Saga - 1982, Qupperneq 289

SAMSTARF NORRÆNNA SAGNFRÆÐINGA
287
boða sem fyrir liggja um að halda það. Þannig var ákveðið i lok
Þrándheimsþingsins að Jyváskylá yrði næsti þingstaður.
Sagnfræðinefnd hlutaðeigandi lands sér síðan um allan frekari
undirbúning að dagskrá þingsins. Hefð er fyrir þvi að hafa á dag-
skrá 2—3 meginefni (hovedtemaer) og nokkur aukaefni (sektioner);
um hvorttveggja gildir að reynt er að koma á fót, með a.m.k.
tveggja ára fyrirvara, hópi sérfróðra manna, eins frá hverju land-
anna fimm, sem eiga að undirbúa umræðu um viðfangsefnið á
næsta þingi. Varðandi aukaefnin er látið duga að hópurinn dreifi
þeim gögnum og ritgerðum, sem orðið hafa til, fjölrituðum á
sjálfu þinginu meðal þeirra er taka þátt í umræðu um efnið. Hins
vegar eru rannsóknarniðurstöður hópanna sem fjalla um megin-
<-fnin gefin út prentuð og þeim komið í hendur allra skráðra þátt-
takenda nokkru áður en þing skal hefjast. Með því móti gefst
þeim tækifæri til að kynna sér niðurstöður í tæka tíð og búa sig
undir umræður á þingi. Mikilvægur liður í samstarfi þeirra ein-
staklinga sem taka að sér rannsókn á meginefni er samráðsfundur
um miðbik tímabilsins þar sem hægt er að bera saman bækurnar
og samræma nánar rannsóknarsvið og efnistök. Fyrir Jyváskylá-
þingið var efnt til sliks fundar í Turku (Ábo) á öndverðu ári 1980.
Auk megin- og aukaefna sem að ofan getur eru á dagskrá hinna
norrænu þinga allmargir frjálsir fyrirlestrar sem einstaklingar
bjóðast til að halda. Geta þeir varðað hin óskyldustu efni en reynt
uiun að gæta nokkurs jafnaðar í framlagi manna eftir löndum.
bingið í Jyváskyla
Til dæmis um ofangreint verður hér skýrt stuttlega frá dagskrá
t8. norræna sagnfræðingaþingsins sem haldið var í Jyváskylá
dagana 10.—14. ágúst 1981. Þingið sóttu um 300 manns, flestir
heimalandinu og Svíþjóð, helmingi færri frá Noregi og Dan-
mörku og aðeins þrír frá íslandi.
Meginefni þingsins voru eftirtalin:
T Utanfarir Norðurlandabúa til háskólanáms fyrir 1660.
2. Gagnrýnin viðhorf í vísindaiðkunum á 18. og 19. öld.
3. Læsi og alþýðufræðsla fyrir upphaf skólaskyldu.