SunnudagsMogginn - 09.05.2010, Blaðsíða 35

9. maí 2010 35
’
Við sjáum ekki annað en að heim-
ilin verði meira og minna þráðlaus
í nánustu framtíð. Það eru ekki
mörg ár síðan fyrirtæki voru tengd með 2 Mb
tengingu, jafnvel verkfræðistofur, en nú dugar
það engu heimili. Það er vegna aukinnar kröfu
um lifandi myndefni og öflugri tengingar.“
Og ný tækni er fljót að ryðja sér
rúms. „Fólk flutti sig úr fastl-
ínusímum yfir í farsíma, sem komu til
Íslands árið 1994, og Netið er næsta
bylting. Nú þegar eru um 30% fólks í 3G
farsímaþjónustu og að nokkrum árum
liðnum verður ekki hægt að kaupa far-
síma, sem ekki eru með Netinu. Ekki
frekar en hægt er að fá farsíma, sem ekki
eru með SMS.“
Raunar hefur 3G verið lengi til staðar
fyrir neytendur, allt frá aldamótum, og
búið er að þróa fjórðu kynslóð farsíma
fyrir löngu. „Það sjá allir í hvað stefnir,“
segir Liv. „En þetta þarf að hanga saman.
Tæknin er einskis nýt, ef endabúnaðurinn
er ekki fyrir hendi. Nú er hinsvegar komið
fram ótrúlega mikið úrval af þjónustu fyr-
ir farsíma og stærri skjáir sem fólk nennir
að vafra á og horfa á. 3G er meiri bylting
en fólk gerir sér grein fyrir og er að breyta
landslaginu á þessum markaði.“
„Nú erum við með 3G og næst fáum við
3G+, þannig að hraðinn er alltaf að
aukast,“ segir Harald Pétursson, sölustjóri
hjá Nova. „Við sjáum ekki annað en að
heimilin verði meira og minna þráðlaus í
nánustu framtíð. Það eru ekki mörg ár
síðan fyrirtæki voru tengd með 2 Mb
tengingu, jafnvel verkfræðistofur, en nú
dugar það engu heimili. Það er vegna
aukinnar kröfu um lifandi myndefni og
öflugri tengingar.“
Samkeppni símaframleiðenda
Það segir sína sögu um hraða breyting-
anna, að kínverska fyrirtækið Huawei var
ekki á meðal fjarskiptafyrirtækja fyrir tíu
árum, en nú er það risi á þessum markaði
og helsti keppinautur Ericsson í símkerf-
um. „Kerfisframleiðendurnir gengu í lið
með gömlu símafyrirtækjunum og ætluðu
að stýra þróuninni,“ segir Harald. „Þó að
3G tæknin sé löngu komin til sögunnar,
þá eru aðeins um 30% notenda komin yf-
ir í það kerfi. Þeir ætluðu að loka mark-
aðinn af og stýra þessu.
En samkeppnisumhverfið er þannig, að
það er ekki hægt, því þá verður bara ein-
hver annar fyrri til að veita þjónustuna.
Nokia, Ericsson og Siemens fengu því
spark í rassinn frá Apple, sem setti iPhone
á markað með snertiskjá, og síðan sigldu
Huawei og Google í kjölfarið með eigið
stýrikerfi. Það er fyrst núna sem gömlu
risarnir eru að koma með snertiskjái og
sambærilega virkni, tveimur árum eftir að
iPhone kom á markað. Nokia og Sony Er-
icsson hafa því misst forskotið og það
verður fróðlegt að sjá hvort börnin mín
muni vita að þessi fyrirtæki hafi nokkurn
tíma verið til.“
Til marks um öra þróunina segir Harald
að Google-síminn sé þannig, að þegar
kveikt er á honum í fyrsta skipti, þá kalli
hann eftir upplýsingum um Gmail og Fa-
cebook og eftir það hafi notandinn aðgang
að því í farsímanum. Þá nefnir hann
Android-stýrikerfið, sem Google styðji, en
það sé meðal annars í farsímum frá Mot-
orola og Samsung. „Allir nema Nokia eru
farnir að nota Android-stýrikerfi, einnig
Huawei. En Nokia sendir frá sér Symbi-
an3-stýrikerfið í sumar. Það hefur hins-
vegar lítið komið frá Sony Ericsson í lang-
an tíma og spurning hvort þeir nái aftur
fótfestu á markaðnum.“
Skype í farsímum
Ein stærsta byltingin er tilkoma Skype í
farsímum. „Símafyrirtæki eru að reyna
átta sig á þessum nýja veruleika, hvernig
símtöl verða í nánustu framtíð,“ segir Liv.
