Skólablaðið - 01.03.1987, Blaðsíða 24

24 SKÓLABLAÐIÐ
Helga Friðriksdóttir er aldursfor-
setinn. Hún kemur úr Hvassaleitis-
skóla og er í 6. bekk X.
Hvernig finnst þér skólinn?
„Ég er í eðlisfræði 1 og finnst námið
of einhæft. Við lærum bara formúlur
og tölur og bráðvantar kjaftafög til að
fá útrás. Að mínum dómi er bekkjar-
kerfið kostur, maður nær þá traust-
ara sambandi við kennara og nem-
endur. Ég vænti mikils af skólanum í
fyrstu og varð ekki fyrir vonbrigðum.
Þriðji bekkur var skemmtilegt þroska-
stig. Ég var spennt vegna breyting-
anna og leit á mig sem eldri einstak-
ling. Ég var virkust í félagslífinu
fyrsta árið, og bitnaði það á lær-
dómnum. í fjórða bekk var ég í Mið-
bæjarskólanum, og var það ömur-
legt, við vorum svo út úr. Löngu frím-
ínúturnar dugðu rétt til að hlaupa upp
í Cösu, en þá var aftur hringt inn.
Þessi einangrun varð til þess að ég
datt úr félagslífinu. Það hafði þau
áhrif að námsárangurinn varð betri. i'
sjötta bekk gera kennararnir meiri
kröfur til nemendanna. Þar er ekki
eins mikill agi, við eigum að treysta
meira á okkur sjálf, o.s.frv. Mér finnst
þreyta og skólaleiði gegnumgang-
andi í árgangnum, svo að krakkarnir
draga hver annan niður. Annars
vantar ekki verkefnin, það er nóg að
gera. Metnaðurinn er bara minni.
Þegar ég lít aftur sé ég ekki eftir að
hafa valið M.R., og myndi hiklaust
gera það aftur. M.FV er góður skóli
sem hlúir að þegar þörfin er mest.
Ég er hlynnt því að lesa allt aftur
undir stúdentspróf því að þá næst
betra heildaryfirlit. Það er góður
undirbúningur undir H.í. — Ég hlakka
samt til að losna, sé helst eftir að hafa
ekki nýtt veturinn betur, því að ég vil
segja bless með góð próf.“
Hvernig finnst þér andinn?
„Hann er fínn og mér líður ágæt-
lega, er í 18 stráka bekk og „fíla“ strák-
amóralinn vel. orðin „one of the
guys“, að ég tali nú ekki um alla
athyglina sem ég fæ. Það, sem helst
er miður, er hve lítið samstarf er milli
árganganna, ég umgengst t.d. ein-
ungis sjöttu bekkinga."
1 lvað gerirðu utan skóla?
„Hestamennska er áhugamál nr. l,
2 og 3, en ég hef unnið á Borginni
með skólanum í vetur. Það var
skemmtileg upplyfting í tilveruna en
nú ætla ég að fara að hætta vegna
prófanna."
Framtíðarplön?
„Eftir stúdentspróf, ætla ég að inn-
rita mig í verkfræði í H.í. Ef það vex
mér í augum og mér finnst skólaleið-
inn enn angra mig, tek ég mér ársfrí,
fer að vinna og svo út að ferðast.
Sný mér síðan aftur af fullum krafti að
skólanum. Ég hef hug á að mennta
mig á öðrum sviðum eftir allar raun-
greinarnar í M.R., fá andlega upplyft-
ingu.
Ég er bjartsýn á framtíðina og
langar til að fara á svið þar sem karlar
hafa ráðið. Ég hef áhuga á ýmsum
hlutum sem peningar geta veitt, svo
að starfið verður að vera blanda af
hugsjón og peningaspursmálum."
Ilvað finnst þér um stjórn- og
menningarmál landsins?
„Ég hef verið áhugalaus um
stjórnmál, en áhuginn er farinn að
glæðast og ég ætia að kjósa í vor.
Menningar- og stjórnmálaáhugi er
í lágmarki hjá ungu fólki nú, stefnir á
núll eins og sagt er í stærðfræði. Við
ættum að endurskoða þessi mál vel,
því að til eru aðrar skemmtanir en
drykkja, böll og makaleit.
Okkar kynslóð er orðin of kröfu-
hörð og vanþakklát. I tún kann ekki
að meta það, sem hún hefur, og
heldur alltaf að grasið sé grænna
hinum megin. Fólk ætti að vera oprt-
ara og hleypa öðrum að sér. ísland
er lokað land, en til að opna það þarf
fólk að verða meðvitaðra. Það á að
geta látið skoðanir sínar í ljós án þess
að áfengi sé alltaf við höndina. Mest
ber á sýndarmennsku hjá stjórn-
málamönnum. Þeir eru núna fyrst og
fremst „exhibisjónistar", á kostnað
hugsjónarinnar. f :yrr á þessari öld
voru pólitíkusarnir menn með hug-
sjón og mikla baráttugleði fyrir hag
lands síns og fólksins, menn sem
létu sér ekki allt fyrir brjósti brenna.
Þá finnst mér allt of margir flokkar
fyrir svona lítið land, — fólk verður
hringavitlaust á þessu, — úllen dúllen-
aðferðin gildir í kosningum. Þrír
flokkar nægja, vinstri, hægri og mið-
flokkur.
Stéttaskiptingin er orðin of áber-
andi í þjóðfélaginu og mikið vantar á
réttlætið. Það á að meta fólk eftir
dugnaði, en ekki hvar í þjóðfélags-
stiganum það er. Störf og menntun
segja ekki alltaf bara til um greind,
heldur einnig áhuga fólks."
Einhver ráðlegging að lokum?
„Já, mér finnst að fóik eigi að koma
fram við aðra eins og það vill að
komið sé fram við það. Það kostar
ekkert að brosa, en gefur þeim mun
meira."