Morgunblaðið - 24.09.2009, Side 15

Fréttir 15INNLENT
MORGUNBLAÐIÐ FIMMTUDAGUR 24. SEPTEMBER 2009
FRÉTTASKÝRING
Eftir Ágúst Inga Jónsson
aij@mbl.is
HÁTT í 50 starfsmenn Suðurverks
munu í vetur vinna á dagvöktum við
framkvæmdir við höfnina á Bakka-
fjöru. Þegar mest var unnu þar um
110 manns á vöktum allan sólar-
hringinn. Stórvirk tækin voru í stans-
lausri notkun, en nú hefur aðeins ver-
ið hægt á. Garðarnir eru nánast
komnir í fulla lengd og verkið er
mánuði á undan áætlun.
Samningurinn við Suðurverk um
hafnargerðina var upp á 1.868 millj-
ónir, en vegna verðbóta munu
greiðslur til þeirra fara yfir 2,2 millj-
arða. Samið var við Landgræðsluna
um uppgræðslu á svörtum sandinum.
Alls verða græddir upp hátt í 600
hektarar og verður kostnaður um
300 milljónir. Eftir byrjunarörðug-
leika hefur gengið vel í sumar.
Á næstunni verða boðin út fleiri
verkefni við Landeyjahöfn, sam-
kvæmt upplýsingum Sigurðar Áss
Grétarssonar hjá Siglingastofnun.
Rennan inn í höfnina verður dýpkuð,
aðstaða byggð í landi og ef fjármunir
endast verður farið í lokafrágang
með malbikuðum bílastæðum, gróð-
ursetningu og hellulögn.
Núna er unnið við að loka end-
unum á varnargörðunum og einnig
við að grjótverja ytri varnarkápu á
austurgarðinum. Skeifulaga garð-
arnir eru nánast komnir í fulla lengd
og eftir um það bil mánuð verður
byrjað að loka görðunum í fullri hæð
frá ytri endum í land, að sögn Ey-
steins Dofrasonar, verkefnisstjóra
hjá Suðurverki.
Garðarnir eru hvor um sig um 650
metrar að lengd. Þar sem þeir eru
hæstir ná þeir 20 metra hæð frá botni
og breidd þeirra á botninum undir
garðhausunum er um 100 metrar.
Herjólfur ekki framtíðarlausn
Bryggja fyrir Vestmannaeyjaferj-
una verður í höfninni vestanverðri og
verður hún að hluta til grafin inn í
landið. Milli garðanna verður nægj-
anlegt snúningspláss fyrir ferjuna og
eitt viðlegupláss. Verkið á að vera
tilbúið 1. júlí næsta sumar. Tíma-
bundið hefur verið horfið frá því að
kaupa nýja ferju og mun Herjólfur
sigla á milli lands og Eyja.
Skipið er þó ekki varanleg lausn
því fyrir framan höfnina er sandrif
sem aldan brotnar á og við ákveðnar
aðstæður ristir Herjólfur of djúpt.
Innsiglingin til Landeyjahafnar hef-
ur hins vegar verið að dýpka af nátt-
úrulegum orsökum. Það skapar
möguleika til notkunar Herjólfs
tímabundið til siglinga á milli Eyja og
Landeyja með minni frátöfum en
reiknað hafði verið með.
Herjólfur að bryggju á
Bakka eftir 10 mánuði
Framkvæmdir við Landeyjahöfn
eru um mánuði á undan áætlun.
Græn slikja uppgræðslunnar er
farin að setja svip á umhverfið.
Eftir tíu mánuði mun Herjólfur
leggjast að bryggju í höfninni
eftir hálftíma siglingu frá Eyjum.
Eftir Sigtrygg Sigtryggsson
sisi@mbl.is
HITINN í Reykjavík náði ekki 10 gráðum í
fyrradag. Það væri ekki í frásögur færandi nema
vegna þess að þetta gerðist síðast 2. júní sl. Hit-
inn náði því 10 gráðunum í 110 daga í röð.
Þetta er óvenjulangur kafli en ekki einstakur,
að sögn Trausta Jónssonar veðurfræðings.
Þannig hefur það gerst fjórum sinnum frá árinu
1949 að lengri tími hefur liðið milli þess að há-
markshiti dagsins fari ekki niður fyrir 10 stigin.
Sumarið í fyrra á metið, 121 dagur í röð. Næst
kemur sumarið 1996 (118 dagar), sumarið 1963
(116 dagar) og sumarið 2003 (112 dagar). Þessar
tölur eru miðaðar við hámarksmælingu milli kl. 9
og 18 hvern dag.
