Morgunblaðið - 27.04.2010, Side 2

2 FréttirINNLENT
MORGUNBLAÐIÐ ÞRIÐJUDAGUR 27. APRÍL 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FLUGMÁLASTJÓRN hefur komið
þeim skilaboðum á framfæri við
Landhelgisgæsluna að hún þurfi að
sækja um sérstaka heimild til að
fljúga með fjölmiðlamenn að gos-
stöðvunum í Eyjafjallajökli, þar
sem þeir teljist vera farþegar. For-
stjóri Gæslunnar telur að fjölmiðla-
menn starfi í almannaþágu við að
miðla upplýsingum um gosið og seg-
ir að Gæslan geti sjálf metið hverjir
eigi erindi um borð í flugferðir yfir
gosstöðvarnar.
Skilaboðin um að sérstök leyfi
þyrfti fyrir fjölmiðlamenn voru sett
fram munnlega eftir að Flugmála-
stjórn hafði tilkynnt flugrekendum
að nýjar reglur hefðu tekið gildi um
flug á tilteknum svæðum í grennd
við gosstöðvarnar. Á ákveðnu svæði
er flug algjörlega bannað. Aðrar
starfsstéttir voru ekki tilgreindar.
Þurfa að sækja um leyfi
Valdís Ásta Aðalsteinsdóttir, upp-
lýsingafulltrúi Flugmálastjórnar,
segir að reglurnar taki ekki til
Landhelgisgæslunnar, þar sem hún
starfi eftir sérstökum lögum, og hún
geti flogið að gosstöðvunum með
vísindamenn, starfsmenn almanna-
varna og slíka. Hyggist Gæslan
fljúga með aðra, s.s. fjölmiðlamenn
eða alþingismenn, þurfi hún leyfi
fyrir farþegaflug. Georg Kr. Lár-
usson, forstjóri Landhelgisgæslunn-
ar, segir að 1-2 fjölmiðlamenn hafi
verið með í rannsóknarferðum yfir
gosstöðvarnar. „Landhelgisgæslan
hefur skyldur samkvæmt almanna-
varnalögum og við teljum að þeir
fréttamenn sem hafa fylgst með
gosinu úr flugförum okkar séu þar
til þess að geta komið á framfæri
nauðsynlegum upplýsingum um
gosið. Aukinheldur teljum við al-
gjörlega nauðsynlegt að fréttamenn
upplifi með eigin augum tækin,
tæknina og aðstæður á vettvangi til
að geta miðlað upplýsingunum með
sem bestum hætti. Við teljum að
fréttamenn, í þessum skilningi, séu
ekki almennir farþegar,“ segir
Georg. runarp@mbl.is
Segja að Gæslan þurfi sér-
stakt leyfi fyrir fjölmiðla
 Gæslan telur að fréttamenn gegni mikilvægu hlutverki
Aðkoman
ekki jafn-
svört
HREINSUNARSTARF á sveita-
bæjum sem verst urðu úti vegna
öskufalls er í fullum gangi. Vagn
Kristjánsson lög-
reglumaður hefur
yfirumsjón með
hreinsunarstarf-
inu. Hann segir
aðkomuna að bæj-
unum ekki jafn-
svarta og áður
enda hafi slökkvi-
liðsmenn vatns-
hreinsað húsin.
Þá hafi sveitarfé-
lagið beitt vinnuvélum við að skafa
heimreiðar og bæjarhlöð. Vagn segir
enn verið að meta stöðuna og skipu-
leggja starfið. Hann ráðleggur þeim
sem vilja hjálpa til við hreinsun að
mynda hópa og senda hjálparboð á
netfangið sveitin@hvolsvollur.is.
Elvar Eyvindsson, sveitarstjóri og
bóndi í Austur-Landeyjum, segir
brúnina vera að léttast á íbúum.
„Þetta er ekki eins svart og þegar
fólk var statt inni í svartasta mekk-
inum. Þegar léttir til þá léttist lundin.
Að ekki sé talað um þegar svona
margir vilja hjálpa til við að þrífa
burtu mesta ófögnuðinn.“ Hann segir
að ekki sé enn búið að skoða heiðar og
afrétt. „Landgræðslan mun líklega
koma að því. Það hefði líklega verið
gott að eiga ennþá áburðarflugvél.“
svanbjorg@mbl.is
Gosið Askan víkur
fyrir vatninu.
Enn eftir að meta
ástandið á heiðunum
Eftir Andra Karl
andri@mbl.is
TALIÐ er víst að allir farþegar jeppabifreiðar
sem lenti utan vegar snemma laugardagsmorguns
á Suðurnesjum hefðu lifað slysið af ef þeir hefðu
notað bílbelti. Þetta má meðal annars ráða af
meiðslum ökumannsins – sem var í bílbelti – og
skemmdum á jeppanum auk þess hversu stutt
hann fór utan vegar.
