Morgunblaðið - 15.12.2009, Blaðsíða 6
6 FréttirINNLENT
MORGUNBLAÐIÐ ÞRIÐJUDAGUR 15. DESEMBER 2009
Eftir Unu Sighvatsdóttur
una@mbl.is
SALA á jólabókunum sem sitja í toppsætum vin-
sældalistanna hefur farið ágætlega af stað en
óljóst er hversu vel bækur í smærra upplagi munu
seljast. Að sögn Kristjáns B. Jónassonar, for-
manns Félags bókaútgefenda, hefur bókahaustið
allt verið afar líflegt og mikil breidd í bókaútgáf-
unni en eftir eigi að koma í ljós hversu vel salan
dreifist út fyrir stærstu titlana.
Hafa ekki undan að koma
vinsælustu bókunum í búðir
„Það eru náttúrulega engir samræmdir sölu-
listar til í dag svo við vitum þetta ekki alveg
ennþá. Mest seldu bækurnar seljast gríðarlega
vel og ég heyri að sumsstaðar hafa menn ekki
undan að koma bókum í búðir. Þessar vísbend-
ingar um metsölubækurnar eru ánægjulegar en
ég heyri líka áhyggjur þeirra sem eru með minni
forlög og það eru áhyggjur sem stærri forlög hafa
líka sem treysta á að bækur, sem ekki eru á met-
sölulistum, seljist á endanum.“ Fyrir jólin 2008
voru bóksalar nokkuð áhyggjufullir um hugsanleg
áhrif hrunsins á jólabókasöluna en hún reyndist
standa af sér kreppuna og var engu minni en um
góðærisjólin 2007. Þótt bókasalan fari hugsanlega
hægar af stað núna segir Kristján það hafa áhrif á
neyslumynstrið að jólin í ár komi upp í vikulokin.
„Þetta þýðir að síðasta vikan á undan verður
ákaflega afturþung og mér skilst á þeim sem lengi
hafa verið í smásölu að það hafi ekkert með
kreppuna að gera heldur sé bara einkenni þeirra
jóla sem raðast svona í almanakinu.“ Þess fyrir ut-
an séu mjög margir að gefa út bækur og sam-
keppnin hörð. „Það hefur mjög mörgum bókum
verið teflt inn í ákveðna flokka í ár, eins og t.d.
ævisögur, þar er rosaleg samkeppni,“ segir Krist-
ján og bætir við að þetta séu sannkölluð ævi-
sagnajól.
Spennandi og gaman
„En það er mjög mikilvægt að þessi breidd í út-
gáfunni sé til staðar, það er það sem heldur lífi í
þessum bókamarkaði þegar upp er staðið og frá-
bært fyrir kúnnann að hafa úr svona mörgu að
velja. Þetta er spennandi og gaman að hafa fjör í
þessu.“
Fjör í jólabókasölunni
Bókahaustið hefur verið líflegt Góð sala á bókum sem sitja í toppsætum
vinsældalistanna Óljóst hversu vel bækur í smærra upplagi muni seljast
Morgunblaðið/Kristinn
GRAFAN var umlukt vatni Þjórsár og skilaði
hverri skóflunni af annarri af gæðamöl upp á
bakkann í morgunskímunni einn daginn í liðinni
viku. Starfsmaður verktakafyrirtækisins Nes-
eyjar í Árnesi safnaði efni fyrir framkvæmdir
næsta árs. Að sögn Vignis Svavarssonar hjá Nes-
ey fæst þarna ágætis fyllingarefni, sem ýmist er
notað í vegagerð eða við byggingaframkvæmdir.
aij@mbl.is
GÆÐAMÖL AF BOTNI ÞJÓRSÁR
Morgunblaðið/Ómar
ÞORGERÐUR Katrín Gunnars-
dóttir, þingmaður Sjálfstæðisflokks-
ins, sagði á Alþingi í gær að mikil-
vægt væri að rannsaka hvort aðilar
innan stjórnarráðsins væru að
reyna að kasta rýrð á undirskrifta-
söfnun gegn Icesave-frumvarpinu.
Fram hefur komið hjá tals-
mönnum InDefence, að nokkuð hafi
borið á bullundirskriftum og þegar
raktar hafi verið IP-tölur þeirra
tölva, þaðan sem þessar undir-
skriftir koma, komi oft upp lén
stjórnarráðsins, Hagstofunnar og
Ríkisútvarpsins.
Þorgerður Katrín spurði Katrínu
Jakobsdóttur, menntamálaráðherra,
hvort hún muni beita sér fyrir því
að þetta verði rannsakað. Katrín
sagði, að það væri ekki nýtt að fólk
nýtti sér undirskriftasafnanir á net-
inu til einhverskonar gamansemi.