Í veðurfræðinni er hámarkshiti einnig mið-
aður við tímabilið frá kl. 18 daginn áður til kl. 18
viðmiðunardaginn. Að sögn Trausta gerist það
stundum (eins og núna 2. júní) að hæsti hiti þess
sólarhrings er hærri en ef aðeins er miðað við frá
kl. 9 til 18. Hiti var t.d. yfir 10 stigum milli kl. 18
og 19 hinn 1. júní og þar með er hámark þess 2.
samkvæmt þeim reglum líka yfir 10 stig. Sé mið-
að við þessa reglu hefur sumarið 2009 vinninginn
með 132 samfellda daga yfir 10 stigum. Sumarið
í fyrra er í öðru sæti með 122 daga. Sumarið
1996 kemur svo í þriðja sæti með 121 samfelldan
dag.
Langur hlýindakafli er nú að baki
 Hitinn í Reykjavík náði ekki 10 gráðunum í fyrradag  Þetta gerðist síðast 2. júní og því fór hit-
inn yfir 10 gráður 110 daga í röð  Sumarið í fyrra á metið, en þá fór hiti yfir 10 stig í 121 dag
Í HNOTSKURN
»Sumarið, þ.e. júní tilágúst, var það sjöunda
hlýjasta í Reykjavík frá upp-
hafi mælinga 1870. Meðalhiti
sumarsins var 11,4 stig.
»Sólskinsstundirnar urðu149 umfram meðallag.
Þetta umframsólskin sam-
svarar u.þ.b. hálfum mánuði
af sólardögum (sólskin meira
en 10 klst. á dag) umfram það
sem venjulegt er.
»Sumarið var ekki einsáberandi hagstætt um
landið norðanvert. Hiti var
þó ofan meðallags.
Morgunblaðið/Eggert
Sleikja sólina Höfuðborgarbúar geta verið ánægðir með sumarið enda nutu þeir þess í botn.
Skipulagsráð
Reykjavíkur hef-
ur samþykkt að
reist verði úti-
listaverk við
Ægisíðu/Skerja-
förð til þess að
minnast þess að
knattspyrnu-
félagið Þróttur
var stofnað á þessum stað. Um er að
ræða þrjá sexhyrnda stuðlabergs-
steina, 30-40 cm á breidd og 80-120
cm á hæð.
Þróttur var stofnaður hinn 5.
ágúst árið 1949, í félagsheimili
Ungmennafélags Grímsstaðaholts
við Ægisíðu. Voru stofnfélagar 37
talsins og fyrsti formaðurinn var
kosinn Halldór Sigurðsson. Þrótt-
arar héldu myndarlega upp á 60
ára afmælið á dögunum . sisi@mbl.is
Minnismerki um
stofnun Þróttar
við Ægisíðu
Sigurþór Sigurðsson, fyrrverandi
afgreiðslustjóri Morgunblaðsins, er
látinn. Hann lést á Landakotsspít-
ala 82 ára að aldri. Sigurþór starf-
aði um 50 ára skeið hjá Morgun-
blaðinu við ýmis störf en lengst af
sem afgreiðslustjóri, þar til hann
hætti störfum 70 ára vegna aldurs.
Sigurþór fæddist í Reykjavík 26.
desember 1926. Foreldrar hans
voru hjónin Sigurður J. Guðmunds-
son og Kristín N. Þórarinsdóttir.
Hann ólst upp í Reykjavik, lauk
grunnskólaprófi frá Austurbæj-
arskóla og vann ýmis störf þar til
hann hóf störf hjá Morgunblaðinu
um tvítugt.
Sigurþór var félagi í Kiwanis-
klúbbnum Esju og var honum starf-
semi félagsins mjög kær.
Eftirlifandi eiginkona Sigurþórs
er Hallveig Ólafsdóttir. Þau eign-
uðust sex börn.
Sigurþór
Sigurðsson
Andlát
Allt grjót í varnargarðana er sótt í námur á Seljalandsheiði og er
það flokkað í fimm flokka. Síðan er nánast hverjum steini valinn
ákveðinn staður.
Í varnarkápu fer stærsta grjótið, 12-30 tonn að þyngd. Námu-
trukkarnir sem keyra grjótið í garðana flytja allt að 50 tonnum í
ferð. Þegar stærstu steinarnir eru fluttir eru því ekki margir hnull-
ungar á pallinum.
Fyllingarefni sem þarf til hafnargerðar, í brimvarnargarða og sjó-
varnargarða og til vegagerðar vegna Landeyjahafnar er áætlað
1.135.000 m3 eða á aðra milljón rúmmetra. Þar af er áætlað að
taka 500 þúsund rúmmetra af grjóti úr námunni á Seljalandsheiði.
Ekki margir hnullungar á pallinum
Bakkafjara Garðarnir í Landeyjahöfn eru nánast komnir í fulla lengd og hafa lengst aðeins síðan þessi mynd var tekin í sumarblíðu fyrir nokkrum vikum.
Ljósmynd/Emil Thor