Fjórir voru í jeppanum, piltur sem ók og þrjár
stúlkur, öll 18-19 ára. Þó að ekki liggi allt fyrir um
tildrög slyssins er ljóst að þau voru öll að
skemmta sér um kvöldið og fram á nótt.
Pilturinn er búsettur í Sandgerði en var að
keyra stúlkurnar í Garðinn. Lögreglan á Suð-
urnesjum greindi frá því í gær að pilturinn er
grunaður um ölvun við akstur.
Jeppanum var ekið norður Hringbraut við
Reykjanesbæ og um hundrað metrum áður en
komið var að Mánatorgi missti ökumaðurinn af
einhverjum ástæðum stjórn á honum; jeppinn
lenti á ljósastaur norðan akbrautarinnar og valt út
af veginum sunnanmegin.
Að því er næst verður komist voru stúlkurnar
þrjár ekki í bílbeltum, enda köstuðust þær úr bif-
reiðinni þegar hún valt. Tvær þeirra létust að
kvöldi sunnudags og einni er enn haldið sofandi í
öndunarvél. Stúlkurnar sem létust hétu Lena
Margrét Hinriksdóttir, fædd 8. febrúar 1992, og
Unnur Lilja Stefánsdóttir, fædd 25. ágúst 1991.
Stúlkurnar þrjár bjuggu eða áttu rætur sínar að
rekja í Garðinn.
Pilturinn var eins og áður segir bundinn í belti
og hlaut minniháttar meiðsli. Hann hefur hins
vegar þurft á aðstoð að halda vegna atburðanna.
Rannsókn slyssins er þó hvergi nærri lokið og
kemur Rannsóknarnefnd umferðarslysa einnig að
málum. Mikil sorg ríkir meðal íbúa í Garði og
Sandgerði sem eru slegnir vegna slyssins.
Grunaður um ölvun við aksturinn
 Stúlkurnar tvær sem létust af sárum sínum eftir bílslys snemma laugardags-
morguns voru ekki í bílbeltum  Þriðju stúlkunni er enn haldið í öndunarvél
Slysstaður
Reykjanesbær
(Keflavík)
(Flugstöð Leifs
Eiríkssonar)
Hesthúsa-
hverfi
Mánatorg
(Sandgerði)
(Garður)
Hringbraut
Reykjanesbraut
Bíllinn keyrir á ljósa-
staur norðan vegar, fer
svo utan vegar sunnan
megin og veltur.
KARLMANNI sem fékk sér sopa af
stíflueyði í verslun Húsasmiðjunnar
við Skútuvog í gærkvöldi er haldið
sofandi í öndunarvél á gjörgæslu-
deild Landspítalans í Fossvogi, að
sögn vakthafandi læknis.
Maðurinn var talinn úr lífshættu á
ellefta tímanum í gærkvöldi en skað-
inn af völdum drykkjunnar var þá
ekki að fullu kominn í ljós.
Maðurinn varð mjög veikur og
tóku starfsmenn og viðskiptavinir
verslunarinnar strax eftir því að
hann var í annarlegu ástandi og
gerðu lögreglu viðvart.
Sofandi í
öndunarvél
VIÐUREIGN Snæfells og Keflvíkinga í körfuboltanum
í Stykkishólmi var æsispennandi í gærkvöldi. Keflvík-
ingar höfðu sigur og knúðu fram oddaleik í úrslitunum
á heimavelli. Snæfellingurinn Emil Þór Jóhannsson var
meðal þeirra leikmanna sem urðu að fara blóðugir af
velli um stund en harkan í leiknum var mikil. | Íþróttir
Morgunblaðið/hag
BLÓÐ, SVITI OG TÁR Í HÓLMINUM
LÖGREGLAN á höfuðborgarsvæð-
inu tók alls níu ökumenn um helgina
vegna aksturs undir áhrifum áfengis
og fíkniefna. Þar af voru sex öku-
menn teknir fyrir ölvunarakstur;
fjórir karlar og tvær konur. Einn
þessara ökumanna hafði þegar verið
sviptur ökuleyfi og annar hafði aldr-
ei öðlast ökuréttindi.
Þeir sem teknir voru fyrir að aka
undir áhrifum fíkniefna voru allt
karlmenn; tveir í Reykjavík og einn í
Kópavogi. Annar þeirra sem tekinn
var í Reykjavík sinnti ekki stöðvun-
armerkjum lögreglu og var veitt eft-
irför úr Garðabæ í Hafnarfjörð og
þaðan í Kópavoginn. Ökumaðurinn,
um fertugt, hafði áður verið sviptur
ökuleyfinu. hlynurorri@mbl.is
Níu teknir
vegna ölvunar
og fíkniefna