Morgunblaðið - 15.12.2009, Blaðsíða 16

ERLENT
MORGUNBLAÐIÐ ÞRIÐJUDAGUR 15. DESEMBER 2009
TALIÐ er ólíklegt að ríki heims
samþykki þann samdrátt í losun
gróðurhúsalofttegunda, sem lofts-
lagsnefnd Sameinuðu þjóðanna
(IPCC) lagði til að samið yrði um á
aðildarríkjaþingi loftslagssamnings
SÞ í Kaupmannahöfn. Líklegt er að
ríkin fresti því í allt að sex ár að taka
ákvörðun um hversu langt eigi að
ganga í því að draga úr losun
gróðurhúsalofttegunda.
Að sögn fréttavefjar breska blaðs-
ins The Times er nú gert ráð fyrir
því að aðildarríki loftslagssáttmál-
ans samþykki að endurskoða mark-
miðin um minni losun gróðurhúsa-
lofttegunda árið 2015 eða 2016. The
Times segir að samningamenn þró-
aðra iðnríkja ætli að nota tillöguna
um endurskoðunina til að réttlæta
það að ekki verði samið um að
minnka losunina um 25-40% fyrir ár-
ið 2020 frá því sem hún var árið 1990
eins og loftslagsnefnd Sameinuðu
þjóðanna lagði til. Metnaðarfyllstu
tilboð aðildarríkjanna á loftslags-
þinginu í Kaupmannahöfn eru talin
jafngilda um 18% heildarsamdrætti.
Stjórn Baracks Obama Banda-
ríkjaforseta hefur boðist til að
minnka losunina um 4% fyrir árið
2020 miðað við árið 1990, með fyrir-
vara um samþykki Bandaríkjaþings.
Evrópusambandið hefur lofað 20%
samdrætti og kveðst vilja minnka
losunina um allt að 30% ef önnur
lönd samþykki sambærilegar tak-
markanir.
Afríkuríki óánægð
Mikil óánægja er meðal
samningamanna þróunarlanda með
gang viðræðnanna á loftslags-
þinginu í Kaupmannahöfn. Samn-
ingamenn nokkurra Afríkuríkja hafa
gefið til kynna að náist ekki veruleg-
ur árangur í viðræðunum á næstu
dögum ætli leiðtogar þeirra ekki að
taka þátt í leiðtogafundum sem ráð-
gerðir eru síðasta sólarhringinn áð-
ur en loftslagsþinginu lýkur á föstu-
daginn kemur. Gert er ráð fyrir því
að yfir 110 þjóðarleiðtogar mæti á
loftslagsþingið.
Þessi óánægja varð til þess að
samningamenn Afríkuríkja gengu af
fundum vinnuhópa en þeir sam-
þykktu þó að lokum að halda viðræð-
unum áfram. Vaxandi spenna milli
Bandaríkjamanna og Kínverja þótti
einnig draga úr líkunum á því að við-
ræðurnar bæru tilætlaðan árangur.
bogi@mbl.is
Reuters
Mótmæli Grænfriðungar í Kaup-
mannahöfn krefjast aðgerða.
Vilja endurskoða
markmið eftir sex ár
Líkur á að loftslagsþingið beri ekki tilætlaðan árangur
YFIRVÖLD í Nepal skáru upp her-
ör gegn spillingu og fundu ráð til
að koma í veg fyrir að starfsmenn
alþjóðaflugvallarins í Katmandú
styngju mútum í vasann. Þeir voru
látnir klæðast vasalausum buxum.
Þetta er ein af furðulegum frétt-
um ársins sem er að líða og hér
fylgja nokkrar aðrar sem vert er að
halda til haga:
 Hópur grískra stjórnleysingja
skipulagði söfnun til að endurreisa
blaðsöluturn 74 ára gamallar konu
eftir að hann brann til kaldra kola í
óeirðum sem hópurinn tók þátt í.
„Við ættum að styrkja þau okkar
sem verða fórnarlömb ofbeldis,“
sagði hópurinn sem safnaði jafn-
virði 2,4 milljóna króna.
 Breskur vísindamaður, sem
hafði safnað skít sjaldgæfrar eðlu-
tegundar á Filippseyjum í mörg ár,
varð fyrir miklu áfalli þegar hrein-
gerningarfólk henti skítnum út úr
rannsóknarstofu hans með ruslinu.
„Í augum annarra var þetta
kannski bara eðluskítur en fyrir
mér var þetta afrakstur margra
ára vinnu,“ sagði vísindamaðurinn.
 Lögreglumenn á Írlandi brutu
lengi heilann um pólskan síbrota-
mann sem var sektaður 50 sinnum
fyrir umferðarlagabrot en þar sem
hann var skráður á 50 heimilisföng
náðist aldrei í hann. Gátan leystist
loks þegar glöggur lögreglumaður
áttaði sig á því að nafn síbrota-
mannsins þýðir „ökuskírteini“ á
pólsku.
 Rússneskir fjölmiðlar gerðu
óspart grín af Hillary Clinton, utan-
ríkisráðherra Bandaríkjanna,
vegna stafsetningarvillu á tákn-
rænni gjöf sem hún gaf rússneska
utanríkisráðherranum Sergej
Lavrov. Clinton ætlaði að afhenda
Lavrov hnapp með áletruninni
„endurstilla“ til að leggja áherslu á
að stjórn Baracks Obama vildi „nýtt
upphaf“ í samskiptunum við Rúss-
land. Á hnappnum átti að standa
„perezagruzka“, eða „endurstilla“,
en þess í stað var þar orðið „pereg-
ruzka“, sem þýðir „ofhlaða“.
bogi@mbl.is
Af vasalausum buxum og
öðrum furðufyrirbærum
Ofhlaða Clinton færir Lavrov gjöf.
MATREIÐSLUNEMAR leggja lokahönd á rétti í heims-
metstilraun í íþróttahöll í Manila, höfuðborg Filipps-
eyja, í gær. Alls voru framreiddir 5.000 réttir sem
höfðu það allir sameiginlegt að ostur var á meðal aðal-
hráefnanna. Markmiðið var að komast í Heimsmetabók
Guinness fyrir metfjölda rétta sem matreiddir eru á
einum degi. Fyrra metið var sett á Indlandi fyrir tveim-
ur árum þegar matreiddir voru 4.668 réttir.
Reuters
REIDDU FRAM 5.000 RÉTTI
– meira fyrir áskrifendur
Skólar og
námskeið
Fáðu þér áskrift á
mbl.is/askrift
Í blaðinu verður fjallað um menntun og
þá fjölbreyttu flóru sem í boði er fyrir
þá sem vilja auðga líf sitt og möguleika
með því að afla sér nýrrar þekkingar og
stefna því á nám og námskeiða.
Morgunblaðið gefur út glæsilegt
sérblað um menntun, skóla og
námskeið þriðjudaginn
5. janúar 2010.
Meðal efnis verður :
Háskólanám og endurmenntun.
Fjarmenntun á háskólastigi.
Verklegt nám/iðnnám á framhalds og
háskólastigi.
Endurmenntun.
Símenntun.
Listanám.
Sérhæft nám.
Námsráðgjöf og nám erlendis.
Kennsluefni.
Tómstundanámskeið og almenn námskeið.
Lánamöguleikar til náms.
Ásamt fullt af öðru spennandi efni.
Pöntunartími auglýsinga er fyrir klukkan 16.00
mánudaginn 21. desember
Nánari upplýsingar veitir Katrín Theódórsdóttir
í síma 569 1105, kata@mbl.is