Morgunblaðið - 19.09.2009, Blaðsíða 14

14 FréttirINNLENT
MORGUNBLAÐIÐ LAUGARDAGUR 19. SEPTEMBER 2009
TALSVERT færri stunduðu nám við
Háskóla Íslands, HÍ, í sumar en búist
hafði verið við. Tæplega 1.200 skráðu
sig í sumarnámið en þeir hófu þó ekki
allir nám. Boðið var upp á 35 nám-
skeið.
„Það var þó ekki hægt að halda þau
öll vegna ónógrar þátttöku. Ef lág-
marksfjöldi náðist ekki var námskeið
ekki haldið,“ segir Kristín Ingólfs-
dóttir, rektor Háskóla Íslands.
Hún segir 732 hafa skráð sig í próf
en af þeim hafi 600 þreytt próf. Marg-
ir þeirra hafi farið í fleiri en eitt próf.
„Þetta var allt minna en við bjugg-
umst við, bæði þátttakan í nám-
skeiðum og prófum. En við lítum já-
kvætt á það. Atvinnuástand stúdenta
reyndist ekki jafnerfitt og á horfðist,“
segir Kristín.
Hún tekur það fram að háskólinn
hafi verið opinn í sumar og að talsvert
hafi verið um að nemendur hafi unnið
að ritgerðum og rannsóknarverk-
efnum.
Nokkrir kennarar kenndu á nám-
skeiðum og leiðbeindu nemendum án
þess að taka greitt fyrir það, að sögn
Kristínar.
Gert var ráð fyrir því að Háskóli
Íslands fengi um helminginn af 100
milljóna króna framlagi til allra há-
skólanna vegna sumarnáms þar sem
útlit var fyrir að það yrði mest þar, að
því er Kristín greinir frá.
„Þetta verður gert upp í lokin. Við
fáum bara greitt fyrir það sem fór
fram,“ segir hún.
Háskólinn á Akureyri bauð upp á
25 námskeið. Alls skráðu 150 nem-
endur sig á sumarnámskeið, að sögn
Steinunnar Aðalbjarnardóttur, verk-
efnastjóra á fjármála- og starfs-
mannasviði. Hún segir nemendurna
hafa verið heldur fleiri en búist hafði
verið við. 10 nemendur skráðu sig úr
öllum námskeiðum en 25 skráðu sig
úr einhverju námskeiði.
ingibjorg@mbl.is
Færri í
náminu
en vænst
Morgunblaðið/Eggert
Við lestur Þátttaka í námi og próf-
um við HÍ minni en búist var við.
1.200 skráðu sig í
sumarnám HÍ
Eftir Björn Jóhann Björnsson
bjb@mbl.is
„ÉG hafði reynslu af því að vera atvinnulaus áður og
vissi að maður getur verið fljótur að detta niður andlega.
Ég var ákveðin í að fara ekki þá leiðina heldur skapa mér
fasta punkta í tilverunni,“ segir Anna Henriksdóttir sem
hefur verið atvinnulaus síðan í janúar, er hún missti starf
sitt sem tækniteiknari hjá THG-arkitektum. Eins og
fram kom í blaðinu í gær hefur þeim fjölgað jafnt og þétt
sem eru án atvinnu lengur en sex mánuði, eru nú orðnir
um sjö þúsund talsins.
Önnu hefur ekkert orðið ágengt í atvinnuleit sinni,
þrátt fyrir að senda inn fjölda atvinnuumsókna. Fæstum
þeirra hefur verið svarað. Hún hefur verið þeim mun
duglegri að nýta sér þá þjónustu og úrræði sem stétt-
arfélag hennar, VR, hefur boðið upp á fyrir atvinnulausa
félagsmenn sína. VR hefur einnig verið í samstarfi við
aðra aðila, eins og Hlutverkasetrið og verkefnið Nýttu
kraftinn, og Anna segist hafa sótt nokkur námskeið þar.
Er reyndar orðin svo virk í þessu starfi að hún hefur tek-
ið að sér kennslu í magadansi og hlaupið í skarðið fyrir
kennara á myndlistarnámskeiði, en Anna lærði myndlist
í gamla Myndlista- og handíðaskólanum. Áður en hún fór
að starfa sem tækniteiknari fyrir níu árum hafði hún
kennt leikfimi og fimleika í mörg ár. Einnig kennt öldr-
uðum leikfimi og verið leiðbeinandi í kraftgöngu.
