Morgunblaðið - 14.11.2009, Síða 2

2 FréttirINNLENT
MORGUNBLAÐIÐ LAUGARDAGUR 14. NÓVEMBER 2009
Tilboð óskast í veiði í Þverá í Fljótshlíð
frá og með næsta sumri, 2010.
Tilboðin verði til 3-5 ára.
Áin hefur gefið um 150 til 200 laxa
á sumri og viðlíka af urriða.
LAXVEIÐIÁ
TIL LEIGU
Nánari upplýsingar má fá með því að senda tölvupóst á om@mbl.is
eða hjá undirrituðum. Tilboðum skal skila eigi síðar en 25. nóvember
n.k. til, Kristins Jónssonar, Staðarbakka, 861 Fljótshlíð eða Óskars
Magnússonar, Sámsstaðabakka, 861, Fljótshlíð.
Áskilinn er réttur til að taka hvaða tilboði sem er eða hafna öllum.
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björn
Jóhann Björnsson, fréttastjóri, bjb@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Steinþór Guðbjartsson
steinthor@mbl.is
Á FUNDI iðnaðarnefndar Alþingis
í gær mótmæltu stórorkunotendur
harðlega fyrirhuguðu kolefnis-
gjaldi stjórnvalda. Meðal annars
kom fram að Sementsverksmiðjan
á Akranesi notaði 22 þúsund tonn
af kolum á ári og nýi skatturinn,
eins og hann hefði verið kynntur,
þýddi 130 milljónir króna í aukna
skatta. Verksmiðjan gæti ekki
staðist samkeppni við innflutt sem-
ent við slíkar aðstæður og yrði
hreinlega að loka.
Indriði H. Þorláksson, aðstoðar-
maður fjármálaráðherra, segir að
nýr skattur, svonefnt kolefnisgjald,
eigi að leggjast á alla eldsneytis-
brennslu og færa ríkissjóði ein-
hverja milljarða í tekjur, en upp-
hæðin liggi ekki fyrir. Hugmyndin
sé að takmarka áhrif skattsins á al-
menning þannig að stærsti hluti
gjaldanna lendi á atvinnurekstri.
Þorsteinn Víglundsson, stjórnar-
maður hjá Sementsverksmiðjunni,
sagði að aukin skattheimta þýddi
að verksmiðjan þyrfti að hækka
sementsverðið um 15 til 20% til
þess að mæta skattahækkuninni.
Ljóst væri að ekki væri hægt að ná
slíkri verðhækkun út í verðlagið
þar sem sambærilegur kostnaður
legðist ekki á samkeppnisfyrirtæki,
og því væri sjálfhætt.
Indriði segir að nýja gjaldið eigi
að draga úr notkun á umræddum
vörum sem hafi mengandi áhrif.
Einstaklingar og fyrirtæki geti
mætt hækkuninni með því að draga
úr neyslunni.
Nýr kolefnisskattur lokar
Sementsverksmiðjunni
Gjaldið á að draga úr neyslunni og vera þannig liður í sparnaði og umhverfisvernd
Indriði H.
Þorláksson
Þorsteinn
Víglundsson
Í HNOTSKURN
» Í fréttum Sjónvarps í gær-kvöldi kom fram að kolefn-
issskatturinn ætti að skila rík-
issjóði allt að þremur
milljörðum króna.
»Miðað við 5% hækkunmyndi bensínlítri á bílinn
hækka um sex til sjö krónur.
SÍÐASTLIÐNA viku hefur skólastarfið í Haga-
skóla snúist um verkefnið Vináttu, virðingu og
jafnrétti en eitt af meginmarkmiðum þess er að
stuðla að aukinni samvinnu og samkennd meðal
nemenda skólans. Í tengslum við verkefnið var
m.a. í gær haldinn fínn föstudagur en þá mættu
starfsmenn og nemendur spariklæddir í skólann.
Þessir skólapiltar tóku sig sérlega vel út og
hljóta að hafa vakið aðdáun hvar sem þeir fóru.
FLOTTIR Í TAUINU Á FÍNUM FÖSTUDEGI
Morgunblaðið/RAX
BÚNAÐUR sem ætlaður er til að
svíkja fé út úr fólki fannst í fórum
tveggja Frakka sem komu hingað til
lands fyrr í mánuðinum. Grunur
leikur á að mennirnir hafi komið
hingað í ólögmætum tilgangi og var
þeim vísað úr landi í gær, að ákvörð-
un Útlendingastofnunar.
