Skólablaðið - 01.03.1987, Blaðsíða 22

22 SKÓLABLAÐIÐ
Hvernig er að vera í
Spjallað við nemendur um skólann, lífið og tilveruna
Viðtöl: Kristinn Pétursson og
Margrét H. Blöndal
Fulltrúi tjriðjuhekkinga er Einar
Halldór Jónsson, D—bekk. Hann
kemur úr 1 lagaskóla.
Einar, hvers vegna M.R.?
„Þar sem M.R. er minn hverfisskóli,
fóru flestallir félagar mínir þangað.
Auk þess vissi ég að hann er góður
og hafði engan áhuga á Versló eða
öðrum skólum."
Ertu svo sáttur við skólann?
Já, að mestu leyti. M.R. hefur þó
auðvitað sína galla. Er helsti gallinn
að mínu viti sá að þurfa að vera eftir
hádegi í skólanum. Þannig nýtist
dagurinn ekki í neitt annað en
lærdóm. Mér finnst námsefnið ekki
heldur nógu skemmtilegt. Hér vantar
meira val. Skólinn er annars hvorki
erfiðari né auðveldari en ég bjóst við.
Mér gekk þokkalega á jólaprófunum,
en verst í íslenskunni, þar sem ég
var lengi í Svíþjóð. En ef á heildina er
litið, er ég nokkuð ánægður. Það er
kostur að hafa bekkjarkerfi, því að
þá kynnist fólk betur."
Hvað finnst þér um félagslífið?
„Það er o.k. Annars er ég ekkert
sérstaklega virkur, það gerir tíma-
skorturinn. Ég mæti á böll og ræðu-
keppnir. Þegar ég var úti í Svíþjóð,
var ég miklu virkari í félagslífinu, var
á fullu í íþróttum, svo sem frjálsum,
fimleikum og sundi, en núna fer tím-
inn utan skóla helst í samveru með
félögunum."
Framtíðarplön?
„Eftir stúdentspróf langar mig til að
ferðast í eitt ár til að kynnast heim-
inum og þroskast. Ég gæti þó ekki
hugsað mér að fiytjast brott alfarinn.
Ég hef prófað að búa erlendis og
kann betur við mig hér, sakna helst
sænska skógarins. Um framhalds-
nám er allt óráðið, ég hugsa bara um
að ná og búiðr
Karl Vikar Kristjánsson er í stærð
fræðideild, 4. bekk U. hann er Vest-
urbæingur og kemur úr Hagaskóla.
I ivað segir þú gott, Kalli?
„Þreyttur."
Efast þú nokkurn tíma um að þú
hafir valið rétt?
„Nei, M.R. er skólinn sem hentar
mér best. Ég vissi nokkuð vel að
hverju ég gekk, svo að það var lítið
sem kom mér á óvart. Ég bjóst við
að skólinn væri íhaldssamur og
þurr, sem hann að mínu mati er."
Kostir og gallar?
„Mér finnst bekkjarkerfið og hve
miklar kröfur eru gerðar til nemenda
helstu kostirnir. Þó er mörgu ábóta-
vant. Kennslu í mörgum greinum
mætti gera áhugaverðari, enskuna
t.d. Einnig mætti vaiið vera meira.
Mér líður ágætlega í skólanum og
andinn er fínn. Ég hef áhuga á
flestum námsgreinunum, en það er
misjafnt hversu vel maður er vak-
andi í tímum. Álagið er mismikið;
lítið að gera eina vikuna, en brjálað
í þeirri næstu."
Ertu virkur í félagslífinu?
„Ég er neytandi og fer á það sem
boðið er upp á þegar ég kem því
við. Mér finnst félagslífið sæmilegt,
en mætti vera betra. Það einkennist
af því að þar er mestallt sama fólkið
við stjórn."
I Ivað ertu svo að bralla í tóm
stundum?
„Tómstundir mínar eru nánast
engar. Þessar tuttugu og fjóru
stundir í sólarhringnum eru full-
nýttar dag hvern. Það er skólinn og
heimanámið og fyrir utan skólann
sem sviðsmaður í lðnó hjá Leikfé-
lagi Reykjavíkur. Þar er ég nokkur
kvöld í viku og einnig á daginn.
Þetta er skemmtileg vinna og kaup-
ið gott, alltaf gaman að kynnast