„Þau eru enn að rukka mínútugjald og
upphafsgjald, sem er gamaldags viðskipta-
módel, en nýi tíminn snýst um netsímtöl,
þar sem hringt er í gegnum þjónustu á
borð við Skype úr farsímum.
Auðvitað er það ógn við símafélögin og
þau þurfa að spila úr því á réttan hátt.
Þetta eru mikil tímamót og í þeim felast
tækifæri fyrir fyrirtæki á borð við Nova,
því við erum fyrst og fremst að selja að-
gang að netinu. Okkur er alveg sama hvort
fólk notar netið í tölvunni heima eða í far-
símanum – eini munurinn er sá að skjár-
inn er minni.“
Tilkoma Skype getur dregið verulega úr
kostnaði við símtöl úr farsímum, en marg-
ir hafa þegar tileinkað sér þessa tækni í
heimatölvum. „Símtöl um Skype krefjast
aðeins hefðbundinnar nettengingar,“ segir
Harald.
„Ég hef til dæmis Skype á iPhone-
símanum mínum og er með vini mína þar
inni. Svo get ég hringt í þá sem eru í síma-
bókinni og þá er þetta bara eins og í tölv-
unni – ég hala niður af netinu og greiði
ekki mínútugjald. Þetta eru orðin fín gæði
og hægt að gera þetta annarsvegar á 3G-
netinu, eins og hjá Nova, en líka með því
að sækja þráðlaust samband (WiFi). Það er
til dæmis ókeypis nettenging á kaffi-
húsum, sem maður dettur sjálfkrafa inn á,
og Nova veit aldrei af því símtali.“
„Sum símafyrirtæki hafa lokað á Skype,
af því að þau fá ekki símtalstekjur af sím-
tölunum, en önnur vinna með þessari
tækni,“ segir Liv. „Skype er komið í sam-
starf við Nokia, þannig að hægt er að ná í
Skype fyrir flestalla Symbian-síma, sem er
bróðurparturinn af símum í umferð.“
Harald segir að einnig sé hægt að hlaða
Skype niður fyrir iPod touch-tónlist-
arspilara, því hægt er að tengjast Netinu í
gegnum þá, og breyta þeim þar með í
síma. „Þetta er eitt af þessum tækjum sem
eru gríðarlega vinsæl hjá ungu fólki í dag,“
segir hann. „Skype hefur verið hlaðið nið-
ur í yfir 15% af iPhone og iPod touch.
Flestir þeirra sem breyta iPod touch í síma
eru 17 ára og yngri, en þeir sem nota iP-
hone eru á aldrinum 25-40 ára, því hann
er enn sem komið er dýr. Þegar farsími er
notaður með þessum hætti, þá er til dæmis
nóg að kaupa netpakka fyrir 990 krónur,
sem innifelur 1 GB, og þá er hægt að
hringja nánast ótakmarkað í gegnum
Skype – líka til útlanda. Síðan er greitt fyr-
ir hefðbundin símtöl eftir gamla kerfinu,
upphafsgjald og mínútuverð.“
Veröldin kortlögð
Eins og nærri má geta er unga fólkið fljót-
ast að tileinka sér þessa nýju tækni. „Yngra
fólk notar farsíma með allt öðrum hætti en
það eldra,“ segir Liv. „Það sést best á því,
að markaðshlutdeild Nova var komin í um
20% í ársbyrjun, en við erum með um 70
þúsund viðskiptavini. Viðskiptavinir Nova
nota hinsvegar um 60% af öllu gagna-
magni í farsímum á Íslandi. Ástæðan er sú
að við gerum ráð fyrir að okkar við-
skiptavinir noti netið í farsímunum, og
veðjum á þetta breytta neyslumynstur,
sem er meiri ógnun við hin símafyr-
irtækin. Þannig nýtum við okkar sér-
stöðu.“
Og það má segja að veröldin sé kortlögð
á nýjan hátt með farsímunum. „Nýjasta
æðið eru kortin,“ segir Harald. „Farsím-
arnir eru óðfluga að breytast í staðsetning-
artæki, þannig að notendur geta orðið sér
úti um þjónustu í næsta nágrenni, til
dæmis bestu veitingastaðina og helstu
söfnin. Svo er hægt að spila tónlist í far-
símum og nota þá til að mæla og kortleggja
hlaupavegalengdir, þannig að ýmis önnur
tæki eru að verða óþörf.“
Næsta samkeppni í símtækjum á milli
framleiðenda verður á milli Google Maps
og annarra kortaframleiðenda. Nokia er
komið með tengingu við Lonely Planet og
hefur ráðist í mikla herferð undir slagorð-
inu: Ókeypis kort um alla eilífð eða „Free
maps forever“.