Frakkarnir komu til landsins frá
London 10. nóvember. Tollgæsla og
lögregla fundu búnað sem ætlaður
er til að svíkja fé af fólki með blekk-
ingum og fölsun evruseðla, að því er
fram kemur í tilkynningu lögregl-
unnar á Suðurnesjum. Sams konar
búnaður hefur áður verið tekinn af
fólki sem hingað hefur komið, meðal
annars búnt af fölsuðum seðlum eða
skornum pappír með fáeinum ekta
seðlum efst og neðst. Tilgangurinn
er að reyna að skipta þessu út fyrir
peninga.
Við ákvörðun um að vísa mönn-
unum úr landi vísaði Útlend-
ingastofnun til ákvæða útlend-
ingalaga um allsherjarreglu og
almannaöryggi.
Með búnað til
að svíkja út fé
Tveimur Frökkum vísað úr landi
Í BYRJUN desember er fyrirhugað
að opna jólaþorp á Hljómalindar-
reitnum sem er aftan við Laugaveg
17-19 í miðborg Reykjavíkur.
Í tilkynningu kemur fram að
átján fallega skreytt tréhús og veg-
legt viðburðatjald myndi uppistöð-
una í þorpinu, en þar mun fólki gef-
ast kostur á að leigja sér tíma-
bundna aðstöðu til að koma
varningi sínum á framfæri. „Jóla-
þorpið verður jafnframt vett-
vangur sómahjónanna Grýlu og
Leppalúða sem ásamt sonum sínum
þrettán verða með söng og gam-
anmál fyrir gesti og gangandi. Þá
munu margir af fremstu tónlist-
armönnum landsins koma fram í
jólaþorpinu, skáld og rithöfundar
lesa úr ljóðum sínum og uppistand-
arar og barnastjörnur gleðja gesti.
Lögð verður áhersla á jólavarning,
heimilisiðnað, hönnun og handverk
en einnig sitthvað fleira. Skráning
þátttakenda í jólaþorpinu er hafin
og geta þeir sem hug hafa á að
leigja sér þar hús til lengri eða
skemmri tíma skráð sig á netfang-
inu skemmtilegt@skemmtilegt.is.“
Jólaþorp
á Hljóma-
lindarreit
Morgunblaðið/Jakob Fannar
Nálgast Garðurinn verður jólaþorp
ÞEGAR Morgunblaðið fór í prentun
höfðu liðlega 660 manns skráð sig
hjá Þjóðarhagi, félagi hóps fjár-
festa, sem vill gera Nýja Kaupþingi
tilboð í Haga.
Vefsíðan thjodarhagur.is var
opnuð í gær og í gærkvöldi höfðu
um 5.650 manns heimsótt síðuna,
þar sem skráningin fer fram.
Um 660 vilja
kaupa Haga
HÆSTIRÉTTUR staðfesti í gær úr-
skurð Héraðsdóms Reykjavíkur frá
26. október sl. þess efnis að manni
nokkrum yrði gert að sæta nálg-
unarbanni í sex mánuði, þannig að
lagt yrði bann við því að hann kæmi
á eða í námunda við heimili barns-
móður sinnar, veitti henni eftirför,
nálgaðist hana á almannafæri,
hringdi í hana eða setti sig á annan
hátt í samband við hana.
Maðurinn og konan eiga saman
fjögurra ára gamlan dreng en eru
ekki í sambandi og skal umgengni
mannsins og drengsins fara fram
undir eftirliti barnaverndar-
nefndar samkvæmt úrskurði.
Í fyrra var maðurinn dæmdur
fyrir ofbeldisbrot en 2. september
sl. var honum veitt reynslulausn.
Síðan þá hefur konan kært hann
tvisvar fyrir hótanir og áreitni auk
þess sem stjúpfaðir hennar og móð-
ir hafa kært hann vegna lífláts- og
ofbeldishótana.
Maðurinn veitti konunni tvisvar
eftirför í haust. Fyrst reyndi hann
að komast inn í læstan bíl hennar,
barði hann að utan og öskraði á
hana. Lögreglan skakkaði leikinn í
seinna skiptið eftir að maðurinn
hafði reynt að aka á bíl konunnar.
Í nálgunar-
bann eftir
hótanir