SunnudagsMogginn - 18.07.2010, Page 37

18. júlí 2010 37
Reuters
Innblástur Maurice Flitcroft til
að verða boðflenna á Opna
breska meistaramótinu var
bandaríski póstflokkarinn
Walter Danecki. Þannig var
dulnefnið Gene Paycheki lík-
lega til heiðurs Danecki auk
þess að vísa til launatékkans
sem Flitcroft vonaðist til að
fá fyrir að sigra mót. Flitcroft
skrifaði í minningar sínar um
Danecki: „Walter vildi verða
atvinnukylfingur en var stöðv-
aður af PGA Bandaríkjanna
og þröngsýni þeirra að allir
yrðu að sýna fram á hæfi-
leika sína fyrirfram.“
Danecki var frá Milwaukee
í Winsconsin-ríki þar sem
hann hafði aðallega leikið um
helgar á almenningsvöllum
en árið 1965 ákvað hann að
hann langaði til að taka þátt í
Opna breska mótinu. Hug-
myndin var að sameina fyr-
irhugað sumarfrí á Bretlandi
við það að spila á Opna
breska. Þegar Danecki fyllti
út umsóknina um þátttöku
skráði hann sig sem atvinnu-
mann frekar en áhugamann
því hann vildi vinna það
stórfé sem var í boði fyrir sig-
urvegarann meðal atvinnu-
mannanna.
Úr varð að umsókn Da-
neckis var samþykkt af R&A
og fékk hann að leika for-
keppni mótsins á Hillside-
vellinum. Fyrri hringinn fór
Danecki á 108 höggum og
gerðu starfsmenn R&A ráð
fyrir að hann myndi draga sig
í hlé og voru jafnvel komnir
með varamanna til þess að
leika seinni hringinn í staðinn
fyrir hann. Danecki lét þó
ekki deigan síga og mætti
galvaskur á teig fyrir seinni
hringinn. Sá endaði engu bet-
ur en sá fyrri, 113 högg og
221 allt í allt, heilum 70
höggum frá því að komast inn
á aðalmótið.
Þrátt fyrir ófarirnar var Da-
necki alla tíð stoltur af þátt-
töku sinni á mótinu. „Hann
komst ekki áfram en hann fór
þó þangað,“ sagði eiginkona
hans síðar. „Sumir vildu gera
einhvern brandara úr þessu
en hann var enginn brandari.
Af hverju ætti hann að
skammast sín? Hversu mörg
okkar hefðu nokkru sinni haft
hugrekki til að gera það sem
okkur dreymdi um að gera?
Hann Wally minn gerði það.“
Fyrirmynd
boðflennu ’
Hversu
mörg okk-
ar hefðu
nokkru sinni
haft hugrekki til
að gera það sem
okkur dreymdi
um að gera?
Hann Wally
minn gerði það