Kynnist fleira fólki í sömu stöðu
Anna segir námskeiðin hafa verið mjög gagnleg, sem
hún hefur sótt, og hvetur alla atvinnulausa til að nýta sér
öll þau úrræði sem stéttarfélög og fleiri aðilar bjóða upp
á. Þannig hefur Anna einnig farið á myndlistarnámskeið
í Norræna húsinu á vegum japanska sendiráðsins og sótt
námskeið í Rauða kross húsinu um hvernig eigi að reka
fyrirtæki og vinna viðskiptaáætlanir. „Dagskráin hefur
því verið mjög þétt hjá mér. Þetta styttir manni stund-
irnar um leið og maður sækir sér aukinn fróðleik og
skemmtun. Maður kynnist fleira fólki í svipaðri stöðu,
fær líka fleiri hugmyndir og líður mun betur,“ segir
Anna. Hún hefur ekki látið námskeiðin duga heldur einn-
ig skráð sig í kvöldskóla í Menntaskólanum við Hamra-
hlíð. Þá stefnir hún að kennaranámi í Listaháskólanum
ef atvinnuleitin ber ekki árangur í vetur.
Anna hefur hún tekið upp penslana að nýju og málað
olíumálverk, vatnslitaverk og teikningar, og ætlar að
hafa opið hús í vinnustofu sinni í bílskúrnum að Digra-
nesvegi 18a á morgun fyrir ættingja, vini og kunningja.
Ákveðin í að skapa mér
fasta punkta í tilverunni
Anna Henriksdóttir hvetur þá sem eru atvinnulausir eins og
hún að nýta sér öll þau námskeið og viðburði sem bjóðast
ÞAÐ verður nóg um að vera á Flúð-
um og nágrenni um helgina en þá fer
þar fram hátíðin „Matarkistan
Hrunamannahreppur“. Á uppskeru-
hátíðinni geta gestir keypt hluta af
þeim fjölbreyttu vörum sem fram-
leiddar eru í hreppnum. Í boði verð-
ur fjölbreytt úrval af glænýju ís-
lensku grænmeti og matvælum
beint úr sveitinni; lambakjöt, nauta-
kjöt, svínakjöt, lax, silungur, brodd-
ur, egg, hunang, vínber og mjólkur-
vörusmakk. Salan fer fram í
Félagsheimilinu á Flúðum frá kl. 13 í
dag.
Sigurður Sigmundsson ljósmynd-
ari verður með ljósmyndasýningu í
tengslum við uppskeruhátíðina.
Uppskeru-
hátíð í Hruna-
mannahreppi
Morgunblaðið/G.Rúnar
Flúðir Mikið af grænmeti er ræktað
á Flúðum og nærsveitum.
HUGLEIÐSLUSKÓLINN Lótushús
stendur fyrir hugleiðslustund í
Salnum í Kópavogi á morgun,
sunnudag, undir yfirskriftinni Innri
styrkur - innri vernd. Þar verða
hugleiðslur og lifandi tónlist í um-
sjón Ólafar Arnalds og Hallfríðar
Ólafsdóttur. Dagskráin, sem hefst
kl. 17 og er öllum opin án endur-
gjalds, er liður í alþjóðlegu verk-
efni þar sem hugleiðslumiðstöðvar í
yfir 100 löndum sameinast í að
skapa friðsælt andrúmsloft í tilefni
friðardags Sameinuðu þjóðanna.
Að sögn Þóris Barðdals og Sigrún-
ar Olsen hjá Lótushúsinu er mark-
miðið að gefa sem flestum færi á að
stíga um stund út úr amstri hvers-
dagsleikans og „upplifa þann frið
og styrk sem býr innra með hverri
manneskju“ eins og þau orða það.
Morgunblaðið/Ásdís
Kyrrðarstund Þórir Barðdal og Sig-
rún Olsen stýra Lótushúsinu.
