Saga - 1982, Qupperneq 173

GJÖRNINGAVEÐRIÐ 1884
171
snemma mikill drengur í raun, trúr í þjónustu og hvergi brigðmáll
eða auvirðismaður.“8
Ekki löngu eftir þá atburði, sem hér að framan eru skráðir,
mun Vilhjálmur hafa borist út í Svarfaðardal. Þar var hann í vist-
um um skeið. Þar kvæntist hann ungri heimasætu, Kristinu Jóns-
dóttur frá Jarðbrú, og bjuggu þau nokkur ár við þröng í Jarð-
brúargerði. Fyrirmenn sveitarinnar vildu gjarnan meina Vilhjálmi
staðfestu í dalnum og þeir munu lítt hafa grátið af söknuði þegar
hann flutti frá Jarðbrúargerði inn að Sílastöðum í Kræklingahlíð
vorið 1898. Þeir áttu þó eftir að kynnast Vilhjálmi betur. Hann
var aðeins eitt ár á Sílastöðum og flutti þá aftur út í Svarfaðardal.
Eá hafði honum tekist að fá ábúð á Ölduhrygg, og efnabændurnir
fengu ekki komið í veg fyrir það.
Vorið 1904 losnaði Bakki úr ábúð. Vilhjálmur sótti um að fá jörð-
ina, sem var ríkiseign. Annar maður sótti einnig um Bakka, og
honum fylgdu að málum allir forsvarsmenn sveitarinnar. Þeir
gerðu allt hvað þeir máttu til að hindra að Vilhjálmur fengi ábúð á
einni bestu jörðinni í Svarfaðardal. Vilhjálmi var ógjamt að
láta hlut sinn og fékk hann nú til liðs við sig Klemens Jónsson
sýslumann. Svo fóru leikar, að Vilhjálmur hafði betur og hann
fékk lífstíðarábúð á Bakka. Þar bjó hann síðan við mikla rausn til
dauðadags. Hann andaðist 20. júlí 1933. Kristín kona hans varð
fjörgömul, fædd 16. október 1868, lést 22. apríl 1964.
Óvildin gegn Vilhjálmi mun helst hafa stafað af því að hann
Þótti heldur óvæginn og stórorður við höfðingja, ef því var að
skipta. Ef til vill hefur ekki heldur verið alveg frítt við að
einhverjir hafi lagt trúnað á að stóryrðum hans fylgdi nokkur
kynngi.
Er Vilhjálmur fór að búa á Bakka, lagði hann af drykkjur og
tókst að temja svo sína heitu skapsmuni, að hann varð brátt
vinsæll og vel metinn. Hann sinnti félagsmálum allmikið, var í
breppsnefnd og sóknarnefnd, starfaði mikið í ýmsum félögum,
helst í Búnaðarfélaginu, og var lengi fulltrúi á aðalfundum Kaup-
félags Eyfirðinga. Hugðarefni sín ræddi Vilhjálmur oft á mann-
8 Björn R. Árnason: Sterkir stofnar. Akureyri 1960.