„Með því að fara á ovi.com, má hlaða
niður ókeypis kortum af öllum borgum í
heiminum og tugþúsundum forrita, sem
sum eru frí og sum ekki – stundum kostar
uppfærslan einn dollar,“ segir Harald.
„Þegar Nokia tilkynnti um þessi áform sín
og samstarfið við Lonely Planet, þá hröp-
uðu hlutabréfin í Garmin og TomTom, sem
hafa verið best í GPS-tækjum. Það er engin
spurning í mínum huga að fólk mun nota
farsímann til að leiðbeina sér, hvort sem
það er gangandi eða á bíl, hvar sem það er í
heiminum.“
„Manni finnst þetta eiginlega offramboð
á upplýsingum,“ segir Liv, „en yngra fólki
þykir þetta sjálfsagt á meðan við sem eldri
erum þurfum aðeins að setja okkur meira
inn í þetta. Og sem dæmi um hvað kortin í
farsímunum eru orðin flott, þá leitar far-
síminn að gervihnetti sem staðsetur not-
andann og kemur strax með fullt af val-
kostum, verslanir, veitingastaði og
gististaði.“
Hún velur Lonely Planet í símanum hjá
sér og valmöguleikarnir sem bjóðast í
grennd við höfuðstöðvar Nova í Lágmúla
eru Vox 246 m, Múlakaffi 320 m, Café
Konditori 425 m. „Þeir veitingastaðir sem
ekki eru inni á þessu korti verða bara út-
undan,“ segir hún. „Farsíminn er því líka
orðinn auglýsingamiðill. Annað sem Nokia
kortin hafa það fram yfir Google er að það
sjást allir göngustígar, hver stysta leiðin er
og einnig hvaða viðburðir eru í gangi í
grenndinni.“
Áætlað er að Ísland komist á kortið hjá
Nokia nú í sumar og þá verður hægt að
ferðast um landið eftir leiðbeiningum úr
farsímanum.
Sjónvarpað á Netinu
Einnig má geta nýrrar leiðar til að hefja
sjónvarpsútsendingar um farsíma. „Það er
hægt að fara inn á Qik.com, taka upp efni
og senda það beint út á Netinu,“ segir Har-
ald.
„Ef einhver frægur verður á vegi þínum,
þá geturðu tekið það upp og sett slóðina á
Facebook – þannig að fólk trúi þér nú
örugglega. Svo er líka hægt að senda út
viðtöl í gegnum farsímana eða jafnvel net-
tengja kvikmyndatökuvélar með símkorti
og senda beint úr þeim til að ná meiri gæð-
um. Hver sem verður vitni að fréttnæmum
atburði getur sett það inn á Netið. Og svo
er hægt að senda myndir úr ferðalaginu til
fjölskyldunnar. Þannig er allt að breytast.“
„Eitt að lokum,“ segir Liv brosandi.
„Þessi nýja tækni býður upp á nýjar leiðir í
netverslun. Eitt af forritunum mínum er
Shoe Salon. Ef farið er inn á Apple Store í
iPhone er hægt að hlaða niður þessu
ókeypis forriti, þannig er hægt að fylgjast
með skótískunni á nýstárlegan hátt og
jafnvel kaupa sér nýja skó. Það sama á ef-
laust eftir að verða uppi á teningnum með
aðrar vörur.“
Liv Bergþórsdóttir, forstjóri Nova, og Harald Pétursson, sölu-
stjóri, segja netþjónustu í farsímum fela í sér byltingu.