Hugleiðsla
í Salnum
Eins og kemur fram hér til hliðar
hefur Anna verið dugleg að nýta
sér þau námskeið og viðburði
sem VR býður atvinnulausum fé-
lagsmönnum sínum upp á, m.a. í
samstarfi við Hlutverkasetrið og
verkefnið Nýttu kraftinn. Anna
hvetur atvinnulausa til að nýta
sér þessa þjónustu, sem og hjá Rauðakrosshúsinu
og fleiri aðilum sem hafa boðið upp á margs konar
úrræði og fræðslu fyrir atvinnulausa. Nýttu kraftinn
er verkefni sem Sigríður Snævarr sendiherra og
María Björk Óskarsdóttir viðskiptafræðingur komu á
fót og Elín Ebba Ásmundsdóttir stýrir Hlutverka-
setrinu. Sjá nánari upplýsingar á vefsíðunum
www.vr.is, www.hlutverkasetur.is og www.nyttukraft-
inn.is.
Margskonar þjónusta í boði
Morgunblaðið/Heiddi
Jákvæð Anna Henriksdóttir tók upp penslana að nýju og fór að mála myndir í bílskúrnum sínum í Kópavogi.
Eftir Önnu Sigríði Einarsdóttur
annaei@mbl.is
VERÐI lögmaður persónulega
gjaldþrota verður hann að sæta
sviptingu málflutningsréttinda af
hálfu dómsmálaráðuneytis. Engra
slíkra aðgerða er hins vegar gripið til
verði hlutafélög í eigu lögmannsins
gjaldþrota. Þetta staðfestir Ingimar
Ingason, framkvæmdastjóri Lög-
mannafélags Íslands.
Ástæðu þessa segir Ingimar þá að
það séu hlutafélaga- og einkahluta-
félagalög sem kveða á um rekstur
fyrirtækja, hvort sem þau eru í eigu
lögmanna eða annarra, en lög-
mannalögin gildi um þær persónu-
legu kröfur sem gerðar eru til lög-
manna.
Hlutafélagalögin gilda því um fyr-
irtæki lögmannsins Björns Þorra
Viktorssonar, sem fréttastofa RÚV
greindi frá á miðvikudag að skipt
hefði verið um kennitölu á.
Lýtur sömu lögmálum
„Það gilda sömu lög um rekstur
hlutafélaga hvort sem þau lúta að
rekstri lögmannsstofa eða annarrar
starfsemi,“ segir Ingimar.
Fjárhagslegir hagsmunir skjól-
stæðinga lögmanna njóta hins vegar
verndar. Er það gert með því að að-
skilja fjárhag lögmannsstofunnar frá
fjármunum skjólstæðinga hennar og
verða þeir fjármunir ekki teknir inn í
gjaldþrotaskipti.
„Þetta er skilyrðislaus skylda og
Lögmannafélaginu ber skylda til að
kanna fjárvörslu sjálfstætt starfandi
lögmanna sem eru með fé annarra í
sínum höndum.“ Árlega þurfa sjálf-
stætt starfandi lögmenn líka að skila
inn til félagsins skýrslu, staðfestri af
löggiltum endurskoðanda, um að
samræmi sé á milli viðskiptamanna-
bókhalds og fjárvörslureikningsins.
Gjaldþrot ekki algeng
Ingimar segir ekki mörg dæmi um
að lögfræðingar hafi orðið gjaldþrota
sl. áratug og honum er ekki kunnugt
um að lögmannsstofa hafi orðið
gjaldþrota á þeim tíma. Lögmanna-
félagið sé hins vegar yfir 800 manna
félag og lögmenn þurfi að taka á sig
skelli við núverandi efnahagsaðstæð-
ur rétt eins og aðrir. „Við erum ekk-
ert undanskilin þessum áföllum.“
Ekki undaskilin áföllum
 Ekki sömu lög um persónulegt gjaldþrot lögmanns og fyr-
irtækis í hans eigu  Vörslufé undanskilið gjaldþrotakröfum
Nóatúni 4 · Sími 520 3000
www.sminor.is
Sölusýning
Fjöldi tilboða í
tilefni dagsins.
Verið velkomin
í verslun okkar
að Nóatúni 4.
í dag frá kl.
10 til 16.