Það drægi hins vegar úr trúverð-
ugleika þeirra, sem stæðu fyrir
undirskriftasöfnuninni og væri ekki
til að ýta undir framgang lýðræð-
isins.
Katrín sagði, að fólk hefði ákveð-
ið leyfi til að birta skoðanir sínar
óháð sínum vinnuveitanda. Þess
vegna hafi margir vinnustaðir þá
starfsreglu, að fólk nýti sín einka-
netföng til að skiptast á skoðunum
en ekki netföng vinnustaðarins.
Hins vegar sé það væntanlega svo,
að IP-tala vinnustaðarins birtist ef
þetta er gert í vinnutíma.
Ráðherra sagði mikilvægt að
ræða þessi mál innanhúss hjá RÚV
og einnig væri mikilvægt að fjalla
um þau innan stjórnarráðsins. Þor-
gerður Katrín sagði, að málið væri
alvarlegt og það ríkti tortryggni í
garð stjórnarráðsins því þar væru
greinilega menn, hugsanlega spuna-
meistarar Samfylkingarinnar, að
reyna að skipta sér af undir-
skriftasöfnuninni. „Það dugar ekki
fyrir mig að heyra að það eigi að
rabba um þessi mál yfir tebolla.“
gummi@mbl.is
Aðilar innan stjórnarráðs
að kasta rýrð á söfnunina?
Katrín
Jakobsdóttir
Þorgerður Katrín
Gunnarsdóttir
FARI svo að
þjóðin hafni laga-
frumvarpi sem
forsetinn hefur
áður synjað stað-
festingar eru
engin takmörk
fyrir því hvað Al-
þingi Íslendinga
getur lagt mörg
samskonar frum-
vörp, sem þingið
hefur þá samþykkt, í hendur forset-
ans aftur. Þingið getur þar með
endurtekið ferlið þar til viðkomandi
frumvarp verður hugsanlega sam-
þykkt. Ef þjóðin hafnar lögum falla
þau sjálfkrafa úr gildi en þau öðlast í
millitíðinni gildi, jafnvel þó að forset-
inn synji þeim.
Þetta segir Ragnhildur Helga-
dóttir, prófessor í lögfræði við Há-
skólann í Reykjavík, og vísar til 26.
greinar stjórnarskrárinnar.
Greinin hljóðar svo: „Ef Alþingi
hefur samþykkt lagafrumvarp, skal
það lagt fyrir forseta lýðveldisins til
staðfestingar eigi síðar en tveim vik-
um eftir að það var samþykkt, og
veitir staðfestingin því lagagildi. Nú
synjar forseti lagafrumvarpi stað-
festingar, og fær það þó engu að síð-
ur lagagildi, en leggja skal það þá
svo fljótt sem kostur er undir at-
kvæði allra kosningarbærra manna í
landinu til samþykktar eða synjunar
með leynilegri atkvæðagreiðslu.
Lögin falla úr gildi, ef samþykkis er
synjað, en ella halda þau gildi sínu.“
Aðspurð hvers vegna engar kvaðir
séu á þessari heimild þingsins vísar
Ragnhildur aftur til stjórnarskrár-
innar. Hún bætir því svo við að
ganga megi útfrá því að Alþingi
myndi ekki samþykkja oft lög sem
þjóðin hafi hafnað, enda meirihluti
þjóðar þá ósammála valdhöfunum í
tilteknu máli. baldura@mbl.is
Alþingi
engin tak-
mörk sett
Ragnhildur
Helgadóttir
Þingið getur
endurtekið ferlið
UM 250 Íslendingar nýttu sér þjón-
ustu áhugaljósmyndara sem buðu
fólki endurgjaldslausa myndatöku
sl. laugardag. Sextán ljósmyndarar
unnu að verkefninu í sjálfboðavinnu,
á sex stöðum á höfuðborgarsvæðinu.
Á bak við verkefnið stendur Help
Portrait, grasrótarhreyfing ljós-
myndara sem hjálpar þeim sem
minna mega sín til að eignast góðar
ljósmyndir af sér.
250 fengu
jólamyndir
Alhliða gólfhreinsir fyrir plastparket
- lakkað parkett - alla dúka og flísar
Húsasmiðjan - Byko - Fjarðarkaup - Áfangar - Vélaleiga Húsavíkur - Nesbakki -
Skipavík - SR byggingavörur - Eyjatölvur - Miðstöðin - Óskaþrif Hólmavík -
Pottar og prik - Núpur - Litaver - Byggt og búið
Heildsöludreifing: Ræstivörur ehf - Sími 567 4142 - www.raestivorur.is