SunnudagsMogginn - 18.07.2010, Page 49

18. júlí 2010 49
Ljóð eftir Eberhard Rumbke
í þýðingu Önnu S. Björnsdóttur
I.
Síðdegis hefur dökkur fugl sig til flugs
þá flytja svanirnir sig um set
og þagna
og undir vængjunum
vex nóttin
Síðar flugu aðrir fuglar um himininn
úr björtu silki og vindi
að mæla tímann fram að dimmum stund-
um
sporlausir í frosti máls síns
leggja þeir dag við nótt
vind fjallanna
ástina en ofan á frosna jörð
II.
Í myrkrinu leita ég orða
skrifa ég
nefni ég mjúka vangamynd hlés
um næturbil
forma setningar í vindinum
fylgist með himninum
ókunnum eldingum leiftrandi setning-
arbrúar
þögullar málfræði næturinnar,
sem ég hlusta eftir
í andardrætti Íslands
III.
Næturnar eru lengri hér
og í öðrum litum
ljóðin hafa lengri hlé
Setning er steinn,
sem slípast hægt á löngum tíma
Ég kasta orði í vindinn
Einhver ber það að öðrum orðum,
spennir það létt yfir fjöll og vötn
með millibili eins og óskum
Einhver mælir setningu yfir hafið
og bíður í þúsund ár eftir svari
Hér ristir enginn lengur rúnir í stein
þegar sannleikur stundarinnar
er hljóður
Þá tala landið og hafið
sitt fegurra mál
Nætur Íslands
hús myndu hafa ólík hlutverk, t.d. varð-
andi Sinfóníuna o.fl. Austurbæjarbíó með
alla sínu merkilegu menningarsögu gæti
haft mjög mikilvægt hlutverk sem nú hill-
ir undir að verði að veruleika sem ég er
mjög sátt við. Það er auðvitað aldrei of
mikið af því góða. Ég var náttúrlega bara
að tala fyrir því að Austurbæjarbíó fengi
að standa og er mjög ánægð með þá nið-
urstöðu, að verið sé að hefja það til vegs og
virðingar og koma þar aftur inn menning-
arstarfsemi, því það er frábært hús. En
það kemur ekki í staðinn fyrir Hörpu og
öfugt.“
Í sama ferðalaginu
– Nú hefur þú lengi barist fyrir bættum
kjörum tónlistarkennara og -manna og
viljað efla tónlistarkennslu. Munt þú sinna
þeirri baráttu áfram?
„Þetta starf kemur ábyggilega til með
að taka mikinn hluta af mínum tíma og
kröftum, það liggur í hlutarins eðli. En ég
tel mig samt vera í sama ferðalaginu, að
leggja mitt af mörkum til að stuðla að
góðu tónlistarlífi í landinu, hvort sem það
hefur beinlínis með tónlistarmenntun að
gera eða tónleikahald í tónlistarhúsinu
okkar. Ég hef óbilandi áhuga á íslensku
tónlistarlífi og tröllatrú á okkar tónlist-
arfólki sem ég veit að á eftir að fylla tón-
listarhúsið af góðri tónlist áður en langt
um líður,“ svarar Steinunn Birna.
– Þú hefur störf 1. ágúst og ferð þá
væntanlega að skipuleggja fyrsta rekstr-
arár Hörpu …
„Já, mér finnst líklegt að það bíði mín
nokkur verkefni,“ skýtur Steinunn Birna
inn í.
– … er hægt að spyrja að því hvert verði
þitt fyrsta verk?
Nú skellihlær Steinunn Birna og blaða-
maður hálfskammast sín fyrir spurn-
inguna. „Ég fæ svo mörg misvel heppnuð
svör upp í hugann að ég veit ekki hvert
þeirra ég á að velja,“ svarar hún og hlær
enn en segist svo vonast til þess að hún
finni stól til að sitja í á skrifstofu rekstr-
arfélags Hörpu og kannski líka kaffikrús
með nafninu sínu á. „Nei, án gríns, ætli ég
byrji ekki á því að skoða stöðuna, í bók-
staflegri merkingu, bretta síðan upp erm-
ar og hefjast handa,“ segir tónlistarstjór-
inn að lokum.
’
Ég hef óbilandi áhuga
á íslensku tónlistar-
lífi og tröllatrú á okk-
ar tónlistarfólki sem ég veit
að á eftir að fylla tónlistar-
húsið af góðri tónlist áður
en langt um líður.
Frá kynningu á Hörpu í júní sl. Sviðið sést fyrir miðju en svalir og önnur sætapláss hafa ekki enn verið endanlega mörkuð. Húsið verður opnað 4. maí 2011.
Steinunn Birna mun gegna stöðu fyrsta tónlistarstjóra Hörpu. Hún segir það spennandi
tækifæri að koma að uppbyggingu og mótun tónlistarhússins.
Ljósmynd/Anton Brink
Morgunblaðið/Ómar