SunnudagsMogginn - 26.09.2010, Blaðsíða 40

40 26. september 2010
F
yrir síðustu jól kom út matreiðslubókin Eldað af lífi
og sál eftir Rósu Guðbjartsdóttur. Rósa er landsfræg
fjölmiðlakona og skrifaði meðal annars um mat og
matreiðslu í Gestgjafann í um áratug. Hún hefur haft
brennandi áhuga á eldhúsverkunum allt frá því að hún var
unglingur.
„Ég hafði mikinn áhuga á matreiðslu þegar ég var ungling-
ur. Þá fór ég að pæla í öllu sem tengdist matargerð og viða að
mér efni og klippti til dæmis út greinar
úr erlendum tímaritum. Svo var ég að
vinna með skólanum á veitingastað og í
veislueldhúsi þar sem ég lærði mjög
mikið af kokkunum,“ segir Rósa og
bætir því ákveðin við að sennilega sé
ástríðan genatengd. „Það er mikill
áhugi fyrir því að elda mat og borða mat
í föðurfjölskyldunni minni, margir
sjálflærðir og útlærðir kokkar.“
Eftir að Rósa fór út á vinnumarkaðinn og hóf störf á frétta-
stofu Stöðvar 2 og Bylgjunnar varð matreiðslan leið til að
losna við álagið og stressið sem fylgdi annasömu starfinu.
„Þetta kom í staðinn fyrir hugleiðslu fyrir mig. Mér fannst
notalegt að að koma heim eftir langan vinnudag og grúska í
mat og hlusta á útvarpið og dútla við að elda. Stressið lak af
manni við að setja saman hráefnin og búa til eitthvað gott. Og
þannig lærði ég eiginlega að njóta þess að elda mat.“
Eldað af lífi og sál
Rósa fékk tækifæri til að sameina áhuga sinn á mat og starf sitt
í fjölmiðlun þegar hún hóf að skrifa fyrir Gestgjafann fyrir um
12 árum. Hún hefur einnig skrifað og fjallað um mat í öðrum
fjölmiðlum og segir góð viðbrögð almennings hafa orðið til
þess að hún ákvað að gefa út bókina Eldað af lífi og sál en hún
hafði mjög ákveðnar hugmyndir um það hvernig bókin ætti
að vera.
„Mér fannst mjög mikilvægt að hún væri hlýleg, væri fal-
lega myndskreytt og ekki síst að uppskriftirnar væru settar
fram á einfaldan hátt. Hvað matinn sjálfan varðaði þá valdi ég
úr það sem ég hef mest verið að elda í gegnum árin og það sem
hafði fengið bestu viðtökurnar, hvort sem er hjá fjölskyld-
unni eða gestum.“ Rósa segir uppskriftirnar allar eiga það
sameiginlegt að þær séu afurð áralangs nosturs hennar sjálfr-
ar og nefnir kjötbolluuppskriftina, sem hún leyfði okkur góð-
fúslega að birta, sem dæmi. „Þessar kjötbollur eru undir
ítölskum áhrifum; ég set ferska steinselju, hvítlauk, lauk og
furuhnetur út í og krydda vel. Þannig verða bollurnar hollari
fyrir vikið og einstaklega bragðgóðar.Við erum fimm í heimili
og þar sem uppskriftin er fyrir fjóra geri ég hana alltaf tvö-
falda og jafnvel þrefalda ef einhver gestur skyldi kíkja í heim-
sókn, því þá klárast alltaf síðasta bollan,“ segir Rósa og hlær.
Einn af köflum bókarinnar er um barnaafmæli en það var
eitt af föstum umfjöllunarefnum Rósu í Gestgjafanum og að
hennar sögn sívinsælt þar sem fólk vanti alltaf nýjar hug-
myndir um það hvað eigi að bjóða upp á í barnaafmælum.
Eigum að vita hvað er í matnum
„Þótt mér finnist gaman að elda vil ég alls ekki vera marga
klukkutíma að því,“ segir Rósa sem hafði það að leiðarljósi að
hafa uppskriftirnar í bókinni sem aðgengilegastar fyrir fólk.
