í reiðhöllinni og geta börnin fengið
að fara á bak. Markaðurinn hefst
kl. 13.
Réttardagur í
Grindavík
REKSTRARFÉLAG Sarps sf. hefur
samið við Þekkingu hf. um smíði á
nýrri útgáfu af upplýsingakerfinu
Sarpi sem er sérsmíðað kerfi fyrir
menningarsögulegar upplýsingar
hérlendis m.a. fyrir muni, myndir,
fornleifar, hús og þjóðhætti. Sarp-
urinn á sér rúmlega 10 ára sögu og
hafa um 40 stofnanir og söfn tekið
hann í notkun. Rúmlega 900 þúsund
færslur eru nú í safninu.
Upplýsingakerfi
STUTT
Eftir Steinþór Guðbjartsson
steinthor@mbl.is
STEINGRÍMUR J. Sigfússon fjár-
málaráðherra segir að Íslendingar
hafi verið í góðu sambandi við Breta
og Hollendinga vegna Icesave-
málsins. Embættismenn hafi farið
vel yfir málið og í gær hafi sendi-
herrum ríkjanna verið gerð grein
fyrir viðbrögðum íslenskra ráða-
manna við hugmyndum Breta og
Hollendinga um lausn málsins. „Við
erum á því stigi núna,“ segir hann.
Aðeins hugmyndir
Hugmyndirnar voru kynntar fyrir
þingnefndum auk þess sem þing-
flokkarnir fjölluðu um þær, en
stjórnarandstaðan brást hart við
þeim. Til dæmis ályktuðu þing-
flokkar Framsóknarflokksins og
Sjálfstæðisflokksins að höfnuðu
Bretar og Hollendingar fyrirvör-
unum tæki ríkisábyrgð ekki gildi.
Steingrímur segir það með ein-
dæmum hvernig viðbrögð stjórn-
arandstöðunnar hafi verið vegna
þess að fyrir liggi eingöngu hug-
myndir Breta og Hollendinga sem
þeir hafi spilað út sem mögulegum
viðbrögðum af sinni hálfu við af-
greiðslu Alþingis. Þeir hafi viljað
kynna íslenskum stjórnvöldum þess-
ar hugmyndir til þess að fá tilfinn-
ingu fyrir því hvort þar væri að finna
mögulegan efnivið í lausn. Þeir hafi
unnið þetta afar varfærnislega og
vildu helst fá viðbrögð áður en málið
kæmist á formlegt stig. „Það er
stundum talað um svona ekki-
pappíra sem hverfa ef þeir reynast
ekki þjóna sínum tilgangi og í raun
og veru eru hugmyndir þeirra þess
eðlis,“ segir Steingrímur.
Spurður hvort hugmyndir Breta
og Hollendinga feli í sér lausn máls-
ins svarar Steingrímur: „Við teljum
að það sé að sjálfsögðu jákvætt að
þeir hafi brugðist við. Þeir hafa lagt í
þetta vinnu og í þeirri vinnu ganga
þeir út frá afgreiðslu Alþingis.“
Hann bætir við að margt hafi verið
missagt í umræðum um málið. „Það
þjónar engum uppbyggilegum til-
gangi að rjúka til og túlka þessa
hluti úr samhengi og gera þeim
hærra undir höfði en efni standa til.
Ég er eiginlega alveg gáttaður á
því.“ Hann segir að ekki hafi komið
fram efnislega rétt mynd af hug-
myndunum auk þess sem viðbrögðin
væru ótímabær miðað við stöðu
málsins.
En af hverju eru hugmyndirnar
ekki gerðar opinberar, sagt frá því
um hvað málið snýst? „Einfaldlega
vegna þess að menn eru að þreifa
fyrir sér með hugmyndir af þessu
tagi og þær eru settar fram sem
hugmyndir. Þetta er eins og menn
séu að þreifa fyrir sér í sögnum á
neðstu sagnstigum í brids. Það er
ekki það sem gildir að lokum heldur
endasögnin.“
Lögin standa
Steingrímur segir að í umræðunni
hafi eitt aðalmálið gleymst, það að
finna á málinu lausn og koma því í
höfn. „Það er eins og það gleymist í
hita leiksins að þetta snýst auðvitað
allt um það,“ segir hann. Spurður
hvort Íslendingar séu að brenna inni
í málinu minnir Steingrímur á að
komið sé fram yfir miðjan sept-
ember. „Okkur er það brýn nauðsyn
að koma hlutunum hér áfram og það
er margt þessu tengt.“
Að sögn Steingríms liggur ekki
fyrir hvort Alþingi þurfi að taka mál-
ið fyrir á ný. „Það er ekki hægt að
segja til um það endanlega,“ segir
hann. „Það fer eftir því á hvaða
grunni möguleg lausn í þessu yrði
byggð. Ég tel að það séu yfirgnæf-
andi líkur á því að það þurfi ekki að
breyta lögunum sjálfum. Þau standa
og út frá þeim er gengið. Það þýðir
ekki að sá möguleiki sé ekki til stað-
ar að einhvers konar staðfesting
þingsins á endanlegri niðurstöðu
geti ekki samt þurft að koma til. Það
þarf ekki að þýða að það þýði breyt-
ingu á lögunum sjálfum.“
Sáttur við þróun mála
Steingrímur J. Sigfússon fjármálaráðherra segir að það séu yfirgnæfandi líkur
á því að ekki þurfi að breyta lögunum „Þau standa og út frá þeim er gengið“
Morgunblaðið/Árni Sæberg
Fulltrúar Alp Mehnet, fyrrverandi sendiherra Breta á Íslandi, kemur af
fundi með íslenskum ráðamönnum í stjórnarráðinu.
Í HNOTSKURN
» Steingrímur J. Sigfússonfjármálaráðherra segir að
engir pappírar sem slíkir fari
enn á milli þjóðanna vegna
Icesave-málsins heldur sé um
stöðug samskipti að ræða til
að finna lausnina.
» Síðdegis í gær átti Stein-grímur fundi með sendi-
herrum Breta og Hollendinga
um málið. „Þeir eru vel upp-
lýstir um hvernig þetta snýr
að okkur,“ segir hann.
» Ég er þokkalega sátturvið þróun mála,“ segir
Steingrímur.
Um 1,3 millj-
arðar evra og
um 2,3 millj-
arðar punda
eða um 800
milljarðar
króna falla á
Tryggingasjóð
innistæðueig-
enda 23. októ-
ber næstkom-
andi. Gylfi
Magnússon viðskiptaráðherra von-
ar að samkomulag náist við Breta
og Hollendinga fyrir þann tíma.
Gylfi Magnússon bendir á að
tryggingasjóðir innistæðueigenda
í Bretlandi og Hollandi hafi greitt
innistæðueigendum og því sé ver-
ið að ræða við sjóðina frekar en við
innistæðueigendur.
„Við miðum við að samningar
náist við Breta og Hollendinga,“
segir viðskiptaráðherra. „Það er
kannski ekki rétt á þessu stigi að
vera með einhverjar vangaveltur
eða getgátur um hvað gerist ef
það gengur ekki eftir.“
Um 800 milljarðar gjaldfalla 23. október
Bjartsýnn Gylfi
Magnússon