SunnudagsMogginn - 09.05.2010, Blaðsíða 20

20 9. maí 2010
Þórdís Guðmundsdóttir setur
upp gulli slegna grímu.
P
ilsaþytur, spenna í lofti og gjallandi
hlátrasköll. Undirbúningur kvennanna
í Vox feminae fyrir óperutónleika
kórsins í Íslensku óperunni sem haldn-
ir verða í næstu viku er í algleymingi þessa dag-
ana. Og þegar takast skal á við helstu óperukóra
og aríur tónlistarsögunnar dugar ekki aðeins að
halda lagi heldur skal öllu tjaldað til: rykið er du-
stað af galakjólunum, dularfullar skrautgrímur
settar upp, sporin æfð, hárið krullað og varir
málaðar – allt til þess að undirbyggja seiðandi
stemningu í takt við tónlist gömlu meistaranna.
Fjörug fljóð á öllum aldri eru full tilhlökkunar
að takast á við verkefnið og láta ekki nægja eigin
raddir, heldur kalla til kalla og krakka úr öðrum
kórum; félagar úr karlakórnum Fóstbræðrum sjá
fyrir örlitlu mótvægi við allan kvenleikann og
englaraddir úr Stúlknakór Reykjavíkur ljá tón-
myndinni himneskan hljóm. Þarna er Diddú díva
meðal díva og allir þurfa að stilla saman strengi
sína – ekki bara harpan, víólan og þverflautan,
heldur allur syngjandi herskarinn með.
En þrátt fyrir umstangið allt og ómældan tím-
ann sem fer í undirbúninginn er kátt á hjalla –
enda ekki á hverjum degi sem konurnar fá að
glíma við viðlíka verkefni. Það er augljóst að
brennandi áhuginn drífur þær áfram; nú skal
efnt til tónlistarveislu og eins og góðum gest-
gjöfum sæmir er allt lagt í sölurnar til að boðið
heppnist sem best. Í stað stórsteika eru safaríkir
og bragðmiklir óperukórar á borð bornir og í
bikurum söngvaranna er höfug tónlist. Ykkar
skál!
Grímur
og gala-
kjólar
Bak við tjöldin
Ljósmyndir: Árni Sæberg saeberg@mbl.is
Texti: Bergþóra Njála Guðmundsdóttir ben@mbl.is
Hinar glæsilegustu hefðameyjar þurfa líka að hysja upp sokkabuxur, og gera það óhikað við hrifningu söngsystra sinna.
Seiðandi og svipmiklar með fjöðrum skreyttar grímur eru konurnar klárar í slaginn fyrir tónleikana í næstu viku.