„Mér fannst það mikilvægt að uppskriftirnar væru einfaldar
þannig að fólk fengi það ekki á tilfinninguna að það þyrfti til
dæmis að eiga fullan skáp af sérstökum olíum og kryddum
sem það hefur kannski aldrei heyrt um áður. Bókin er miðuð
við það að hún sé notuð dagsdaglega og fólk hefur komið til
Hugleiðir við
matreiðsluna
Rósa Guðbjartsdóttir gaf út mat-
reiðslubókina Eldað af lífi og sál í
fyrra. Hún lagði áherslu á að upp-
skriftirnar væru aðgengilegar og hvet-
ur fólk til að gefa sér tíma í eldhúsinu.
Hólmfríður Gísladóttir holmfridur@mbl.is
Matur
Eplakökuunnendur verða ekki
sviknir af henni þessari. Einföld og
ljúf kaka sem gaman er að bera á
borð.
Botninn:
150 g smjör
180 hveiti
100 g sykur
3 eggjarauður
Hnoðið vel saman og kælið
deigið í um 20 mínútur. Fletjið að-
eins út og þrýstið því svo í botninn
og hliðarnar á eldföstu móti. Bakið
botninn í um 10 mínútur við 180
gráður. Búið til eplafyllinguna á
meðan.
Fylling:
6-8 epli
1 sítróna, börkur og safi
1 dl vatn
40 g sykur
Skrælið eplin og skerið í bita.
Sjóðið þau í vatni með safa og rifn-
um berki af sítrónu, ásamt sykr-
inum og hrærið í á meðan. Þegar
þetta er orðið nokkuð vel maukað
er fyllingunni hellt í forbakaða
botninn og marengsinn hrærður.
Marengslok:
3 eggjahvítur
100 g sykur
Hrærið mjög vel saman þar til
orðið stíft. Sprautið eða smyrjið
marengsinum yfir eplamauksfyll-
inguna og bakið í 10-15 mínútur,
þar til marengsinn hefur tekið á
sig gylltan blæ. Kakan er borin
fram volg eða köld, gjarnan með
rjóma.
Eplabaka með marengs
Fyrir fjóra
Þessar kjötbollur eru ákaflega
vinsælar á mínu heimili þótt upp-
skriftin taki stundum örlitlum
breytingum. Um að gera að elda
nóg af þeim.
500 g nautahakk
1 tsk. kummín, malað, en má
líka nota kummínfræ
1 msk. fersk steinselja, söxuð
½ dl furuhnetur
2 hvítlauksrif, marin
1 msk. laukur, smátt
niðurskorinn
1 egg
1 dl brauðmylsna
salt og grófmalaður pipar
1 msk. ólífuolía
Kryddið nautahakkið með
kummíni, salti og pipar og bætið
hvítlauk, lauk, steinselju og furu-
hnetum saman við. Hrærið síðan
egg og brauðmylsnu saman við og
mótið bollur. Steikið í um 10 mín-
útur við miðlungshita í ólífuolíu á
stórri pönnu. Snúið bollunum við
meðan á eldun stendur svo þær
brúnist og steikist jafnt.
Berið fram með góðu pasta eða
spaghettíi og tómatsósan ljúf-
fenga gegnir lykilhlutverki.
Tómatsósa:
1 msk ólífuolía
1 laukur, smátt skorinn
3-4 hvítlauksrif, marin
2-3 msk basilíka, smátt skorin
1 tsk sykur
1 dós niðursoðnir tómatar
salt og pipar
Mýkið lauk og hvítlauk í ólífu-
olíu á pönnu við vægan hita í
nokkrar mínútur. Bætið síðan nið-
ursoðnum tómötum saman við,
og nokkru af safanum af þeim líka
og sykri og látið malla í nokkra
stund. Dreifið basilíkunni yfir rétt
í lok suðutímans. Saltið síðan og
piprið að smekk.
Suðrænar kjötbollur með tómatsósu