Morgunblaðið - 27.04.2010, Blaðsíða 7

Fréttir 7INNLENT
MORGUNBLAÐIÐ ÞRIÐJUDAGUR 27. APRÍL 2010
FJÓRIR styrkir voru veittir úr
Styrktar- og verðlaunasjóði Bents
Scheving Thorsteinsson á ársfundi
Landspítalans í Salnum í Kópavogi
nýlega. Hver styrkur nemur 750
þúsund krónum.
Styrkina fengu læknarnir Karl
Andersen, Berglind Aðalsteins-
dóttir, Steinn Jónsson og Tómas
Guðbjartsson. Markmið og hlutverk
sjóðsins er að veita styrki og verð-
laun fyrir vísindaleg afrek, rann-
sóknir, ritgerðir og skylda starf-
semi á sviði hjartalækninga og
hjarta- og lungnaskurðlækninga.
Þetta er í annað sinn sem úthlutað
er úr sjóðnum.
Verðlaun Styrkveitendur og verð-
launahafar að athöfn lokinni.
Styrkveiting
ÞANN 28. apríl mun Ferðafélag Ís-
lands standa fyrir myndakvöldi þar
sem sýndar verða myndir úr vænt-
anlegri árbók FÍ. Bókin fjallar um
Torfajökulssvæðið og Fjallabak og
er „óhætt að segja að þetta
heillandi svæði verði sýnt í nýju
ljósi í þessari árbók sem Ólafur Örn
Haraldsson hefur skrifað“ segir í
frétt frá Ferðafélaginu.
Árbækur FÍ eru ritröð sem
fjallar um íslenska náttúru og hafa
þær komið út árlega frá 1929.
Myndakvöldið hefst kl. 20 í sal
Ferðafélagsins í Mörkinni 6. Að-
gangseyrir er 600 kr. og kaffiveit-
ingar í hléi. Allir eru velkomnir.
Myndakvöld Ferða-
félags Íslands
Í DAG, þriðjudag kl. 13:00-
17:00,verður haldið málþing um
hlutverk ólíkra trúarbragða í upp-
eldi barna. Málþingið fer fram í
Bratta og H-101, í húsnæði mennta-
vísindasviðs Háskóla Íslands við
Stakkahlíð. Flutt verða fræðslu-
erindi þar sem fjallað verður um
mikilvæga viðburði í lífi barna, s.s.
nafngiftir og manndómsvígslur inn-
an ólíkra trúarbragða. Að þinginu
standa leikskólasvið Reykjavíkur,
menntasvið Reykjavíkur og Rann-
sóknarstofa í fjölmenningar-
fræðum á menntavísindasviði.
Málþingið er öllum opið og að-
gangur ókeypis en þátttakendur
greiða 500 kr. kaffigjald.
Ræða trúarbrögð
GAIL Einarson-
McCleery var
kjörin forseti
Þjóðræknis-
félagsins í Norð-
ur-Ameríku (INL
of NA) á 91. árs-
þingi INL, sem
fór fram í To-
ronto í Kanada
um helgina.
Á þinginu voru
167 fulltrúar auk gesta. Gail segir
að hún vilji stuðla að enn betri sam-
skiptum en nú er við félög, sem
standa utan INL. Í því sambandi
nefnir hún að félagsmenn ætli að
fjölmenna á Hjemkomst, árlega
norræna hátíð í Fargo-Moorehead í
júní og Íslendingahátíðina í Moun-
tain í Norður-Dakóta í ágúst.
steinthor@mbl.is
Einarson-McCleery
nýr forseti INL
Gail Einarson-
McCleery
STUTT
SEX karlmenn voru handteknir á Suðurnesjum
snemma í mánuðinum, grunaðir um að nema ann-
an á brott, halda honum nauðugum í heimahúsi,
pynta hann, hóta honum og neyða til þjófnaða.
Ástæðan mun vera innheimta á fíkniefnaskuld.
Einn mannanna var dæmdur fyrr á árinu í árs
fangelsi fyrir að ryðjast inn á heimili manns, í fé-
lagi við annan, beita hann ofbeldi og hirða af hon-
um eigur upp í skuld. Sá var fluttur á Litla-Hraun
til afplánunar refsingar. Aðrir ganga lausir.
Samkvæmt upplýsingum frá lögreglu Suður-
nesja er málið enn til rannsóknar. Hún hófst 9.
apríl sl. þegar lögreglu var tilkynnt um þjófnað á
verkfærakistu sem eigandinn lagði frá sér á bif-
reiðastæði við leikskóla einn í Reykjanesbæ. Til
manns sást við verknaðinn og bifreiðar sem ekið
var á brott. Lýsing á bifreiðinni dugði lögreglu-
mönnum til að finna hana og þýfið. En þar með var
ekki öll sagan sögð.
Numinn á brott í skjóli nætur
Við yfirheyrslur yfir mönnum sem grunaðir
voru um þjófnaðinn kom í ljós að einn þeirra hafði
nóttina áður verið numinn á brott af heimili sínu af
fimm mönnum. Þeir höfðu haldið honum nauð-
ugum í heimahúsi í Reykjanesbæ um nóttina,
pyntað hann og hótað öllu illu. Þegar leið á næsta
dag var honum m.a. gert með þvingunun að stela
umræddri verkfærakistu. Í ljós kom að maðurinn
skuldaði töluvert fé vegna fíkniefnakaupa og var
um innheimtu að ræða.
Lögreglan handtók sex einstaklinga í tengslum
við málið og leitaði á heimilum þeirra. Meðal þess
sem fannst var ætlað þýfi. Þremur var sleppt að
loknum skýrslutökum en gæsluvarðhalds til einn-
ar viku var krafist yfir hinum þremur. Í kjölfar
gæsluvarðhaldsins var einum sleppt, annar hóf af-
plánun fyrri dóms, eins og fyrr er getið, og varð-
haldið var framlengt um viku yfir einum. Honum
hefur þegar verið sleppt úr haldi.
Rannsókn málsins telst vel á veg komin en ekki
er vitað hvort eða hvenær ákærur verða gefnar út.
Pyntaður af fimm mönnum
 Karlmanni haldið nauðugum og gert að greiða fíkniefnaskuld með þjófnuðum